കണ്ണൂര്‍ ഗവ.ഐ ടി ഐയിലെ ടിപിഇഎസ്, എംഎംടി ട്രേഡുകളിലേക്ക് ഉപകരണം സംഭരിക്കുന്നതിന് ക്വട്ടേഷന്‍ ക്ഷണിച്ചു.  12 ന് വൈകിട്ട് 2 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2835183.
പിണറായി ഗവ.ഐ ടി ഐയിലെ ഇലക്ട്രീഷ്യന്‍ ട്രേഡിലേക്ക് ഉപകരണം സംഭരിക്കുന്നതിന് ക്വട്ടേഷന്‍ ക്ഷണിച്ചു.  12 ന് വൈകിട്ട് 2 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2835183.
പി എന്‍ സി/500/2018

ലൈഫ്മിഷന്‍ ഭവന നിര്‍മാണ പദ്ധതി സംബന്ധിച്ച പരിശീലന പരിപാടിയില്‍ മുഴുവന്‍ ജനപ്രതിനിധികളും സെക്രട്ടറിമാരും ഭവന നിര്‍മാണവുമായി ബന്ധപ്പെട്ട നിര്‍വഹണ ഉദേ്യാഗസ്ഥരും പങ്കെടുക്കണമെന്ന് അസി.ഡവലപ്‌മെന്റ് കമ്മീഷണര്‍(ജനറല്‍) അറിയിച്ചു. തീയതി, ബ്ലോക്ക്, പഞ്ചായത്ത്, പരിശീലന സ്ഥലം എന്ന ക്രമത്തില്‍. മാര്‍ച്ച് 8 - കല്ല്യാശ്ശേരി - കല്ല്യാശ്ശേരി ബ്ലോക്ക് പഞ്ചായത്ത്, ചെറുതാഴം, ഏഴോം, ചെറുകുന്ന്, കണ്ണപുരം - കണ്ണപുരം ഗ്രാമപഞ്ചായത്ത് ഹാള്‍.  പയ്യന്നൂര്‍ - ചെറുപുഴ, പെരിങ്ങോം - വയക്കര, എരമം-കുറ്റൂര്‍, കാങ്കോല്‍-ആലപ്പടമ്പ്, രാമന്തളി - പയ്യന്നൂര്‍ ബ്ലോക്ക് പഞ്ചായത്ത് ഹാള്‍.

ജില്ലാ ആശുപത്രി കേന്ദ്രീകരിച്ച് നടത്തുന്ന ജില്ലാ മാനസികാരോഗ്യ പദ്ധതിയില്‍ മെഡിക്കല്‍ ഓഫീസര്‍, ക്ലിനിക്കല്‍ സൈക്കോളജിസ്റ്റ്, അറ്റന്റര്‍ തസ്തികകളിലേക്ക് നിയമനത്തിനായി അപേക്ഷ ക്ഷണിച്ചു.  എം ബി ബിഎസ്, എം ഡി സൈക്യാട്രി/ഡി പി എം എന്നിവയാണ് മെഡിക്കല്‍ ഓഫീസര്‍ തസ്തിയുടെ യോഗ്യത.  ക്ലിനിക്കല്‍ സൈക്കോളജിസ്റ്റിന് എം ഫില്‍ ഇന്‍ ക്ലിനിക്കല്‍ സൈക്കോളജി/പോസ്റ്റ് ഗ്രാജേ്വറ്റ് ഡിപ്ലോമ ഇന്‍ ക്ലിനിക്കല്‍ ആപ്ലിക്കേഷന്‍ എന്നിവയും അറ്റന്റര്‍ തസ്തികയിലേക്ക് ഏഴാം ക്ലാസ് പാസ്സായവരുമായിരിക്കണം.

ജില്ലയിലെ എല്ലാ ഔഷധ വ്യാപാരികള്‍ക്കും ഫാര്‍മസിസ്റ്റുകള്‍ക്കും ഔഷധ വ്യാപാരത്തിന്റെ നിയമങ്ങളെ കുറിച്ചുള്ള ബോധവത്കരണ ക്ലാസ് 9 ന് രാവിലെ 10 മണിക്ക് തളാപ്പ് നവനീതം ഓഡിറ്റോറിയത്തില്‍ നടത്തുമെന്ന് അസി.ഡ്രഗ്‌സ് കണ്‍ട്രോളര്‍ അറിയിച്ചു.  ഫോണ്‍:  0497 2707499.
പി എന്‍ സി/500/2018

കലാരംഗങ്ങളില്‍ ശോഭിക്കുന്ന നിര്‍ധനരായ വിദ്യാര്‍ത്ഥികള്‍ക്കുള്ള 2017-18 വര്‍ഷത്തെ ധനസഹായത്തിന് അപേക്ഷ ക്ഷണിച്ചു.  കഥകളി, ഓട്ടന്‍തുള്ളല്‍, ഭരതനാട്യം, കുച്ചിപ്പുടി, മോഹിനിയാട്ടം, നാടോടിനൃത്തം എന്നീ ഇനങ്ങളില്‍ സ്‌കൂള്‍ കലോത്സവത്തില്‍ സബ്ജില്ലാ തലത്തില്‍ മത്സരിക്കുകയും ജില്ലാതലത്തില്‍ മത്സരിക്കാന്‍ യോഗ്യത നേടുകയും കുടുംബ  വാര്‍ഷിക വരുമാനം 75000 രൂപയില്‍ താഴെയുള്ളവരുമായ വിദ്യാര്‍ത്ഥികള്‍ക്ക് അപേക്ഷിക്കാം.  1000 രൂപയാണ് സര്‍ക്കാര്‍ അനുവദിക്കുന്ന ധനസഹായം.

പ്രാദേശിക ആസൂത്രണത്തില്‍ ജനപങ്കാളിത്തം വര്‍ദ്ധിപ്പിക്കാനും പ്രവാസി മലയാളികള്‍ ഉള്‍പ്പടെ പൊതു ജനങ്ങളുടെ അഭിപ്രായം സ്വീകരിക്കുന്നതിനുമായി തയ്യാറാക്കിയ ഗ്രാമസഭാ പോര്‍ട്ടല്‍ കൂട്ടിലങ്ങാടി ഗ്രാമപഞ്ചായത്തില്‍ തുടങ്ങി. ജില്ലാ പ്ലാനിംഗ് ഓഫീസര്‍ പി.പി പ്രദീപ് കുമാര്‍ ഉദ്ഘാടനം ചെയ്തു.
 തദ്ദേശ ഭരണ വകുപ്പിന്റെ വെബ്ബ് സൈറ്റില്‍ ഏര്‍പ്പെടുത്തിയ പോര്‍ട്ടല്‍ പങ്കാളിത്ത ആസൂത്രണത്തിന് ഇന്റര്‍നെറ്റ് സാങ്കേതിക വിദ്യ ഉപയോഗിച്ചു അഭിപ്രായങ്ങള്‍, നിര്‍ദ്ദേശങ്ങള്‍ എന്നിവ സമര്‍പ്പിക്കുന്നതിന് കഴിയും. ഇന്‍ഫര്‍മേഷന്‍ കേരളാ മിഷനാണ്  ഗ്രാമസഭാ പോര്‍ട്ടല്‍ രൂപകല്‍പ്പന ചെയ്തത്.   

ജില്ലയില്‍ പൊലീസ് (എം.എസ്.പി) വകുപ്പില്‍ പൊലീസ് കോണ്‍സ്റ്റബിള്‍ ഡ്രൈവര്‍ തസ്തികയുടെ (കാറ്റഗറി 267/2011) റാങ്ക് പട്ടികയുടെ കാലാവധി പൂര്‍ത്തിയായതിനാല്‍ 2017 ഡിസംബര്‍ ഒന്നിന് പട്ടിക റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.

തദ്ദേശ സ്വയംഭരണ സ്ഥാപനങ്ങളുടെ വാര്‍ഷിക പദ്ധതിയിലെ സംയുക്ത പ്രോഡക്റ്റുകള്‍ അന്തിമമാക്കുന്നതിനുള്ള യോഗം മാര്‍ച്ച് ഒമ്പതിന് രാവിലെ 11ന് കോട്ടക്കുന്നിലെ ഡി.റ്റി.പി.സി ഹാളില്‍ ചേരും.