കൊച്ചി: ഹൈസ്‌കൂള്‍ മുതല്‍ ഹയര്‍ സെക്കന്റെറി തലം വരെയുള്ള വിദ്യാര്‍ത്ഥികള്‍ക്കായി 'കൃഷിയെന്ന പൈതൃകം' എന്ന വിഷയത്തില്‍ ലേഖന മത്സരം നടത്തുന്നു. കയ്യെഴുത്തു പ്രതി 8 ഫുള്‍സ്‌കാപ്പിലും ടൈപ്പുചെയ്തത് 5 പേജിലും കൂടരുത്.  രചയിതാവിന്റെ പേരും വിലാസവും ഫോണ്‍ നമ്പറും ലേഖനത്തില്‍ ചേര്‍ക്കാതെ പ്രത്യേക പേജില്‍ മാത്രമെഴുതിയൂം സ്‌കൂള്‍ മേലധികാരിയുടെ സാക്ഷിപത്രത്തോടൊപ്പം, പത്രാധിപര്‍, കേരള കര്‍ഷകന്‍, ഫാം ഇന്‍ഫര്‍മേഷന്‍ ബ്യൂറോ, കവടിയാര്‍, തിരുവനന്തപുരം -3 അല്ലെങ്കില്‍ editorkkfib@gmail.com എന്ന ഇ-മെയില്‍ വിലാസത്തിലോ മാര്‍ച്ച് 10 നകം അയക്കണം.

    അസാപ്പിന്റെ എപ്രില്‍, മെയ് മാസങ്ങളില്‍ നടക്കുന്ന തൊഴിലധിഷ്ഠിത ഹ്രസ്വകാല കോഴ്‌സുകളിലെ ഒഴിവുള്ള സീറ്റുകളിലേക്ക് അവസാന ഘട്ട അഡ്മിഷന്‍ ഇന്ന് (ഫെബ്രുവരി 21)  ജില്ലയിലെ വിവിധ അസാപ്പ് ഓഫീസുകളില്‍ നടക്കും. വിവിധ കോഴ്‌സുകള്‍ക്ക് സീറ്റ് ഒഴിവുണ്ട്. അഡ്മിഷന്‍ ആഗ്രഹിക്കുന്ന വര്‍  (15 നും 25  ഇടയില്‍ പ്രായമുള്ള)  റജിസ്‌ട്രേഷന്‍ ആന്‍ഡ് എഗ്രിമെന്റ് ഫീ 450 രൂപ,  എസ്.എസ്.എല്‍.സി സര്‍ട്ടിഫിക്കറ്റ്, ആധാര്‍ കാര്‍ഡ്, റേഷന്‍ കാര്‍ഡ് എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകളുമായി  രാവിലെ ഒമ്പതിന്  അടുത്തുള്ള  അസാപ്പ് ഓഫീസില്‍ എത്തണം. ഫോണ്‍ 9495999748, 9495999727, 8848990228.

        ഭക്ഷ്യസുരക്ഷ്യ വകുപ്പിന്റെ നേതൃത്വത്തില്‍ സേഫ് ആന്‍ഡ് ന്യൂട്രീഷ്യസ് ഫുഡ് എന്ന പേരില്‍ സ്‌കൂള്‍ വിദ്യാര്‍ഥികള്‍ക്ക് ഭക്ഷ്യസുരക്ഷാ ബോധവല്‍ക്കരണ ക്ലാസ്സുകള്‍ നടത്തി.  കൊണ്ടോട്ടി ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ നടന്ന ക്ലാസ്സില്‍ ഭക്ഷ്യ സുരക്ഷാ ഓഫീസര്‍മാരായ സി.എ. ജനാര്‍ദ്ദനന്‍, ടി. അബ്ദുല്‍ റഷീദ്, ഡോ. മുഹമ്മദ് മുസ്തഫ. കെ.വി, ജസീല, ശ്യാം എന്നിവര്‍ ക്ലാസ്സെടുത്തു.

        പെരിന്തല്‍മണ്ണ അഡീഷണല്‍ ഐ.സിഡ.ഡി.എസ് പ്രോജക്ട് ഓഫീസിന് പരിധിയിലുള്ള അങ്കണവാടികളില്‍ പ്രീ-സ്‌കൂള്‍ കിറ്റുകളും കണ്ടീജന്‍സി സാധനങ്ങളും വിതരണം ചെയ്യുന്നതിന്  ടെണ്ടര്‍ ക്ഷണിച്ചു.  ടെണ്ടര്‍ സ്വീകരിക്കുന്ന അവസാന തിയ്യതി ഫെബ്രുവരി 28 ഉച്ചക്ക് 12.  കൂടുതല്‍ വിവരങ്ങള്‍ക്ക് പട്ടിക്കാട് ചുങ്കത്തുള്ള ഓഫീസുമായി ബന്ധപ്പെടണം.  ഫോണ്‍ 04933 235580.

        ജില്ലാ വ്യവസായ കേന്ദ്രം കൈത്തറി വസ്ത്രങ്ങളുടെ പ്രചരണാര്‍ത്ഥം ജില്ലയില്‍ പ്രധാന ജംങ്ഷനുകളിലും ഹൈവേകളിലും പ്രകൃതിയോട് ഇണങ്ങുന്ന രീതിയില്‍ ഹോര്‍ഡിംഗ്‌സുകള്‍ സ്ഥാപിക്കുന്നതിന് നിലവിലുള്ള നിബന്ധനകള്‍ക്ക് വിധേയമായി ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ഫെബ്രുവരി 22ന് വൈകീട്ട് മൂന്നിനകം ജനറല്‍ മാനേജര്‍, ജില്ലാ വ്യവസായ കേന്ദ്രം, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2734812.

        ബാങ്ക്‌ലോണ്‍ കുടിശ്ശിക ഈടാക്കുന്നതിനായി കെ.എല്‍ 53 ഡി 5470 നമ്പര്‍ ഓട്ടോറിക്ഷ മാര്‍ച്ച് 16ന് രാവിലെ പെരിന്തല്‍മണ്ണ താലൂക്ക് ഓഫീസ് കോമ്പൗണ്ടില്‍ ലേലം ചെയ്യും.

        ബാങ്ക് ലോണ്‍ കുടിശ്ശിക ഈടാക്കുന്നതിനായി കെ.എല്‍ 51 എ 3309 നമ്പര്‍ ഷെവര്‍ലേ ടവേര കാര്‍ മാര്‍ച്ച് 20ന് രാവിലെ 11ന് പെരിന്തല്‍മണ്ണ താലൂക്ക് ഓഫീസ് കോമ്പൗണ്ടില്‍ ലേലം ചെയ്യും.

        ബാങ്ക് ലോണ്‍ കുടിശ്ശിക ഈടാക്കുന്നതിനായി കെ.എല്‍. 53 ബി 9386 നമ്പര്‍ ഓട്ടോറിക്ഷ മാര്‍ച്ച് 16ന് രാവിലെ 11ന് പെരിന്തല്‍മണ്ണ താലൂക്ക് ഓഫീസ് കോമ്പൗണ്ടില്‍ ലേലം ചെയ്യും.

കുടുംബശ്രീ വഴി നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജന പദ്ധതിയിലൂടെ നടത്തുന്ന സൗജന്യ തൊഴില്‍ പരിശീലനത്തിനുള്ള കൗണ്‍സിലിംഗ് ഫെബ്രുവരി 22ന്  രാവിലെ  10.30 ന് പള്ളിക്കല്‍ പഞ്ചായത്ത് ഹാളില്‍  നടത്തും.  പരിശീലനത്തില്‍  ഗ്രാമീണ മേഖലയിലെ 18-നും 35-നും ഇടയില്‍ പ്രായമുള്ള ബി.പി.എല്‍, കുടുംബശ്രീ തൊഴിലുറപ്പ്, ആശ്രയ എന്നീ പദ്ധതികളില്‍ ഉള്‍പ്പെട്ടവര്‍ക്ക് പങ്കെടുക്കാം. പരിശീലനം പൂര്‍ത്തിയാക്കുന്നവര്‍ക്ക് ജോലിയില്‍ നിയമനം നല്‍കും. വിദ്യാഭ്യാസ യോഗ്യത: എസ്.എസ്.എല്‍.സി. ഫോണ്‍ :  9605 852 285, 04832 733470.

ആനക്കയം കാര്‍ഷിക ഗവേഷണ കേന്ദ്രത്തിന്റെയും കൊച്ചി കശുമാവ്-കൊക്കോ വികസന ഡയറക്ടറേറ്റിന്റെയും സംയുക്താഭിമുഖ്യത്തില്‍ ആനക്കയത്ത് സംഘടിപ്പിച്ച 'കശുമാവു കൃഷി - സാധ്യതകള്‍' വിഷയത്തില്‍ ജില്ലാതല സെമിനാര്‍ സംഘടിപ്പിച്ചു. പി. ഉബൈദുള്ള എം.എല്‍.എ ഉദ്ഘാടനം ചെയ്തു. ആനക്കയം ഗ്രാമ പഞ്ചായത്ത് വൈസ് പ്രസിഡന്റ്  സി.പി. അബ്ദുറഹ്മാന്‍ അധ്യക്ഷത വഹിച്ചു. കാര്‍ഷിക ഗവേഷണ കേന്ദ്രം മേധാവി ഡോ. വി.എം. അബ്ദുല്‍ ഹക്കീം പദ്ധതി വിശദീകരണം നടത്തി.

പട്ടികവര്‍ഗ്ഗ വിദ്യാര്‍ത്ഥികള്‍ക്കായി 2018-19 അദ്ധ്യയനവര്‍ഷത്തേക്കുള്ള മോഡല്‍ റസിഡന്‍ഷ്യല്‍ സ്‌കൂള്‍  പ്രവേശന പരീക്ഷ മാര്‍ച്ച് മൂന്നിന് രാവിലെ 10 നും അയ്യങ്കാളി സ്‌കോളര്‍ഷിപ്പ് പരീക്ഷ ഉച്ചക്ക് രണ്ടിനും  നിലമ്പൂര്‍ ഐ.ജി.എം.എം.ആര്‍.സ്‌കൂളില്‍ നടത്തും. അറിയിപ്പ് ലഭിക്കാത്തവര്‍ നിലമ്പൂര്‍ ഐ.റ്റി.ഡി.പി. ഓഫീസില്‍ നേരിട്ട് ബന്ധപ്പെടണം. ഫോണ്‍  04931 220315.

        പെരിന്തല്‍മണ്ണ പി.ടി.എം ഗവ. കോളേജില്‍ കൊമേഴ്‌സില്‍ എഫ്.ഡി.പി. ഒഴിവിലേക്ക് അധ്യാപക നിയമനത്തിന് അപേക്ഷ ക്ഷണിച്ചു.   കോഴിക്കോട് വിദ്യാഭ്യാസ ഡെപ്യൂട്ടി ഡയറക്‌ട്രേറ്റില്‍ പേര് രജിസ്റ്റര്‍ ചെയ്ത യു.ജി.സി നിഷ്‌കര്‍ഷിച്ച യോഗ്യതയുള്ളവര്‍ ഫെബ്രുവരി 27ന് രാവിലെ 10.30ന് അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചക്ക് കോളേജില്‍ എത്തണം.  ഫോണ്‍ 04933 227370.