കാക്കനാട്: പട്ടികവര്‍ഗ്ഗ സുസ്ഥിരവികസന പദ്ധതിയുടെ ഭാഗമായി  കുടുംബശ്രീ ജില്ലാ മിഷന്റെ നേതൃത്വത്തില്‍ കുട്ടമ്പുഴ പഞ്ചായത്തിലെ കല്ലേലിമേട് കമ്മ്യൂണിറ്റി ഹാളില്‍ പട്ടികവര്‍ഗ്ഗ അയല്‍ക്കൂട്ട സംഗമം നടന്നു. തൊഴിലുറപ്പ് പദ്ധതിയെ മാത്രം ആശ്രയിക്കുന്ന ഇവര്‍ക്ക് കുടുംബശ്രീയിലൂടെ ലഭിക്കുന്ന          ആനുകൂല്യങ്ങളെക്കുറിച്ചും സ്വയം വരുമാന മാര്‍ഗ്ഗങ്ങളെക്കുറിച്ചും ട്രെയിനിംഗ് ടീം അംഗം മഞ്ജു ഉണ്ണി ക്ലാസെടുത്തു. 

കാക്കനാട്: ജില്ലയിലെ ഒരു അര്‍ധ സര്‍ക്കാര്‍ സ്ഥാപനത്തില്‍ ഫിനാന്‍സ് അസിസ്റ്റന്റിന്റെ മൂന്ന് താത്കാലിക ഒഴിവുകളുണ്ട്. തുറന്ന മത്സരം-1, മുസ്ലിം-1, എല്‍.സി/എഐ-1, ബികോം യോഗ്യതയും അക്കൗണ്ടിംഗില്‍ മൂന്ന് വര്‍ഷത്തെ പ്രവൃത്തി പരിചയവും കംപ്യൂട്ടര്‍ പരിജ്ഞാനവുമുള്ള ഉദ്യോഗാര്‍ഥികള്‍ എല്ലാ അസ്സല്‍ സര്‍ട്ടിഫിക്കറ്റുകളും സഹിതം ഫെബ്രുവരി 26 ന് മുന്‍പ് ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചില്‍ ഹാജരാകണം. പ്രായപരിധി 18-41. നിയമാനുസൃത ഇളവ് ലഭിക്കും.  

കൊല്ലം പാരിപ്പള്ളി സര്‍ക്കാര്‍ മെഡിക്കല്‍ കോളേജില്‍ നിലവിലുള്ള സീനിയര്‍/ജൂനിയര്‍ റസിഡന്റ്മാരുടെ തസ്തികകളിലേക്ക് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ നിയമിക്കുന്നതിന് യോഗ്യതയുള്ള ഉദ്യോഗാര്‍ഥികള്‍ക്കായി കൂടിക്കാഴ്ച നടത്തുന്നു.

വിവിധ വകുപ്പുകളില്‍ ജൂനിയര്‍ റസിഡന്റ് ഒഴിവിന് എംബി.ബി.എസ് ആണ് യോഗ്യത.  വേതനം പ്രതിമാസം 45,000 രൂപ.  ജനറല്‍ മെഡിസിനില്‍ സീനിയര്‍ റസിഡന്റിന്റെ രണ്ട് ഒഴിവുണ്ട്.  എംബി.ബി.എസും, എം.ഡി (ജനറല്‍ മെഡിസിന്‍) യുമാണ് യോഗ്യത.  വേതനം പ്രതിമാസം 50,000 രൂപ.  ഉദ്യോഗാര്‍ത്ഥികളുടെ പ്രായം പരമാവധി 40 വയസാണ്.

കേന്ദ്ര ടെക്‌സ്‌റ്റൈല്‍ മന്ത്രാലയത്തിന് കീഴിലെ കണ്ണൂര്‍ വീവേഴ്‌സ് സര്‍വീസ് സെന്റര്‍ സംഘടിപ്പിക്കുന്ന ഹസ്തകല സഹ്‌യോഗ് ക്യാമ്പ് ഫെബ്രുവരി 20ന് രാവിലെ പത്തിന് ധര്‍മ്മശാല ഇന്ത്യന്‍ കോഫി ഹൗസില്‍ പി. കരുണാകന്‍ എം.പി ഉദ്ഘാടനം ചെയ്യും. ടി.വി രാജേഷ് എം.എല്‍.എ, ജില്ലാ കലക്ടര്‍ മീര്‍ മുഹമ്മദ് അലി, ജില്ലാ വ്യവസായ കേന്ദ്രം ജനറല്‍ മാനേജര്‍ കെ.ടി അബ്ദുല്‍ മജീദ്, കല്ല്യാശ്ശേരി പഞ്ചായത്ത് പ്രസിഡന്റ് ഇ.പി ഓമന എന്നിവര്‍ സംസാരിക്കും. ടെക്‌സ്‌റ്റൈല്‍ മന്ത്രാലയത്തിന് കീഴിലെ വിവിധ പദ്ധതികളെക്കുറിച്ച് വിശദീകരിക്കും. മുദ്ര ബാങ്ക് വായ്പകള്‍ക്കുള്ള അപേക്ഷകളും സ്വീകരിക്കും.
പി.എന്‍.സി/389/2018
 

കാക്കനാട്: ഫെബ്രുവരി, മാര്‍ച്ച്, ഏപ്രില്‍ മാസങ്ങളിലെ ആദ്യത്തെയും മൂന്നാമത്തെയും ശനിയാഴ്ചകളില്‍ രാവിലെ 10.15 മുതല്‍ 12.30 വരെ നവജാത ശിശുക്കള്‍ ഉള്‍പ്പെടെ അഞ്ച് വയസ് വരെയുളള കുട്ടികള്‍ക്കായുളള പ്രത്യേക ആധാര്‍ ക്യാമ്പ് ജനറല്‍ ഹോസ്പിറ്റലിലെ റെഡ് ക്രോസ് ഹാളില്‍ നടക്കും. മാതാപിതാക്കള്‍ അവരുടെ ആധാര്‍കാര്‍ഡും കുട്ടിയുടെ ജനന സര്‍ട്ടിഫിക്കറ്റുമായി ഹാജരാകണം.

കാക്കനാട്: കോട്ടയം ജില്ലയില്‍ വിദ്യാഭ്യാസ വകുപ്പില്‍ യു.പി. സ്‌കൂള്‍ അസിസ്റ്റന്റ് മലയാളം മാധ്യമം (കാറ്റഗറി നമ്പര്‍-386/2014) തസ്തികയുടെ ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. www.keralapsc.gov.in

കാക്കനാട്: അങ്കമാലി ഐസിഡിഎസ് പ്രൊജക്ടിലെ 101 അംഗന്‍വാടികളില്‍ പ്രീ സ്‌കൂള്‍ കിറ്റുകള്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ഫെബ്രുവരി 24 ഉച്ചയ്ക്ക് ഒരു മണി വരെ ടെന്‍ഡര്‍ ലഭിക്കും. അന്നേദിവസം ഉച്ച കഴിഞ്ഞ് രണ്ട് വരെ ടെന്‍ഡര്‍ സമര്‍പ്പിക്കാം. അന്നേദിവസം മൂന്നിന് ടെന്‍ഡര്‍ തുറക്കും. കൂടുതല്‍ വിവരങ്ങള്‍ക്ക് അങ്കമാലി അഡീഷണല്‍ ഐസിഡിഎസ് ഓഫീസുമായി ബന്ധപ്പെടുക.

കാക്കനാട്: സാമൂഹ്യനീതി വകുപ്പ് ആശാഭവന്‍ (മെന്‍), എറണാകുളം എന്ന സ്ഥാപനത്തില്‍ സി.സി.ടി.വി ക്യാമറ സ്ഥാപിക്കുന്നതിന് സ്ഥാപനങ്ങളില്‍ നിന്നും വ്യക്തികളില്‍ നിന്നും അപേക്ഷ ക്ഷണിച്ചു. പ്രൊജക്ട് സ്‌പെസിഫിക്കേഷന്‍ ഓഫീസിലെത്തി പരിശോധിക്കാം. കൂടുതല്‍ വിവരങ്ങള്‍ക്ക് ബന്ധപ്പെടുക. ആശാഭവന്‍ (മെന്‍), കുസുമഗിരി, കാക്കനാട്. ഫോണ്‍-0484 2428308