ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ പ്രതിരോധ മരുന്ന്-ആരോഗ്യ-ശുചിത്വ ശില്പശാല നാളെ (19) ഉദുമ മണ്ഡലത്തിലെ പുല്ലൂര്‍-പെരിയ പഞ്ചായത്ത് ഹാളില്‍ നടക്കും.  ഉച്ചയ്ക്ക് രണ്ട് മണിക്ക് നടക്കുന്ന സെമിനാറും ശുചിത്വചിത്രപ്രദര്‍ശനവും കെ.കുഞ്ഞിരാമന്‍ എംഎല്‍എ ഉദ്ഘാടനം ചെയ്യും. ഡോ. വിപിന്‍ നായര്‍ ശില്പശാലയില്‍ ക്ലാസെടുക്കും.

    ജില്ലയില്‍ വിവിധ വകുപ്പുകള്‍ മുഖേന നടപ്പിലാക്കുന്ന കേന്ദ്രാവിഷ്‌കൃത പദ്ധതികളുടെ നടത്തിപ്പ് സംബന്ധിച്ച് ഈ സാമ്പത്തിക വര്‍ഷത്തിലെ മൂന്നാമത്തെ അവലോകനയോഗം ചേര്‍ന്നു. പദ്ധതികള്‍ കൂടുതല്‍ കാര്യക്ഷമമാക്കി മുന്നോട്ടുകൊണ്ടുപോകുവാന്‍ പി.കരുണാകരന്‍ എംപി യുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗം തീരുമാനിച്ചു.

  ആര്‍.എസ്.ബി.വൈ ചിസ് പദ്ധതിയുടെ ഈ വര്‍ഷത്തെ സ്മാര്‍ട്ട്കാര്‍ഡ് എന്റോള്‍മെന്റ് റിന്യൂവല്‍  പ്രവര്‍ത്തനങ്ങളുടെ ഭാഗമായി ജില്ലാതല ശില്‍പ്പശാല സംഘടിപ്പിച്ചു.    എ.ഡി.എം: എന്‍.ദേവിദാസ് ഉദ്ഘാടനംചെയ്തു. ജില്ലാലേബര്‍ ഓഫീസര്‍  (എന്‍ഫോഴ്‌സ്‌മെന്റ്) എം.കുമാരന്‍ നായര്‍ അധ്യക്ഷനായി.

    മങ്കട ഗവ. കോളേജില്‍ ഇന്ന് (ഫെബ്രുവരി 17) വെള്ളിയാഴ്ചത്തെ ടൈംടേബിള്‍ പ്രകാരം ക്ലാസ്സ് ഉണ്ടായിരിക്കുമെന്ന് പ്രിന്‍സിപ്പല്‍ അറിയിച്ചു.

    കേരള ഓട്ടോറിക്ഷാ തൊഴിലാളി ക്ഷേമനിധിയില്‍ അംഗങ്ങളായിട്ടുള്ള തൊഴിലാളികളുടെ മക്കള്‍ക്ക് 2017-18 വര്‍ഷത്തേക്കുള്ള വിദ്യാഭ്യാസ സ്‌കോളര്‍ഷിപ്പിന് അപേക്ഷ ക്ഷണിച്ചു.  അഞ്ച് വര്‍ഷത്തില്‍ കുറയാത്ത അംഗത്വമുള്ള തൊഴിലാളികളുടെ സര്‍ക്കാര്‍ / എയ്ഡഡ്/സെന്‍ട്രല്‍ സ്‌കൂളുകളില്‍ എട്ട്, ഒമ്പത്, 10 ക്ലാസ്സുകളില്‍ പഠിക്കുന്ന 60 ശതമാനത്തില്‍ കുറയാത്ത മാര്‍ക്ക് നേടിയവര്‍ക്കാണ് സ്‌കോളര്‍ഷിപ്പ്.  ക്ഷേമനിധി ബോര്‍ഡിന്റെ ജില്ലാ ഓഫീസില്‍ നിന്നും സൗജന്യമായി അപേക്ഷ ഫോറം ലഭിക്കും.  അപേക്ഷ ഫെബ്രുവരി 28നകം ജില്ലാ എക്‌സിക്യൂട്ടീവ് ഓഫീസില്‍ ലഭിക്കണം.

    സംസ്ഥാന വനിതാ കമ്മീഷന്‍ ഫെബ്രുവരി 22ന് കലക്‌ട്രേറ്റ് സമ്മേളന ഹാളില്‍ രാവിലെ 10.30ന് മെഗാ വനിതാ അദാലത്ത് നടത്തും.

        ഹരിത കേരള മിഷന്റെ ഭാഗമായി ജില്ലാ ശുചിത്വ മിഷന്റെ ആഭിമുഖ്യത്തില്‍ ഹൈസ്‌കൂല്‍ വിദ്യാര്‍ഥികള്‍ക്കായി ഇന്ന് (ഫെബ്രുവരി 17) രാവിലെ 10ന് ജില്ലാ പഞ്ചായത്ത് ഹാളില്‍ ക്വിസ്സ് മത്സരം സംഘടിപ്പിക്കും. ശുചിത്വ മിഷന്‍ പുറത്തിറക്കിയ 'വേസ്റ്റ്' എന്ന പുസ്തകത്തെ ആസ്പദമാക്കിയാണ് മത്സരം നടത്തുക.  

ഫിഷറീസ് വകുപ്പ് നടപ്പിലാക്കുന്ന ബി.ഐഎഫ് & എച്ച് ഡിഎഫ് പദ്ധതിയുടെ സുഗമമായ നടത്തിപ്പിന് കരാര്‍ അടിസ്ഥാനത്തില്‍   മോട്ടിവേറ്റേഴ്‌സിനെ  നിയമിക്കുന്നു.  ഫെബ്രുവരി 20ന് രാവിലെ 11ന്  പൊന്നാനി ഫിഷറീസ് ഡെപ്യൂട്ടി ഡയറക്ടര്‍  ഓഫസില്‍ കൂടിക്കാഴ്ച നടത്തും.  താത്പര്യമുളള ജില്ലയിലെ പൊന്നാനി   മുനസിപ്പാലിറ്റി/ വെട്ടം / മംഗലം പഞ്ചായത്തിലുള്ളവര്‍  മാത്രം  അപേക്ഷിച്ചാല്‍ മതി.  ബിരുദമാണ് വിദ്യാഭ്യാസ യോഗ്യത. പ്രതിമാസം 5000 രൂപ  പ്രകാരം ഒമ്പത് മാസത്തേക്കാണ് നിയമനം. ഫോണ്‍ 0494-2666428