കൊച്ചി:  കേരള വനിതാ കമ്മീഷന്‍ എറണാകുളം ചിറ്റൂര്‍ റോഡിലുള്ള വൈഎംസിഎ ഹാളില്‍ ഫെബ്രുവരി 19,20 തീയതികളില്‍ രാവിലെ 10.30 മുതല്‍ മെഗാ അദാലത്ത് നടത്തും.

കൊച്ചി: കൈത്തറി വസ്ത്രങ്ങളുടെ പ്രചാരണാര്‍ത്ഥം എറണാകുളം ജില്ലയില്‍ രണ്ടു പ്രധാന ജംഗ്ഷനുകളിലോ ഹൈവേകളിലോ പ്രകൃതിയോട് ഇണങ്ങിയ രീതിയിലുള്ള ഹോര്‍ഡിങുകള്‍ സ്ഥാപിക്കാന്‍ യോഗ്യതയുള്ളവരില്‍ നിന്നും മുദ്രവച്ച ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഫെബ്രുവരി 26 വൈകീട്ട് നാലുമണിക്കു മുമ്പ് കാക്കനാട് കുന്നുംപുറം റോഡിലുള്ള ജില്ലാ വ്യവസായകേന്ദ്രം ഓഫീസില്‍ ലഭിക്കണം. ഫോണ്‍ 9446577578

കൊച്ചി: എറണാകുളം ഗവണ്‍മെന്റ് ലോ കോളേജില്‍ 2017-18 അദ്ധ്യയന വര്‍ഷത്തില്‍ കൊമേഴ്‌സ് വിഭാഗത്തില്‍ ഗസ്റ്റ് അദ്ധ്യാപകന്റെ ഒരു ഒഴിവുണ്ട്. എറണാകുളം കോളേജ് വിദ്യാഭ്യാസ വകുപ്പ് ഉപമേധാവിയുടെ കാര്യാലയത്തില്‍ ഗസ്റ്റ് അദ്ധ്യാപക പാനലില്‍ പേര് രജിസ്റ്റര്‍ ചെയ്ത#ിട്ടുള്ള യുജിസി മാനദണ്ഡമനുസരിച്ച് നിശ്ചിതയോഗ്യതയുള്ള ഉദേ്യാഗാര്‍ത്ഥികള്‍ക്ക് ഈ ഒഴിവിലേക്ക് അപേക്ഷിക്കാം. ഉദേ്യാഗാര്‍ത്ഥികള്‍ ഫെബ്രുവരി 19 രാവിലെ 11-ന് വിദ്യാഭ്യാസ യോഗ്യത, ജനനതീയതി, മുന്‍പരിചയം എന്നിവ തെളിയിക്കുന്ന ഒറിജിനല്‍ സര്‍ട്ടിഫിക്കറ്റുകളുമായി പ്രിന്‍സിപ്പാല്‍ മുമ്പാകെ ഹാജരാകണം.

ഉദ്യോഗസ്ഥ ഭരണസംവിധാനം കാര്യക്ഷമമായാല്‍ പൊതുജനങ്ങളുടെ പരാതികള്‍ കുറയ്ക്കാന്‍ സാധിക്കുമെന്ന് ജില്ലാ കളക്ടര്‍ ആര്‍. ഗിരിജ പറഞ്ഞു. മല്ലപ്പള്ളി സെന്‍റ് ജോണ്‍സ് ബഥനി ഓര്‍ത്തഡോക്സ് വലിയ പള്ളി പാരീഷ് ഹാളില്‍ മല്ലപ്പള്ളി താലൂക്ക് തല അദാലത്ത് ഉദ്ഘാടനം ചെയ്തു സംസാരിക്കുകയായിരുന്നു ജില്ലാ കളക്ടര്‍. 

കേരള ലളിതകലാ അക്കാദമിയുടെ ആഭിമുഖ്യത്തില്‍ ഫെബ്രുവരി 17 മുതല്‍ 24 വരെ വൈലോപ്പിള്ളി സംസ്‌കൃതി ഭവനില്‍ സംഘടിപ്പിച്ച എം.എസ്. രഞ്ജിത്തിന്റെ ഫോട്ടോ പ്രദര്‍ശനം ടൂറിസം, ദേവസ്വം-സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. ഓരോ ചിത്രവും വളരെ വാചാലമാണെന്നും അത് നമ്മുടെ ചുറ്റുപാടുകളിലേക്ക് വളരെ ശ്രദ്ധയോടെ നമ്മെ കൊണ്ടെത്തിക്കുന്നുവെന്നും മന്ത്രി അഭിപ്രായപ്പെട്ടു. കവി വിനോദ് വൈശാഖി, കാരയ്ക്കാമണ്ഡപം വിജയകുമാര്‍, കാര്‍ട്ടൂണിസ്റ്റ് പി.വി. കൃഷ്ണന്‍, കാര്‍ട്ടൂണിസ്റ്റ് സുജിത്ത് എന്നിവര്‍ പങ്കെടുത്തു.

പി.എന്‍.എക്‌സ്.616/18

 കാസര്‍കോട് ജില്ലാപഞ്ചായത്തിന്റെ  സാമ്പത്തിക സഹായത്തോടെ ആരംഭിച്ച ഹയര്‍സെക്കന്ററി തുല്യത കന്നഡ മീഡീയം ഒന്നാംവര്‍ഷ പാഠപുസ്തക നിര്‍മ്മാണശില്പശാല  ജില്ലാപഞ്ചായത്ത് അനക്‌സ് ഹാളില്‍ ജില്ലാ പഞ്ചായത്ത് പ്രസിഡന്റ് എ.ജി.സി.ബഷീര്‍ ഉദ്ഘാടനം ചെയ്തു. സംസ്ഥാന സാക്ഷരതാമിഷന്‍ അസി. ഡയറക്ടര്‍ കെ.അയ്യപ്പന്‍ നായര്‍ അധ്യക്ഷത വഹിച്ചു.റിട്ട. പ്രൊഫസര്‍ ശ്രീകൃഷ്ണ ഭട്ട് സംസാരിച്ചു. ജില്ലാസാക്ഷരതാമിഷന്‍ കോ-ഓര്‍ഡിനേറ്റര്‍ വി.വി.ശ്യാംലാല്‍ സ്വാഗതവും കെ.വി.രാഘവന്‍ മാസ്റ്റര്‍ നന്ദിയും  പറഞ്ഞു.
 

  31.12.2012 തീയതിയിലെ ഗസറ്റ് വിജ്ഞാപന പ്രകാരം വിദ്യാഭ്യാസ വകുപ്പില്‍ എച്ച്എസ്എ (മാത്ത്‌സ്) നേരിട്ടുള്ള നിയമനം (കാറ്റഗറി നം. 661/12) തസ്തികയിലേക്ക് അപേക്ഷ സമര്‍പ്പിച്ചവരും 15.10.2016 തീയതിയില്‍  നടന്ന  ഒ.എം.ആര്‍. പരീക്ഷയുടെ അടിസ്ഥാനത്തില്‍ 30.10.2017 തീയതിയില്‍  പ്രസിദ്ധീകരിച്ച  ചുരുക്കപട്ടികയില്‍ ഉള്‍പ്പെട്ടതും, സര്‍ട്ടിഫിക്കറ്റ്  പരിശോധനയില്‍ യോഗ്യത തെളിയിച്ചവരും ചുരുക്കപ്പട്ടികയിലേ മുഖ്യപട്ടികയില്‍ ഉള്‍പ്പെട്ട രജിസ്റ്റര്‍ നമ്പര്‍ 121981 മുതലും, എല്ലാ ഉപപട്ടികയിലെയും  മുഴുവന്‍ ഉദ്യോഗാര്‍ത്ഥികള്‍ക്കും ഈ മാസം 21,  22,  23,  27 തീയതികളില്‍   ജില്ലാ പി.എസ്.സി. ഓഫീസില്‍ കൂടിക്കാഴ്ച നടത്തും.

  റോഡ്‌സുരക്ഷാ കൗണ്‍സിലിന്റെ ആഭിമുഖ്യത്തില്‍ റോഡ് സുരക്ഷാബോധവല്‍ക്കരണത്തിനായി   ജില്ലയില്‍ വിവിധ കേന്ദ്രങ്ങളില്‍ അവതരിപ്പിക്കുന്നതിന്  തെരുവ്‌നാടക സംഘത്തെ തെരഞ്ഞെടുക്കുന്നതിനുളള അപേക്ഷ തീയതി നീട്ടി. റോഡ്‌സുരക്ഷയുടെ പ്രാധാന്യം വ്യക്തമാക്കുന്ന 25 മിനുട്ട് ദൈര്‍ഘ്യമുളള  തെരുവ് നാടകത്തിന്റെ സ്‌ക്രിപ്റ്റ്  ഉള്‍പ്പെടെ  നാടകസംഘത്തിന്റെ  വിശദവിവരങ്ങള്‍ ഉള്‍പ്പെടുത്തിയ എന്‍ട്രികള്‍  ഈ മാസം 24 നകം  ജില്ലാ ഇന്‍ഫര്‍മേഷന്‍ ഓഫീസര്‍, സിവില്‍സ്റ്റേഷന്‍, പി ഒ വിദ്യാനഗര്‍, കാസര്‍കോട് 671123 എന്ന വിലാസത്തില്‍ ലഭിക്കണം.