സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ഒ ബി സി  വിഭാഗത്തില്‍പ്പെട്ട ഭവനരഹിതരായ കുടുംബാംഗങ്ങള്‍ക്കുവേണ്ടി നടപ്പിലാക്കുന്ന ഭവന നിര്‍മാണ വായ്പാ പദ്ധതിയായ എന്റെ വീട്  പദ്ധതിയിലേക്ക് അപേക്ഷ ക്ഷണിച്ചു.  പദ്ധതി പ്രകാരം ഒ ബി സി വിഭാഗത്തില്‍പ്പെട്ട 18 നും 55 നും ഇടയില്‍ പ്രായമുള്ള ഭവന രഹിതര്‍ക്ക് പരമാവധി 10 ലക്ഷം രൂപ വരെ വായ്പ അനുവദിക്കും.  1,20,000 രൂപ വരെ കുടുംബവാര്‍ഷിക വരുമാനമുള്ള അപേക്ഷകര്‍ക്ക് 7.50 ശതമാനം പലിശ നിരക്കില്‍ 5 ലക്ഷം രൂപ വരെയും 1,20,000 രൂപയ്ക്ക് മുകളില്‍ 3 ലക്ഷം രൂപ വരെ കുടുംബാര്‍ഷിക വരുമാനമുള്ളവര്‍ക്ക് 8 ശതമാനം പലിശ നിരക്കില്‍ 10 ലക്ഷം രൂപവരെയും അനുവദിക്കും.

ആരോഗ്യ കുടുംബക്ഷേമ വകുപ്പിന്റെ നേതൃത്വത്തിലുള്ള ദേശീയ വിരവിമുക്ത ദിനാചരണത്തിന്റെ ജില്ലാതല ഉദ്ഘാടനം തുറമുഖ, പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. കണ്ണൂര്‍ സെന്റ് തെരേസാസ് ഹയര്‍ സെക്കന്‍ഡറി സ്‌കൂളില്‍ വിദ്യാര്‍ഥിനി അഭിരാമി വേണുഗോപാലിന് ആല്‍ബന്‍ഡസോള്‍ ഗുളിക നല്‍കിയാണ് ഉദ്ഘാടനം നിര്‍വ്വഹിച്ചത.് 

മലബാറിന്റെ സാംസ്‌കാരിക പൈതൃകം വിളംബരം ചെയ്യുവാനും സംരക്ഷിക്കുവാനും ലക്ഷ്യമിടുന്ന 'ഉത്സവം 2018' മാര്‍ച്ച്‌ 11 മുതല്‍ 14 വരെ കണ്ണൂരിലെ വിവിധ വേദികളില്‍ അരങ്ങേറും. ഇതിന്റെ ഭാഗമായി കണ്ണൂര്‍ കലക്‌ടറേറ്റ്‌ കോണ്‍ഫറന്‍സ്‌ ഹാളില്‍ ചേര്‍ന്ന സംഘാടക സമിതി യോഗം തുറമുഖ വകുപ്പ്‌ മന്ത്രി രാമചന്ദ്രന്‍ കടന്നപ്പള്ളി ഉദ്‌ഘാടനം ചെയ്‌തു.

ലൈഫ്‌ മിഷന്‍ ഭവന നിര്‍മാണ പദ്ധതിയുടെ ഭാഗമായി പ്രായമായവരും അസുഖം ബാധിച്ചവരുമായ ഗുണഭോക്താക്കളുടെ വീടുകള്‍ പൂര്‍ത്തീകരിക്കുന്നതിനുവേണ്ടി സൂക്ഷ്‌മ പദ്ധതി തയ്യാറാക്കണമെന്ന്‌ ലൈഫ്‌ മിഷന്‍ ഭവന പദ്ധതി വിലയിരുത്താന്‍ ചേര്‍ന്ന ജില്ലാതല യോഗം നിര്‍ദേശം നല്‍കി.

കാനാമ്പുഴയെ പുനരുജ്ജീവിപ്പിക്കാന്‍ മാസ്‌റ്റര്‍ പ്ലാന്‍ തയാറാക്കുന്നതിനുള്ള ശില്‍പശാല കണ്ണൂരില്‍ തുറമുഖ, പുരാവസ്‌തു വകുപ്പ്‌ മന്ത്രി രാമചന്ദ്രന്‍ കടന്നപ്പള്ളി ഉദ്‌ഘാടനം ചെയ്‌തു. ജലസ്രോതസ്സുകളെ സംരക്ഷിക്കാന്‍ ബഹുമുഖ പരിപാടികള്‍ ആവശ്യമാണെന്ന്‌ മന്ത്രി പറഞ്ഞു. സംസ്‌ഥാനത്ത്‌ ജലസ്രോതസ്സുകളുടെ പുനരുജ്ജീവനം ആദ്യമായി ആരംഭിച്ചത്‌ കാനാമ്പുഴയിലാണ്‌. ഇതില്‍നിന്ന്‌ പ്രചോദനം ഉള്‍ക്കൊണ്ടാണ്‌ തെക്കന്‍ കേരളത്തില്‍ വരട്ടാറിന്‍െറയും മറ്റും പുനരുജ്ജീവനം തുടങ്ങിയത്‌. ജില്ലക്ക്‌ തന്നെ അനുഗൃഹീതമാവുന്ന ജലസ്രോതസ്സാണ്‌ കാനാമ്പുഴ. കാലാവസ്‌ഥാ ഭേദം മൂലം കേരളം ഏതു സമയത്തും വരള്‍ച്ചയിലേക്ക്‌ നീങ്ങുകയാണ്‌.

   ആം ആദ്മി ഭീമ യോജന (ആബി) 2017-18 വര്‍ഷത്തേക്കുളള  സ്‌കോളര്‍ഷിപ്പിനുളള അപേക്ഷ ക്ഷണിച്ചു.  അപേക്ഷാഫോറങ്ങള്‍  ചിയാക്കിന്റെ വെബ് സൈറ്റ് വഴിയോ അക്ഷയ കേന്ദ്രങ്ങള്‍ വഴിയോ (രണ്ടു രൂപ നിരക്കില്‍)  ലഭ്യമാകും.ആബി പദ്ധതിയില്‍  നിലവില്‍ അംഗങ്ങളായ അപേക്ഷകന്റെ  ഒമ്പത് മുതല്‍ 12 വരെ ക്ലാസുകളില്‍ പഠിക്കുന്ന പരമാവധി രണ്ടു കുട്ടികള്‍ക്കാണ് സ്‌കോളര്‍ഷിപ്പിന് അപേക്ഷിക്കാന്‍ അര്‍ഹതയുളളത്.  പ്രധാനാധ്യാപകന്‍ സാക്ഷ്യപ്പെടുത്തിയതിന് ശേഷം അപേക്ഷ ഈ മാസം 12 മുതല്‍ അക്ഷയ കേന്ദ്രങ്ങള്‍ വഴി ഓണ്‍ലൈനായി അപേക്ഷിക്കാം.  

ഭിന്നശേഷിക്കാരുടെ കാര്യത്തില്‍ സങ്കടപ്പെടുകയോ സഹതപിക്കുകയോ ചെയ്യുന്നതിനു പകരം അവര്‍ക്ക് താങ്ങായി നില്‍ക്കുകയും വിഷമതകള്‍ ലഘൂകരിക്കാന്‍ ആവുന്നതെല്ലാം ചെയ്തുകൊടുക്കുകയുമാണ് രക്ഷിതാക്കളുടെയും പൊതു സമൂഹത്തിന്റെയും ഉത്തരവാദിത്തമെന്ന് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി അഭിപ്രായപ്പെട്ടു. കണ്ണൂര്‍ നോര്‍ത്ത് ബി.ആര്‍.സിയുടെ ഒന്നിച്ചൊന്നായ് പദ്ധതിയുടെ ഭാഗമായി നടന്ന ഭിന്നശേഷിക്കാരായ കുട്ടികള്‍ക്കുള്ള ഉപകരണ വിതരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഭിന്നശേഷിക്കാരെ ഭാരമായി കാണുന്നതിനു പകരം മനുഷ്യത്വപരവും ജീവകാരുണ്യപരമാവുമായ ഇടപെടലാണ് എല്ലാവരുടെയും ഭാഗത്തുനിന്നുണ്ടാവേണ്ടത്.

   ദേശീയ വിര വിമുക്ത ദിനത്തിന്റെ ജില്ലാതല ഉദ്ഘാടനം ജില്ല മെഡിക്കല്‍ ഓഫീസിന്റെയും ദേശീയ ആരോഗ്യദൗത്യത്തിന്റെയും ആഭിമുഖ്യത്തില്‍  തച്ചങ്ങാട്  ഗവ. ഹൈസ്‌കൂളില്‍  നടന്നു. പള്ളിക്കര പഞ്ചായത്ത്  വികസനകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ലക്ഷ്മി. പി   ഉദ്ഘാടനം ചെയ്തു.  സ്‌കൂള്‍ ഹെഡ്മിസ്ട്രസ്  ഭാരതി ഷേണായി  അദ്ധ്യക്ഷത വഹിച്ചു.  ജില്ല ആര്‍സിഎച്ച് ഓഫിസര്‍ ഡോ മുരളീധര നല്ലൂരായ മുഖ്യപ്രഭാഷണം നടത്തി. പള്ളിക്കര  സി എച്ച് സി മെഡിക്കല്‍ ഓഫിസര്‍ ഡോ വേണു.സി  കുട്ടികള്‍ക്ക്  പ്രതിജ്ഞാവാചകം  ചൊല്ലിക്കൊടുത്തു.

   ദേശീയ വിര വിമുക്ത ദിനത്തിന്റെ ജില്ലാതല ഉദ്ഘാടനം ജില്ല മെഡിക്കല്‍ ഓഫീസിന്റെയും ദേശീയ ആരോഗ്യദൗത്യത്തിന്റെയും ആഭിമുഖ്യത്തില്‍  തച്ചങ്ങാട്  ഗവ. ഹൈസ്‌കൂളില്‍  നടന്നു. പള്ളിക്കര പഞ്ചായത്ത്  വികസനകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ലക്ഷ്മി. പി   ഉദ്ഘാടനം ചെയ്തു.  സ്‌കൂള്‍ ഹെഡ്മിസ്ട്രസ്  ഭാരതി ഷേണായി  അദ്ധ്യക്ഷത വഹിച്ചു.  ജില്ല ആര്‍സിഎച്ച് ഓഫിസര്‍ ഡോ മുരളീധര നല്ലൂരായ മുഖ്യപ്രഭാഷണം നടത്തി. പള്ളിക്കര  സി എച്ച് സി മെഡിക്കല്‍ ഓഫിസര്‍ ഡോ വേണു.സി  കുട്ടികള്‍ക്ക്  പ്രതിജ്ഞാവാചകം  ചൊല്ലിക്കൊടുത്തു.

    ഹരിതകേരളം-പരിസ്ഥിതി ജലസംരക്ഷണവുമായി ബന്ധപ്പെട്ട് മുഖ്യമന്ത്രി വിദ്യാര്‍ത്ഥികള്‍ക്ക് അയച്ച കത്തിന്  മറുപടി കത്ത് എഴുതിയ വിദ്യാര്‍ത്ഥികളില്‍  ഹയര്‍സെക്കന്ററി വിഭാഗത്തില്‍ സംസ്ഥാനതലത്തില്‍  ഒന്നാം സ്ഥാനം ജില്ലയ്ക്ക് ലഭിച്ചു. കമ്പല്ലൂര്‍ ഗവ. ഹയര്‍സെക്കന്ററി സ്‌കൂള്‍ വിദ്യാര്‍ത്ഥിനിയായ സുബിന എം ആണ് സംസ്ഥാനതല ജേതാവായത്.  പ്ലസ്ടു ഹ്യുമാനിറ്റീസ് വിഭാഗത്തില്‍ പഠിക്കുന്ന സുബിന  തൊഴിലാളികളായ  എം സുനില്‍കുമാറിന്റെയും സി വി ബിന്ദുവിന്റെയും മകളാണ്.  പത്താംതരം വിദ്യാര്‍ത്ഥിയായ  സുബിന്‍ സഹോദരനാണ്.