ഫെബ്രുവരി 10ന് കോഴിക്കോട് മലബാര്‍ ക്രിസ്റ്റന്‍ കോളേജ് കാമ്പസില്‍ രാവിലെ ഒമ്പത് മുതല്‍ വൈകീട്ട് അഞ്ച് വരെ മെഗാ ജോബ് ഫെയര്‍ നടത്തും.  ജോലി ആവശ്യമുള്ളവര്‍ക്കും ജോലിക്കാരെ ആവശ്യമുള്ളവര്‍ക്കും www.jobfest.kerala.gov.inഎന്ന വെബ് സൈറ്റില്‍ സൗജന്യമായി രജിസ്റ്റര്‍ ചെയ്യാം.  100 ല്‍ പരം കമ്പനികളിലായി 5000 ത്തോളം ഒഴിവുകള്‍ പ്രതീക്ഷിക്കുന്ന മേളയില്‍ ജില്ലയിലുള്ളവര്‍ക്ക് അപേക്ഷിക്കാം. ഫോണ്‍ 0495 2370179, 9946042204.

അയ്മനം പഞ്ചായത്ത് വനിത സഹകരണ സംഘത്തിന്റെ വരവ് ചെലവുകള്‍ പാസാക്കുന്നതിന് ഫെബ്രുവരി 16 രാവിലെ 11 ന് കോട്ടയം അസിസ്റ്റന്റ് രജിസ്ട്രാര്‍ (ജനറല്‍) ഓഫീസില്‍ അന്തിമ പൊതുയോഗം ചേരും. സംഘത്തിന്റെ ലിക്വിഡേറ്ററായി കുമാരനല്ലൂര്‍ യൂണിറ്റ് ഇന്‍സ്‌പെക്ടറെ കോട്ടയം ജോയിന്റ് രജിസ്ട്രാര്‍ (ജനറല്‍)            നിയമിച്ചിട്ടുണ്ട്.  

ചട്ടിപ്പറമ്പ്  ഇലക്ട്രിക്കല്‍ സെക്ഷന്‍ പരിധിയില്‍ ഫെബ്രുവരി മൂന്നിന് രാവിലെ ഒമ്പത് മുതല്‍ വൈകിട്ടു അഞ്ച് വരെ ഭ്രാന്തന്‍കാവ്, ചെറുകുളമ്പ് ഈസ്റ്റ്  എന്നീ ട്രാന്‍സ്‌ഫോര്‍മറുകളില്‍ പൂര്‍ണമായും കാച്ചടിപ്പാറ, വറ്റലൂര്‍, വറ്റലൂര്‍ ക്രഷര്‍, കടാരം, അയനികുത്തുച്ചാല്‍, ചെറുകുളമ്പ് വെസ്റ്റ്, ക്യാപിറ്റല്‍ മാള്‍  എന്നീ  ട്രാന്‍സ്‌ഫോര്‍മറു കളില്‍ ഭാഗികമായും വൈദ്യുതി വിതരണം തടസപ്പെടും.

വൈക്കം താലൂക്കിലെ മുളക്കുളം വില്ലേജിന്റെ ബ്ലോക്ക് 22, 23, 24 എന്നിവയുടെ റീസര്‍വ്വെ ജോലികള്‍ പൂര്‍ത്തികരിച്ച് റിക്കാര്‍ഡുകള്‍ റവന്യൂ ഭരണത്തിന് കൈമാറുന്നതിന് ഉത്തരവായി. രേഖകള്‍ ഫെബ്രുവരി ഏഴിന് കൈ മാറും.

തിരൂരങ്ങാടി എ.കെ.എന്‍.എം. ഗവ. പോളിടെക്‌നിക്ക് കോളേജ് കോമ്പൗണ്ടില്‍ ജീവനും സ്വത്തിനും ഭീഷണിയായി നില്‍ക്കുന്ന ഉണങ്ങിയ അക്കേഷ്യ മരം ഫെബ്രുവരി 15ന് രാവിലെ 11ന് കോളേജില്‍ ലേലം ചെയ്യും. ഫോണ്‍ 0494 2401136.