അക്ഷയ ഊര്‍ജ ഉപകരണങ്ങളുടെ ഉപയോഗം പ്രോത്‌സാഹിപ്പിക്കുന്നതിന് സംസ്ഥാന സര്‍ക്കാര്‍ ഏര്‍പ്പെടുത്തിയ അക്ഷയ ഊര്‍ജ അവാര്‍ഡ് 2017 വൈദ്യുതി മന്ത്രി എം.എം. മണി പ്രഖ്യാപിച്ചു. സമഗ്ര സംഭാവനയ്ക്കുള്ള പുരസ്‌കാരം ഡോ. ആര്‍.വി.ജി. മേനോന് സമ്മാനിക്കും. ഒരു ലക്ഷം രൂപയും പ്രശസ്തി പത്രവുമാണ് പുരസ്‌കാരം. തദ്ദേശസ്വയംഭരണ സ്ഥാപനങ്ങളില്‍ കോട്ടയം ഞീഴൂര്‍ ഗ്രാമപഞ്ചായത്തും ലാഭേച്ഛയില്ലാതെ പ്രവര്‍ത്തിക്കുന്ന സംഘടനകളില്‍ ആലുവ മിത്രാധാം റിന്യുവബിള്‍ എനര്‍ജി സെന്ററും ഒരു ലക്ഷം രൂപയുടെ പുരസ്‌കാരത്തിന് അര്‍ഹമായി. 

*പൈതൃക പഠനയാത്ര ഫ്‌ളാഗ് ഓഫ് ചെയ്തു

    ചരിത്രത്തിലും പുരാരേഖകളിലും പുരാവസ്തുക്കളിലും അറിവുണ്ടാകുവാനും ചരിത്രസ്മാരകങ്ങളോട് മൂല്യബോധത്തോടെ പ്രവര്‍ത്തിക്കാനും വിദ്യാര്‍ത്ഥികളെ പ്രാപ്തരാക്കേണ്ടതുണ്ടെന്ന് മ്യൂസിയം പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു. സംസ്ഥാനത്തെ മൂന്നു മേഖലകളില്‍ നിന്നു തെരഞ്ഞെടുത്ത വിദ്യാര്‍ത്ഥികള്‍ക്കുവേണ്ടി പുരാവസ്തു വകുപ്പ് സംഘടിപ്പിച്ച പൈതൃക പഠനയാത്ര മന്ത്രിയുടെ ഔദ്യോഗിക വസതിയായ റോസ് ഹൗസില്‍ ഫ്‌ളാഗ് ഓഫ് ചെയ്തു സംസാരിക്കുകയായിരുന്നു അദ്ദേഹം. 

    ജില്ലാ പഞ്ചായത്തിന്റെ നേതൃത്വത്തില്‍ ജനുവരി 26ന് മലപ്പുറം ജി.എച്ച്.എസ്.എസില്‍ സംസ്ഥാന യുവജനോത്സവത്തില്‍ എ ഗ്രേഡ് നേടിയവരെ ആദരിക്കുന്ന പരിപാടി മാറ്റിവെച്ചതായി മലപ്പുറം വിദ്യാഭ്യാസ ഉപഡയറക്ടര്‍ അറിയിച്ചു.

    പിന്നാക്ക വിഭാഗ  വികസന  വകുപ്പ്  ആവിഷ്‌കരിച്ച് നടപ്പിലാക്കി വരുന്ന  അഭിഭാഷക    ധനസഹായ പദ്ധതിയുടെ   അപേക്ഷകരുടെ കരട് മുന്‍ഗണനാ ലിസ്റ്റ്  www.bcdd.kerala.gov.inഎന്ന വെബ്‌സൈറ്റില്‍  പ്രസിദ്ധീകരിച്ചു. ആക്ഷേപങ്ങള്‍ ഉണ്ടെങ്കില്‍ 10 ദിവസങ്ങള്‍ക്കകം മേഖലാ ഡപ്യൂട്ടി ഡയറക്ടര്‍, പിന്നാക്ക വിഭാഗ വികസന വകുപ്പ്, കോഴിക്കോട് സിവില്‍സ്റ്റേഷന്‍(പി.ഒ), കോഴിക്കോട്-673020 എന്ന വിലാസത്തില്‍ രേഖാമൂലം അറിയിക്കണം.

    ജില്ലാ കലക്ടറുടെ നേതൃത്വത്തില്‍ താലൂക്ക് തല പൊതുജന പരാതി പരിഹാര അദാലത്ത് ഫെബ്രുവരി 17ന് രാവിലെ ഒമ്പത് മുതല്‍ ഉച്ചവരെ തിരൂര്‍ വാഗണ്‍ട്രാജഡി സ്മാരക ഹാളില്‍ നടക്കും.  അദാലത്തില്‍ ജില്ലാതല ഓഫീസര്‍മാരും താലൂക്ക് പരിധിയിലുള്ള സബ് ഓഫീസര്‍മാരും പങ്കെടുക്കും. അദാലത്തിലേക്കുള്ള പരാതികള്‍ ജനുവരി 25 മുതല്‍ ഫെബ്രുവരി അഞ്ച് വരെ അക്ഷയ കേന്ദ്രങ്ങള്‍ മുഖേന ഓണ്‍ലൈനായി നല്‍കാം. 

    ക്ഷീര വികസന വകുപ്പ് ജില്ലാ ക്ഷീര കര്‍ഷക സംഗമത്തോടനുബന്ധിച്ച് പന്തല്ലൂര്‍ ക്ഷീര സഹകരണ സംഘത്തില്‍  ഇന്ന് (ജനുവരി 24) നടത്താന്‍ തീരുമാനിച്ചിരുന്ന കന്നുകാലി പ്രദര്‍ശനവും മറ്റു അനുബന്ധ പരിപാടികളും സാങ്കേതിക കാരണങ്ങളാല്‍ നാളത്തേക്ക് (ജനുവരി 25) മാറ്റിയതായി ജില്ലാ ക്ഷീര കര്‍ഷക സംഗമം കണ്‍വീനര്‍ അറിയിച്ചു.

സാമൂഹിക പ്രതിബദ്ധതയുള്ള പ്രഭാഷകന് കൊല്ലം മുഖത്തല വി. ചക്രപാണി മാസ്റ്റര്‍ ഫൗണ്ടേഷന്‍ ഏര്‍പ്പെടുത്തിയ പുരസ്‌കാരം തദ്ദേശ സ്വയംഭരണ വകുപ്പ് മന്ത്രി കെ.ടി. ജലീലിന് സമ്മാനിച്ചു.
ഓരോ വ്യക്തിയും നിരന്തരം ആത്മപരിശോധന നടത്തുകയാണ് മതേതരത്വം സംരക്ഷിക്കാനുള്ള വഴിയെന്ന് പുരസ്‌കാരം ഏറ്റുവാങ്ങിക്കൊണ്ട് മന്ത്രി പറഞ്ഞു. ഇതര മതങ്ങളെ മനസിലാക്കാനും ആദരിക്കാനും സംസ്‌കാരമുള്ളവര്‍ തയ്യാറാകണമെന്ന് അദ്ദേഹം നിര്‍ദേശിച്ചു.