വനം വകുപ്പിന്റെ കീഴില്‍ കാസര്‍കോട്  പരപ്പയിലുളള ഗവ. ടിമ്പര്‍ ഡിപ്പോയില്‍ നിന്നും തേക്ക്, അക്കേഷ്യ മറ്റ് വിവിധയിനം തടികള്‍ ഈ മാസം  31 ന് ഇ-ഓക്ഷന്‍ വഴി  എംഎസ്ടിസി ലിമിറ്റഡ് കമ്പനി വഴി ഓണ്‍ലൈനായി ലേലം ചെയ്യും. കൂടുതല്‍ വിവരങ്ങള്‍ക്ക് 04994 270060, 8547602862, 8547602863.
 

    തദ്ദേശഭരണ വകുപ്പിന്റെയും പി.എന്‍.പണിക്കര്‍ ഫൗണ്ടേഷന്റെയും ആഭിമുഖ്യത്തില്‍ ഇക്കോ ഡിജിറ്റല്‍ ജന്‍ വിജ്ഞാന്‍ വികാസ് എന്ന പേരില്‍ നടത്തുന്ന യാത്രയുമായി ബന്ധപ്പെട്ട ആലോചനായോഗം ഈ മാസം 25ന് ഉച്ചയ്ക്ക് രണ്ടിന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും.                                   

    സ്റ്റാഫ് നഴ്‌സ് ഗ്രേഡ്-2, ലാബ് ടെക്‌നീഷ്യന്‍ ഗ്രേഡ്-2 എന്നീ തസ്തികകളിലേക്ക് എംപ്ലോയ്‌മെന്റ് മുഖേന താല്‍ക്കാലിക നിയമനത്തിനായി ഇന്ന് (24) വയനാട് ജില്ലാ മെഡിക്കല്‍ ഓഫീസില്‍ നടത്തുവാന്‍ നിശ്ചയിച്ച കൂടിക്കാഴ്ച മോട്ടോര്‍ വാഹന പണിമുടക്കം പ്രഖ്യാപിച്ച സാഹചര്യത്തില്‍ 30 ലേക്ക് മാറ്റി. രാവിലെ 10 മണിക്ക് ജില്ലാ മെഡിക്കല്‍ ഓഫീസിലാണ്  കൂടിക്കാഴ്ച.
 

    ഫിഷറീസ് വകുപ്പ് മത്സ്യകര്‍ഷകവികസന ഏജന്‍സിയിലൂടെ നടപ്പാക്കുന്ന റീസ ര്‍ക്കുലേറ്ററി അക്വാകള്‍ച്ചര്‍ സിസ്റ്റം പദ്ധതിയില്‍ അംഗമാകുന്നതിന് മത്സ്യകര്‍ഷകര്‍ക്ക് അപേക്ഷിക്കാം. 
    അങ്കാരമത്സ്യകൃഷിയില്‍ ദ്വിദിന പരിശീലന പരിപാടിയില്‍ പങ്കെടുക്കുന്നതിനും അപേക്ഷ ക്ഷണിച്ചു. അപേക്ഷ രേഖകള്‍ സഹിതം ഫെബ്രുവരി അഞ്ചിന് മുമ്പ് പത്തനംതിട്ട ഫിഷറീസ് അസിസ്റ്റന്റ് ഡയറക്ടര്‍ ഓഫീസില്‍ ലഭിക്കണം. ഫോണ്‍: 0468 2223134, 9747497815.                                           

    പുതുക്കിയ റേഷന്‍കാര്‍ഡുകള്‍ ഈ മാസം 31 നകം ബന്ധപ്പെട്ട താലൂക്ക് സപ്ലൈ ഓഫീസുകളില്‍ നിന്ന് കൈപ്പറ്റണം. അല്ലാത്ത പക്ഷം റേഷന്‍കാര്‍ഡ് റദ്ദ്‌ചെയ്യുന്നതാണെന്ന് ജില്ലാ സപ്ലൈഓഫീസര്‍ അറിയിച്ചു
 

റിപ്പബ്ലിക്ദിനത്തോടനുബന്ധിച്ച് നാളെ (25) ഉച്ചയ്ക്ക് രണ്ട് മണിക്ക് കളക്ടറേറ്റ് കേ#ാണ്‍ഫറന്‍സ് ഹാളില്‍ നടക്കുന്നസദ്ഭാവനാ യോഗത്തില്‍ ശൗര്യചക്ര നേടിയ കമാന്‍ഡോ മനേഷ് പി വി യുവജനങ്ങളുമായി സംവദിക്കും. വനിതാശിശുക്ഷേമ വകുപ്പിന്റെ ഉജ്ജ്വലബാല്യ പുരസ്‌കാരം നേടിയ മാസ്റ്റര്‍ ഗോകുല്‍രാജിനെ അനുമോദിക്കും. ജില്ലാ കളക്ടര്‍ ജീവന്‍ബബാബു കെ അധ്യക്ഷത വഹിക്കും. ജില്ലാ പോലീസ് മേധാവി കെ ജി സൈമണ്‍, പ്രസ്‌ക്ലബ്ബ് പ്രസിഡണ്ട് ടി എ ഷാഫി എ ഡി എം എന്‍ ദേവീദാസ്, ഡപ്യൂട്ടികളക്ടര്‍ എ കെ രമേന്ദ്രന്‍ സംസാരിക്കും.
 

വിവിധ പദ്ധതികളുടെ ആനൂകൂല്യ വിതരണം 28ന്
    കൊറ്റങ്കര ഗ്രാമപഞ്ചായത്തിന്റെ ജനകീയാസൂത്രണ പദ്ധതിയില്‍ 2017-18 വര്‍ഷത്തിലെ വിവിധ പദ്ധതികളുടെ ആനുകൂല്യ വിതരണത്തിന്റെ ഉദ്ഘാടനം ഫിഷറീസ് മന്ത്രി ജെ. മേഴ്‌സിക്കുട്ടിയമ്മ നിര്‍വഹിക്കും. ജനുവരി 28ന് രാവിലെ 10ന് മേക്കോണ്‍ എസ്.സി.ഡി.യു.പി.എസില്‍ നടക്കുന്ന പരിപാടിയില്‍ ഗ്രാമപഞ്ചായത്ത് പ്രസിഡന്റ് പി. വിനിതകുമാരി അധ്യക്ഷയാകും. 

    റിപ്പബ്ലിക്ദിന പരേഡിനോടനുബന്ധിച്ച് ഇന്ന് (24) രാവിലെ നടത്താനിരുന്ന പരേഡ് ഡ്രസ് റിഹേഴ്‌സല്‍ നാളത്തേക്ക് മാറ്റി.  റിഹേഴ്‌സല്‍  നാളെ (25) രാവിലെ  7.50 ന് വിദ്യാനഗര്‍  മുനിസിപ്പല്‍ സ്റ്റേഡിയത്തില്‍ നടക്കുമെന്ന് ജില്ലാകളക്ടര്‍ അറിയിച്ചു.