ജില്ലാ ആയുര്‍വേദ ആസുപത്രിയില്‍ കുക്ക് തസ്തികയിലേക്ക് താല്‍ക്കാലിക നിയമനം നടത്തുന്നു.  കൂടിക്കാഴ്ച 7 ന് രാവിലെ 10 മണിക്ക് താണ ആയുര്‍വേദ ആശുപത്രിയില്‍ നടത്തും.  താല്‍പര്യമുള്ള നല്ല ശാരീരിക ക്ഷമതയുള്ള 18 നും 50 നും ഇടയില്‍ പ്രായമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.  
പി.എന്‍.സി/391/2018
 

 പ്രധാനമന്ത്രി കൗശല്‍ വികാസ് യോജനയുടെ ഭാഗമായി തൃക്കരിപ്പൂര്‍ ഗവ.പോളിടെക്‌നിക്ക് കോളേജ് നടത്തുന്ന ഫീല്‍ഡ് ഷെക്‌നീഷ്യന്‍-കമ്പ്യൂട്ടിങ്ങ് ആന്റ് പെരിഫറല്‍സ്(ഇലക്‌ട്രോണിക്‌സ് തൊഴിലധിഷ്ഠിത കോഴ്‌സിന്  അപേക്ഷ ക്ഷണിച്ചു. 6 നുള്ളില്‍ അപേക്ഷ കോളേജ് ഓഫീസില്‍ ലഭിക്കണം. അപേക്ഷയോടൊപ്പം യോഗ്യതാ സര്‍ട്ടിഫിക്കറ്റ്, വയസ് തെളിയിക്കുന്ന രേഖകള്‍, ആധാര്‍ കാര്‍ഡ്, ജാതി സര്‍ട്ടിഫിക്കറ്റ് എന്നിവയുടെ പകര്‍പ്പുകളും ഒരു പാസ്‌പോര്‍ട്ട് സൈസ് ഫോട്ടോയും ഹാജരാക്കണം.  ഫേ.ണ്‍: 8921605014, 0467 2211400
പി.എന്‍.സി/389/2018

 ഡ്രഗ്‌സ് & മാജിക് റമഡീസ് ആക്ട് 1954 ചട്ടങ്ങള്‍ക്ക് വിരുദ്ധമായി ലൈംഗിക ശേഷി വര്‍ദ്ധിപ്പിക്കും എന്ന തരത്തില്‍ പരസ്യം ചെയ്ത് ശക്തി കാപ്‌സ്യൂള്‍സ് എന്ന മരുന്ന് നിര്‍മ്മിച്ച് വിതരണം ചെയ്തതിന് മേലെ ചൊവ്വയിലെ വൈദ്യാസ് ആയുര്‍വേദിക് പ്രൊഡക്ഷന്‍സ് & റിസര്‍ച്ച് ഡിവിഷന്‍ എന്ന സ്ഥാപനത്തിനെതിരെ തലശ്ശേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി 50,000 രൂപ പിഴയും കോടതി പിരിയിന്നതുവരെ തടവിനും ശിക്ഷ വിധിച്ചു.
പി.എന്‍.സി/388/2018

എട്ടാമത് കേരള സഹകരണ കോണ്‍ഗ്രസ് ഈമാസം 10 മുതല്‍ 12 വരെ കണ്ണൂരില്‍ സംഘടിപ്പിക്കുമെന്ന് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ അറിയിച്ചു. 'വൈവിധ്യങ്ങളിലൂടെ മുന്നോട്ട്' എന്നതാണ് ഇത്തവണത്തെ സഹകരണ കോണ്‍ഗ്രസിന്റെ മുദ്രാവാക്യം.

 മലബാര്‍ ദേവസ്വം ബോര്‍ഡിന് കീഴില്‍ തലശ്ശേരി താലൂക്കിലുള്ള പൂതൃക്കോവില്‍ ബലഭദ്ര ക്ഷേത്രത്തിലെ പാരമ്പരേ്യതര ട്രസ്റ്റിമാരുടെ ഒഴിവിലേക്ക് ഹിന്ദുമതവിശ്വാസികളായ ക്ഷേത്ര പരിസരവാസികളില്‍ നിന്നും അപേക്ഷ ക്ഷണിച്ചു.  പൂരിപ്പിച്ച അപേക്ഷ 15 ന് വൈകിട്ട് 5 മണിക്ക് മുമ്പ് തലശ്ശേരി അസി.കമ്മീഷണറുടെ ഓഫീസില്‍ ലഭിക്കണം.
പി.എന്‍.സി/387/2018

പതിമൂന്ന് ജില്ലകളിലെ 19 തദ്ദേശ സ്വയംഭരണ വാര്‍ഡുകളില്‍ ഫെബ്രുവരി 28നും തൃശൂര്‍ എളവള്ളി ഗ്രാമ പഞ്ചായത്തിലെ പറയ്ക്കാട് വാര്‍ഡില്‍ മാര്‍ച്ച് 3നും ഉപതെരഞ്ഞെടുപ്പ് നടത്താന്‍ സംസ്ഥാന തെരഞ്ഞെടുപ്പു കമ്മീഷന്‍  വിജ്ഞാപനം പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്,     മലപ്പുറം, വയനാട്, കണ്ണൂര്‍, ജില്ലകളിലെ 17 ഗ്രാമപഞ്ചായത്ത് വാര്‍ഡുകളിലും  കോഴിക്കോട് ഒരു നഗരസഭാ വാര്‍ഡിലും   വയനാട്, കാസര്‍ ഗോഡ് ജില്ലകളിലെ ഓരോ ബ്ലോക്ക്പഞ്ചായത്ത് വാര്‍ഡിലുമാണ് ഉപതെരഞ്ഞെടുപ്പ്.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി നടത്തിപ്പിന് കല്ല്യാശ്ശേരി ബ്ലോക്ക് പഞ്ചായത്ത് ഓഫീസില്‍ അക്രഡിറ്റഡ് എഞ്ചിനീയര്‍ തസ്തികയിലേക്ക് കരാറടിസ്ഥാനത്തില്‍ നിയമിക്കുന്നതിന് സിവില്‍ എഞ്ചിനീയറിംഗ് / അഗ്രിക്കള്‍ച്ചറില്‍ ബി.ടെക് ബിരുദമുള്ളവരില്‍ നിന്നും അപേക്ഷ ക്ഷണിച്ചു. മുന്‍പരിചയം അഭികാമ്യം. അപേക്ഷ 5 നു മുമ്പ് ബ്ലോക്ക് പ്രോഗ്രാം ഓഫീസര്‍, കല്ല്യാശ്ശേരി ബ്ലോക്ക് ഡെവലപ്‌മെന്റ് ഓഫീസ്,  പി.ഒ.   ഇരിണാവ്- 670301 എന്ന വിലാസത്തില്‍ ലഭിക്കണം.
പി.എന്‍.സി/386/2018

കേന്ദ്ര വനിതാ ശിശു വികസന മന്ത്രാലയത്തിന്റെ കീഴിലുള്ള ചൈല്‍ഡ്‌ലൈന്‍ പ്രോജക്ടില്‍ ടീം മെമ്പറെ നിയമിക്കുന്നു.  യോഗ്യത ബിരുദം.  അപേക്ഷകള്‍ tessstellicherry1966@gmail.com എന്ന മെയില്‍ ഐ ഡി യിലേക്ക് 6 ന് മുമ്പ് ലഭിക്കണം.  ഫോണ്‍: 0497 2706474, 04902342270.
പി.എന്‍.സി/385/2018

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ ഫെബ്രുവരി മൂന്ന്, 17, 24 തിയതികളില്‍ പീരുമേടും ആറ്, 20 തീയതികളില്‍ പുനലൂരിലും മറ്റു പ്രവൃത്തിദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും, എംപ്ലോയീസ് ഇന്‍ഷുറന്‍സ് കേസുകളും, എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും. 

പി.എന്‍.എക്‌സ്.420/18

 കോഴിക്കോട് ഇന്‍ഡസ്ട്രിയല്‍ ട്രൈബ്യൂണലും എംപ്ലോയീസ് കോമ്പന്‍സേഷന്‍ കമ്മീഷണറും എംപ്ലോയീസ് ഇന്‍ഷുറന്‍സ് കോടതി ജഡ്ജിയുമായ കെ.വി. രാധാകൃഷ്ണന്‍ ഫെബ്രുവരി ആറ്, 20 തീയതികളില്‍ കണ്ണൂര്‍ ലേബര്‍ കോടതിയിലും 27 ന് തലശ്ശേരി ബാര്‍ അസോസിയേഷന്‍ ബൈസെന്റിനറി ഹാളിലും 15നും 16നും വയനാട് കല്‍പ്പറ്റ ബാര്‍ അസോസിയേഷന്‍ ഹാളിലും 23 ന് കാസര്‍കോട് ജില്ലാ ലേബര്‍ ഓഫീസിലും ഒന്ന്, രണ്ട്, എട്ട്, ഒന്‍പത്, 14 തീയതികളില്‍ ആസ്ഥാനത്തും തൊഴില്‍തര്‍ക്ക കേസുകളും എംപ്ലോയീസ് കോമ്പന്‍സേഷന്‍ കേസുകളും എംപ്ലോയീസ് ഇന്‍ഷുറന്‍സ് കേസുകളും വിചാരണ ചെയ്യും.
പി.എന്‍.സി/384/2018