കോളിയാടി ഫീഡറില്‍ അറ്റകുറ്റപ്പണി നടക്കുന്നതിനാല്‍ ബത്തേരി ടൗണിലും പരിസരത്തും നാളെ (ഫെബ്രുവരി 9) രാവിലെ 9 മുതല്‍ ഭാഗീകമായോ പൂര്‍ണ്ണമായോ വൈദ്യുതി മുടങ്ങും.

    പടിഞ്ഞാറത്തറ ഇലക്ട്രിക്കല്‍ സെക്ഷനിലെ പേരാല്‍, പടിഞ്ഞാറത്തറ മില്ലുമുക്ക് എന്നിവിടങ്ങളില്‍ ഇന്ന് (ഫെബ്രുവരി 7) രാവിലെ 9 മുതല്‍ 5 വരെ വൈദ്യുതി മുടങ്ങും.

    മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ നഴ്‌സിംഗ് (നേരിട്ടും തസ്തികമാറ്റം വഴിയും) (കാറ്റഗറി നമ്പര്‍ 324/2017, 325/2017) തസ്തികയിലേക്കുള്ള ഒ.എം.ആര്‍. പരീക്ഷ ഫെബ്രുവരി 9ന് രാവിലെ 7.30 മുതല്‍ 9.15 വരെ കല്‍പ്പറ്റ ജി.വി.എച്ച്.എസില്‍ നടക്കും.
 

* എന്‍.സി.സി കേഡറ്റുകള്‍ക്ക് റിപ്പബ്‌ളിക് ദിന ബാനര്‍ സമ്മാനിച്ചു

* സന്നദ്ധസേനയില്‍ അംഗമാകാം

പൊതുകാര്യങ്ങള്‍ക്കായി യുവജനങ്ങളുടെയും സാധാരണ പൗരന്‍മാരുടെയും സേവനം ഉപയോഗമാക്കി തിരുവനന്തപുരത്തിന്റെ സംരക്ഷണത്തിനായി ബൃഹത്തായ സന്നദ്ധസേവാ പദ്ധതി ആരംഭിക്കുന്നു.  തുടര്‍ച്ചയായ പരിശീലനത്തിലൂടെയും, ബോധവത്കരണത്തിലൂടെയും മാലിന്യ നിര്‍മാര്‍ജനവും പൊതുജനാരോഗ്യ പ്രവര്‍ത്തനവും സന്നദ്ധരായ ചെറുപ്പക്കാരിലെത്തിച്ച് ജില്ലയിലെ മുഴുവന്‍ പ്രദേശങ്ങളിലും ഒരു പ്രസ്ഥാനമായി വളര്‍ത്തിയെടുക്കുകയാണ് പദ്ധതിയുടെ ലക്ഷ്യമെന്ന് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ വാര്‍ത്താസമ്മേളനത്തില്‍ അറിയിച്ചു.

കേരള വനിതാ കമ്മീഷനില്‍ നിലവില്‍ ഒഴിവുള്ള ഒരു പുരുഷ സിവില്‍ പോലീസ് ഓഫീസര്‍ തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ സേവനമനുഷ്ഠിക്കുന്ന നിശ്ചിത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.

നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം മേലധികാരി മുഖേന സെക്രട്ടറി, കേരള വനിതാ കമ്മീഷന്‍, ലൂര്‍ദ്ദ് പള്ളിക്കു സമീപം, പി.എം.ജി, പട്ടം. പി.ഒ, തിരുവനന്തപുരം - 695004 എന്ന വിലാസത്തില്‍ ഫെബ്രുവരി 20 നകം ലഭിച്ചിരിക്കണം.  

പി.എന്‍.എക്‌സ്.479/18

അടുത്ത വേനലിനെ നേരിടാനുള്ള മുന്നൊരുക്കത്തിന്റെ ഭാഗമായി ജില്ലയില്‍ ജലസംരക്ഷണ പ്രവര്‍ത്തനങ്ങള്‍ ഊര്‍ജ്ജിതമാക്കണമെന്ന് ഹരിതകേരള മിഷന്‍ വൈസ് ചെയര്‍പേഴ്‌സണ്‍ ഡോ. ടി.എന്‍ സീമ പറഞ്ഞു. കണ്ണൂര്‍ കലക്ടറേറ്റ് കോണ്‍ഫറന്‍സ് ഹാളില്‍ ഹരിതകേരളം ജില്ലാ മിഷന്‍ അവലോകന യോഗത്തില്‍ സംസാരിക്കുകയായിരുന്നു അവര്‍. 
ഇതിന്റെ മുന്നോടിയായി ജില്ലയിലെ കിണറുകള്‍, കുളങ്ങള്‍, തോടുകള്‍, നീരുറവകള്‍ തുടങ്ങി മുഴുവന്‍ ജലസ്രോതസ്സുകളെയും ശുചീകരിക്കുന്നതിന് പദ്ധതിയാവിഷ്‌ക്കരിക്കണം. മാര്‍ച്ച് ആദ്യവാരത്തോടെ ഈ പ്രവൃത്തി പൂര്‍ത്തിയാക്കണമെന്നും അവര്‍ പറഞ്ഞു.