ദീപ്തി ബ്രെയിലി സാക്ഷരതാ പഠിതാക്കള്‍ക്ക് ഭക്ഷണവും യാത്രാചെലവും ജില്ലാ പഞ്ചായത്ത് നല്‍കുമെന്ന് പ്രസിഡന്റ് മില്ലി മോഹന്‍ കൊട്ടാരത്തില്‍. ഒന്നാംഘട്ട ബ്രെയിലി സാക്ഷരതാ പരീക്ഷയില്‍ വിജയിച്ചവര്‍ക്കുള്ള സര്‍ട്ടിഫിക്കറ്റ് വിതരണവും രണ്ടാംഘട്ടം ഉദ്ഘാടനവും നിര്‍വഹിക്കുകയായിരുന്നു അവര്‍. 

ജില്ലാ പഞ്ചായത്തിന്റെ വനിതാ സൗഹൃദ കൂട്ടായ്മ പദ്ധതിയുടെ ഭാഗമായി വനിത-ശിശുവികസന വകുപ്പിന്റെ നേതൃത്വത്തില്‍ സംഘടിപ്പിച്ച 'ജ്വാല വനിതാ ഫെസ്റ്റ്' ജില്ലാ പഞ്ചായത്ത് പ്രസിഡന്റ് മില്ലി മോഹന്‍ ഉദ്ഘാടനം ചെയ്തു. വെള്ളിമാട്കുന്ന് ജന്‍ഡര്‍ പാര്‍ക്കില്‍ നടന്ന ചടങ്ങില്‍ ജില്ലാ പഞ്ചായത്ത് വൈസ് പ്രസിഡന്റ് കെ കെ നവാസ് അധ്യക്ഷനായി. വ്ളോഗര്‍ മീത്ത്മിരി മുഖ്യാതിഥിയായി. 

വികസനകാര്യങ്ങളില്‍ സമാനതകളില്ലാത്ത മാതൃകയാണ് സര്‍ക്കാര്‍ കാഴ്ചവെക്കുന്നതെന്ന് വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രന്‍. നന്മണ്ട ഗ്രാമപഞ്ചായത്തിലെ രണ്ട് റോഡുകളുടെ ഉദ്ഘാടനം നിര്‍വഹിക്കുകയായിരുന്നു മന്ത്രി. മാപ്പിള സ്‌കൂള്‍ പുതുക്കുടി പൊയില്‍-ചെറിയ പൊയില്‍ താഴം റോഡ്, മഠത്തില്‍ മുക്ക്-എടവനക്കണ്ടി താഴം റോഡ് എന്നിവയാണ് മന്ത്രി നാടിന് സമര്‍പ്പിച്ചത്. മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 15 ലക്ഷം രൂപ വിനിയോഗിച്ചാണ് രണ്ട് റോഡുകളുടെയും നിര്‍മാണം പൂര്‍ത്തീകരിച്ചത്. 

സംസ്ഥാന സർക്കാർ ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണൽ സ്കിൽ അക്വിസിഷൻ പ്രോഗ്രാം (അസാപ്) ലക്കിടി നടത്തുന്ന ജനറൽ ഡ്യൂട്ടി അസിസ്റ്റന്റ് അഡ്വാൻസ്ഡ് ട്രെയിനിംഗ് കോഴ്സിലേക്ക് അപേക്ഷ ക്ഷണിച്ചു. പ്ലസ് ടു യോഗ്യതതുള്ളവർക്ക് അപേക്ഷിക്കാം. കോഴ്സിൽ പങ്കെടുക്കാൻ താല്പര്യമുള്ളവർക്ക് https://forms.gle/THbV5Su474kNiTpCA എന്ന ലിങ്ക് വഴി മാർച്ച് 14 വരെ അപേക്ഷ സമർപ്പിക്കാം. കൂടുതൽ വിവരങ്ങൾക്ക് ഫോൺ:  9495999667,9895967998.

സംസ്ഥാന സര്‍ക്കാറിന്റെ പ്രധാന പദ്ധതികളിലൊന്നായ മലയോര ഹൈവേയുടെ ബാലുശ്ശേരി മണ്ഡലത്തിലൂടെ കടന്നുപോകുന്ന 28ാം മൈല്‍-തലയാട് റീച്ചിന്റെയും ബാലുശ്ശേരി, കൊടുവള്ളി, തിരുവമ്പാടി മണ്ഡലങ്ങളിലൂടെ കടന്നുപോകുന്ന തലയാട്-മലപുറം റീച്ചിന്റെയും ഉദ്ഘാടനവും ചെമ്പ്ര മുതല്‍ 28ാം മൈല്‍ വരെയുള്ള റീച്ചിന്റെ പ്രവൃത്തി ഉദ്ഘാടനവും മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിച്ചു.

എക്‌സൈസ് വിമുക്തി മിഷന്റെ നേതൃത്വത്തില്‍ തൃശ്ശൂര്‍ ബ്രില്ല്യന്‍സ് കോളേജുമായി സഹകരിച്ച് ആദിവാസി വിഭാഗത്തില്‍പ്പെട്ട യുവതീ യുവാക്കള്‍ക്ക് സൗജന്യ പി.എസ്.സി കോച്ചിങ് തുടങ്ങി. പദ്ധതിയുടെ ഉദ്ഘാടനം വിദ്യാര്‍ത്ഥികള്‍ക്ക് പി.എസ്.സി ഗൈഡുകള്‍ നല്‍കിക്കൊണ്ട് പാണഞ്ചേരി പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ വിനോദ് തേനംപറമ്പില്‍ നിര്‍വ്വഹിച്ചു. പീച്ചി വിലങ്ങന്നൂര്‍ പട്ടികവര്‍ഗ്ഗ സ്‌കൂളില്‍ എല്ലാ ഞായറാഴ്ചയും രാവിലെ പത്ത് മുതല്‍ വൈകീട്ട് നാല് വരെയാണ് പരിശീലനം. ആറുമാസമാണ് പരിശീലന കാലാവധി.  

മാടക്കത്തറ ഗ്രാമപഞ്ചായത്ത് കുടുംബശ്രീ പ്രവര്‍ത്തകരെ ആദരിച്ചു. ആദരം 2026 ഉദ്ഘാടനം റവന്യൂ ഭവന നിര്‍മാണ വകുപ്പ് മന്ത്രി കെ. രാജന്‍ നിര്‍വഹിച്ചു. കേരളത്തിലെ കുടുംബശ്രീ പ്രസ്ഥാനം കേരളീയ സാമൂഹ്യ ജീവിതത്തിലെ സജീവ സാന്നിദ്ധ്യമായി മാറിയിട്ടുണ്ടെന്ന് മന്ത്രി പറഞ്ഞു. കേരളം അതിദാരിദ്ര്യ മുക്തമായി പ്രഖ്യാപിച്ച പ്രവര്‍ത്തനങ്ങളില്‍ കുടുംബശ്രീ വഹിച്ച പങ്കിനെക്കുറിച്ചും മന്ത്രി സംസാരിച്ചു. മാടക്കത്തറ ഗ്രാമപഞ്ചായത്തിലെ പുതുതായി തിരഞ്ഞെടുക്കപ്പെട്ട സി.ഡി.എസ് അംഗങ്ങളെയും പിരിഞ്ഞ് പോകുന്ന സി.ഡി.എസ് അംഗങ്ങളെയും മന്ത്രി ആദരിച്ചു.

പുത്തൂര്‍ ഗവ. വൊക്കേഷണല്‍ ഹയര്‍ സെക്കന്ററി സ്‌കൂളില്‍ പുതിയ കെട്ടിട നിര്‍മാണത്തിന് രണ്ട് കോടി രൂപയുടെ അനുമതിയായി. സര്‍ക്കാര്‍ അനുമതിയുടെ ഉത്തരവ് മന്ത്രി കെ. രാജന്‍ സ്‌കൂളിലെത്തി പ്രധാനാധ്യാപിക പി.എം സുനിതക്ക് കൈമാറി. വിദ്യാലയത്തില്‍ ആറ് കോടി രൂപയുടെ പയുടെ നിര്‍മാണ പ്രവര്‍ത്തികളാണ് അടുത്തിടെ പൂര്‍ത്തീകരിച്ചതും നടന്നുകൊണ്ടിരിക്കുന്നതുമായുള്ളത്. ഹൈസ്‌കൂള്‍, ഹയര്‍ സെക്കണ്ടറി വിഭാഗങ്ങളില്‍ മാത്രമായി 17 കോടി രൂപയും എല്‍.പി മുതല്‍ ഹയര്‍ സെക്കണ്ടറി വരെയുള്ള സ്‌കൂള്‍ വികസനത്തിനായി 22 കോടി രൂപയുടെയും പ്രവര്‍ത്തനങ്ങള്‍ കഴിഞ്ഞ കാലയളവില്‍ സ്‌കൂളില്‍ യാഥാര്‍ത്ഥ്യമാക്കാനായെന്നും മന്ത്രി പറഞ്ഞു.

അനധികൃത ബോര്‍ഡുകള്‍ സ്ഥാപിക്കുന്നവര്‍ക്കെതിരെ കര്‍ശന നടപടി

റോഡുകളില്‍ കാഴ്ചമറച്ചും അനധികൃതമായും പ്രചാരണ ബോര്‍ഡുകള്‍ സ്ഥാപിക്കുന്നവര്‍ക്കെതിരെ കര്‍ശന നടപടി സ്വീകരിക്കാന്‍ ജില്ലാപഞ്ചായത്ത് പ്രസിഡന്റ് അഡ്വ. ബിനോയ് കുര്യന്റെ അധ്യക്ഷതയില്‍ ചേര്‍ന്ന ജില്ലാതല മോണിറ്ററിംഗ് കമ്മിറ്റി യോഗത്തില്‍ തീരുമാനം. അനധികൃതമായി പ്രചാരണ സാമഗ്രികള്‍ സ്ഥാപിക്കുന്നതിനെതിരെ തദ്ദേശസ്ഥാപന തലത്തില്‍ രാഷ്ട്രീയപാര്‍ട്ടികളുടെ യോഗം വിളിച്ചു ചേര്‍ക്കുന്നതിനും പ്രചാരണ സാമഗ്രികള്‍ സ്ഥാപിച്ചവരില്‍ നിന്ന് പിഴ ഈടാക്കാത്ത തദ്ദേശസ്ഥാപനങ്ങളുടെ സെക്രട്ടറിമാരോട് വിശദീകരണം തേടുന്നതിനും യോഗം തീരുമാനിച്ചു.