പൊതുവിദ്യാലയങ്ങളില്‍ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) നടപ്പാക്കുന്ന 'ലിറ്റില്‍ കൈറ്റ്സ്' പദ്ധതിയിലെ സംസ്ഥാനതല അവാര്‍ഡുകള്‍ പ്രഖ്യാപിച്ചു. ജില്ലയിലെ മികച്ച യൂണിറ്റായി കാലിക്കറ്റ് ഗേള്‍സ് എച്ച്.എസ്.എസ് തെരഞ്ഞെടുക്കപ്പെട്ടു. ചേന്ദമംഗലൂര്‍ എച്ച്.എസ്.എസ് രണ്ടും ദേവഗിരി സാവിയോ എച്ച്.എസ്.എസ് മൂന്നും സ്ഥാനം നേടി. 

കേരള മീഡിയ അക്കാദമി കൊച്ചി സെന്ററില്‍ ഈ മാസം ആരംഭിക്കുന്ന വീഡിയോ എഡിറ്റിംഗ് സര്‍ട്ടിഫിക്കറ്റ് കോഴ്സില്‍ ഒഴിവുള്ള ഏതാനും സീറ്റുകളിലേക്ക് സ്പോട്ട് അഡ്മിഷന്‍ നടത്തുന്നു. വിദ്യാഭ്യാസയോഗ്യത-പ്ലസ് ടു. തിയറിയും പ്രാക്ടിക്കലും ഉള്‍പ്പെടെ ആറ് മാസമാണ് കോഴ്സിന്റെ കാലാവധി. തിങ്കള്‍ മുതല്‍ വെളളി വരെ റെഗുലര്‍ ക്ലാസ് ആണ്.

പൊതുമരാമത്ത് വകുപ്പിന് കീഴിൽ 1.05 കോടി രൂപ ചെലവിട്ട് നവീകരിച്ച ബേപ്പൂർ വൈലാലിൽ -കയർ ഫാക്ടറി റോഡ് മന്ത്രി പി എ മുഹമ്മദ് റിയാസ്, വൈക്കം മുഹമ്മദ് ബഷീറിൻ്റെ മകൻ അനീസ് ബഷീർ എന്നിവർ ചേർന്ന് ഉദ്ഘാടനം ചെയ്തു.
കോർപ്പറേഷൻ ആരോഗ്യ സ്ഥിരം സമിതി ചെയർപേഴ്സൺ കെ രാജീവ് അധ്യക്ഷനായി. കൗൺസിലർ ഷിനു പിണ്ണാണത്ത്, എക്സിക്യൂട്ടിവ് എൻജിനീയർ വി കെ ഹാഷിം, അസി. എക്സി. എൻജിനീയർ രഞ്ജി, പി രഞ്ജിത്ത് കുമാർ, അഡ്വ. ഒ കെ ഇസ്മയിൽ, കെ ടി സ്മിജിത്ത്, കെ ജയാനന്ദൻ എന്നിവർ സംസാരിച്ചു.

നവീകരിച്ച രാമനാട്ടുകര വൈദ്യരങ്ങാടി ആലുങ്ങൽ പാടം-കിഴക്കേ പട്ടായിക്കൽ റോഡ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്തു. രാമനാട്ടുകര നഗരസഭയിലെ 14-ാം ഡിവിഷനിൽ ഉൾപ്പെടുന്ന റോഡ് പൊതുമരാമത്ത് നിരത്ത് വിഭാഗം 1.78 കോടി രൂപ ചെലവിട്ടാണ് നവീകരിച്ചത്. 

നവീകരണം പൂർത്തിയാക്കിയ രാമനാട്ടുകര-പാറമ്മൽ റോഡ്  പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് നാടിന് സമർപ്പിച്ചു. പൊതുമരാമത്ത് വകുപ്പിന് കീഴിൽ 3.28 കോടി രൂപ ചെലവിട്ട് ബിഎം ആൻഡ് ബിസി നിലവാരത്തിലാണ് റോഡ് നവീകരിച്ചത്.

മലാപ്പറമ്പ്-വെള്ളിമാട്‌കുന്ന് റീച്ച് പ്രവൃത്തി ഉദ്ഘാടനവും മന്ത്രി നിർവഹിക്കും 

കൊയിലാണ്ടി നഗരസഭയിൽ അന്താരാഷ്ട്ര വനിതാ ദിനാഘോഷം സംഘടിപ്പിച്ചു. ഇഎംഎസ് സ്മാരക ടൗൺഹാളിൽ നടന്ന പരിപാടി വനിതാ കമ്മീഷൻ ചെയർപേഴ്സൺ അഡ്വ. പി. സതീദേവി ഉദ്ഘാടനം ചെയ്തു. നഗരസഭ ചെയർപേഴ്സൺ യു കെ ചന്ദ്രൻ അധ്യക്ഷനായി. ഉപഹാര സമർപ്പണവും മുഖ്യപ്രഭാഷണവും കുടുംബശ്രീ ജില്ലാ മിഷൻ കോഓഡിനേറ്റർ പി സി കവിത നിർവഹിച്ചു. മജീഷ്യൻ ശ്രീജിത്ത് വിയൂര് മുഖ്യാതിഥിയായി.

ചേളന്നൂർ ഗ്രാമപഞ്ചായത്തിലെ ദുബായ് മുക്ക് -പുത്തലത്ത് സങ്കേതം റോഡ് വനം-വന്യജീവി സംരക്ഷണ വകുപ്പ്  മന്ത്രി എ കെ ശശീന്ദ്രൻ ഉദ്ഘാടനം ചെയ്തു. മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ ഫണ്ടിൽനിന്ന് 15 ലക്ഷം രൂപ ചെലവിട്ടാണ് റോഡ് പ്രവൃത്തി പൂർത്തീകരിച്ചത്. 

ചടങ്ങിൽ ചേളന്നൂർ ഗ്രാമപഞ്ചായത്ത് പ്രസിഡന്റ്‌ എം സ്വപ്‌ന അധ്യക്ഷയായി. വൈസ് പ്രസിഡന്റ് എം കെ രാജേന്ദ്രൻ, ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ജീന നമ്പീട്ടിൽ, വാർഡ് മെമ്പർ പി രമണി, മുൻ മെമ്പർ എൻ രമേശൻ, വാർഡ് വികസന സമിതി കൺവീനർ പി നിതിൻ, കെ വി ഗിരീഷ് എന്നിവർ സംസാരിച്ചു.

ചേളന്നൂർ ബ്ലോക്ക് പഞ്ചായത്തിലെ  പാലത്ത് കനാൽ പാലവും കുറുക്കൻ കുന്നുമ്മൽ നേരോത്ത് കനാൽ റോഡും വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ ഉദ്ഘാടനം ചെയ്തു. ചേളന്നൂർ ബ്ലോക്ക് പഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി 13 ലക്ഷം രൂപ ചെലവിട്ടാണ് പാലം നിർമിച്ചത്. ചേളന്നൂർ ഗ്രാമപഞ്ചായത്തിന്റെ തൊഴിലുറപ്പ് പദ്ധതിയിൽ ഉൾപ്പെടുത്തി മൂന്നുലക്ഷം രൂപ വകയിരുത്തിയാണ് കുറുക്കൻ കുന്നുമ്മൽ നേരോത്ത് കനാൽ റോഡ് നിർമാണം. 

കാക്കൂർ ഗ്രാമപഞ്ചായത്തിലെ പാവണ്ടൂർ -പാറക്കണ്ടത്തിൽ -മന്ദലത്തിൽ റോഡ് വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ ഉദ്ഘാടനം ചെയ്തു. എംഎൽഎയുടെ ആസ്തി വികസന ഫണ്ടിൽനിന്ന് 20 ലക്ഷം രൂപ ചെലവിട്ടാണ് റോഡ് പ്രവൃത്തി പൂർത്തീകരിച്ചത്. 

ചടങ്ങിൽ കാക്കൂർ ഗ്രാമപഞ്ചായത്ത് പ്രസിഡന്റ് പി ബിന്ദു അധ്യക്ഷയായി. വാർഡ് മെമ്പർ സി എം ഷാജി, മുൻ വാർഡ് മെമ്പർ സിജി എൻ പരപ്പിൽ, കുടുംബശ്രീ സി.ഡി.എസ് മെമ്പർ ബീനാ ഭായ്, പി ടി ശശീന്ദ്രൻ, ടി ജയരാജൻ എന്നിവർ സംസാരിച്ചു.