കാരന്തൂർ-പാറക്കടവ് റോഡ് നവീകരണ പ്രവൃത്തി പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓൺലൈനായി ഉദ്ഘാടനം ചെയ്തു. സംസ്ഥാന സർക്കാർ ബജറ്റിൽ അനുവദിച്ച 2 കോടി രൂപ ചെലവിലാണ് നവീകരണം. റോഡിൻ്റെ 700 മീറ്റർ ദൂരം 5.5 മീറ്റർ വീതിയിൽ ബി.എം ആൻഡ് ബി.സി നിലവാരത്തിൽ നവീകരിക്കുകയും ആവശ്യമായ സ്ഥലങ്ങളിൽ ഡ്രൈനേജ്, കലുങ്ക് സംവിധാനങ്ങൾ ഒരുക്കുകയും ചെയ്യും.

ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ  ആരോഗ്യപ്രശ്നങ്ങൾക്ക് കാരണമാകും. ആയതിനാൽ പൊതുജനങ്ങൾ താഴെ പറയുന്ന നിർദേശങ്ങൾ പാലിക്കേണ്ടതാണ്.

* പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.

* ദാഹമില്ലെങ്കിലും വെള്ളം കുടിക്കുന്നത് തുടരുക. പരമാവധി ശുദ്ധജലം കുടിക്കുക. 

* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.

* അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക.

കൊയിലാണ്ടി ജി.വി.എച്ച്.എസ്.എസ്, പന്തലായനി ഗവ. ഹയർ സെക്കൻഡറി സ്കൂളുകളിൽ നിർമിച്ച ചുറ്റുമതിലിന്റെയും കവാടത്തിന്റെയും ഉദ്ഘാടനം വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ നിർവഹിച്ചു. കാനത്തിൽ ജമീല എം.എൽ.എയുടെ ആസ്തി വികസന പദ്ധതിയിൽ ഉൾപ്പെടുത്തി കൊയിലാണ്ടി ജി.വി.എച്ച്.എസ്.എസിനായി 75 ലക്ഷം രൂപയും പന്തലായനി ഗവ. ഹയർ സെക്കൻഡറിക്കായി 
50 ലക്ഷം രൂപയും വിനിയോഗിച്ചാണ് ചുറ്റുമതിലും കവാടവും നിർമിച്ചത്. യു.എൽ.സി.സിയാണ് കരാർ ഏറ്റെടുത്ത് പൂർത്തീകരിച്ചത്.

2026 നിയമസഭ തിരഞ്ഞെടുപ്പുമായി ബന്ധപ്പെട്ട് പ്രിസൈഡിംഗ് ഓഫീസര്‍മാര്‍ക്ക് 1898 പോളിംഗ് ബൂത്തുകളില്‍ ഉപയോഗിക്കേണ്ട ഡിസ്റ്റിംഗഷിംഗ് മാര്‍ക്ക് സീല്‍, വരണാധികാരികളുടെ ഡെസിഗ്നേഷന്‍ സീല്‍ എന്നിവ ഉണ്ടാക്കി നല്‍കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 13 ന് വൈകുന്നേരം മൂന്ന് മണിക്ക് മുമ്പായി ഡെപ്യൂട്ടി കളക്ടര്‍ (ഇലക്ഷന്‍) ആലപ്പുഴ മുമ്പാകെ സമര്‍പ്പിക്കണം. കൂടുതല്‍ വിവരങ്ങള്‍ക്ക് ആലപ്പുഴ ജില്ലാ ഇലക്ഷന്‍ വിഭാഗവുമായി ബന്ധപ്പെടേണ്ടതാണ്. ഫോണ്‍: 0477-2251801, 8547610045

ആന്തട്ട ഗവ. യു പി സ്കൂളിൽ നിർമിച്ച പുതിയ കെട്ടിട സമുച്ചയത്തിലെ രണ്ടാം നില വനം-വന്യജീവി വകുപ്പ് മന്ത്രി എ കെ ശശീന്ദ്രൻ ഉദ്ഘാടനം ചെയ്തു. ചെങ്ങോട്ട്കാവ് ഗ്രാമപഞ്ചായത്ത്‌ പ്രസിഡന്റ്‌ കെ എൻ ഭാസ്കരൻ അധ്യക്ഷനായി.

പൊതുവിദ്യാഭ്യാസ വകുപ്പിൽനിന്ന് അനുവദിച്ച 95.5 ലക്ഷം രൂപ ഉപയോഗിച്ച് പൊതുമരാമത്ത് വകുപ്പാണ് കെട്ടിടം നിർമിച്ചത്. പുതിയ കെട്ടിടത്തിന്റെ രണ്ടാം നിലയിൽ അത്യാധുനിക സൗകര്യങ്ങളോടെയുള്ള 4 ക്ലാസ്സ് മുറികൾ, ശുചിമുറികൾ എന്നിവ ഒരുക്കിയിട്ടുണ്ട്. പാചകപ്പുരയുടെ നിർമാണം അന്തിമ ഘട്ടത്തിലാണ്.

ചങ്ങാതി പദ്ധതിയുടെ ജില്ലാ തല ഉദ്ഘാടനം  കായംകുളം നഗരസഭയിൽ നഗരസഭാ ചെയർമാൻ  ശരത് ലാൽ നിർവഹിച്ചു. 

അതിഥിതൊഴിലാളികൾക്കുള്ള  പഠനോപകരണ  വിതരണം വൈസ് ചെയർപേഴ്സൺ അംബിക നിർവഹിച്ചു. പദ്ധതി വിശദീകരണം സാക്ഷരതാ മിഷൻ ജില്ലാ കോർഡിനേറ്റർ ദീപ ജെയിംസ്  നടത്തി.

അതിഥി തൊഴിലാളികളുടെ  വിവരശേഖരണത്തിനായുള്ള ഗൂഗിൾ ഫോമിൽ പഠിതാക്കളുടെ വിവരങ്ങൾ ശേഖരിച്ചു കൊണ്ട് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ  സോളമൻ റൊസാരിയോ സർവ്വേ ഉദ്ഘാടനം ചെയ്തു.

ലോക ഗ്ലോക്കോമാ വാരാചരണത്തിൻ്റെ  ജില്ലാതല ഉദ്ഘാടനം മാന്നാർ സാമൂഹികാരോഗ്യ കേന്ദ്രത്തിൽ (വ്യാപാരഭവൻ മാന്നാർ ) മാവേലിക്കര ബ്ലോക്ക് പഞ്ചായത്ത് പ്രസിഡൻ്റ്  കെ മധുസൂദനൻ നിർവഹിച്ചു. 

പരിപാടിയോടനുബന്ധിച്ച് നടന്ന മെഡിക്കൽ ക്യാമ്പിൽ 216 പേർ പങ്കെടുത്തു. ക്യാമ്പിൽ പങ്കെടുത്തവർക്കായി ഗ്ലോക്കോയെ സംബന്ധിച്ച് ചോദ്യാവലി മത്സരവും ആശ പ്രവർത്തകർക്കായി ക്വിസ് മത്സരവും ആരോഗ്യ പ്രവർത്തകർക്കായി പദ പ്രശ്നമത്സരവും സംഘടിപ്പിച്ചിരുന്നു. വിജയികൾക്ക് ജില്ലാ മെഡിക്കൽ ഓഫീസർ സമ്മാനദാനം നടത്തി. 

ഇ-ടെണ്ടര്‍ ക്ഷണിച്ചു

കോഴിക്കോട് ഭക്ഷ്യ സുരക്ഷാ അസിസ്റ്റന്റ് കമീഷണറുടെ കാര്യാലയത്തിലെ ഔദ്യോഗിക ആവശ്യങ്ങള്‍ക്ക് വാഹനങ്ങള്‍ വാടകക്കെടുക്കാന്‍ ഇ-ടെണ്ടര്‍ ക്ഷണിച്ചു. മാര്‍ച്ച് 26ന് രാവിലെ 11 വരെ ഇ-ടെണ്ടര്‍ സ്വീകരിക്കും. ടെണ്ടര്‍ സംബന്ധിച്ച രേഖകള്‍ www.etenders.kerala.gov.in എന്ന വെബ്‌സൈറ്റില്‍നിന്ന് ഡൗണ്‍ലോഡ് ചെയ്യാം. ഫോണ്‍: 0495 2720744

ക്വട്ടേഷന്‍ ക്ഷണിച്ചു

*തിങ്കളാഴ്ച അംഗീകാരം ലഭിച്ചത് 56 തദ്ദേശ സ്വയംഭരണ സ്ഥാപനങ്ങളുടെ പദ്ധതികൾക്ക്* 

ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ തിങ്കളാഴ്ച ചേര്‍ന്ന ജില്ലാ ആസൂത്രണ സമിതി യോഗത്തില്‍ 56 തദ്ദേശ സ്വയംഭരണ സ്ഥാപനങ്ങളുടെ 2026-27 വാര്‍ഷിക പദ്ധതിക്ക് ജില്ലാ ആസൂത്രണ സമിതി (അഡ്‌ഹോക്) യോഗം അംഗീകാരം നല്‍കി. ഇതോടെ ജില്ലയിലാകെ 83 തദ്ദേശ സ്വയം ഭരണ സ്ഥാപനങ്ങള്‍ 2026-27 വാര്‍ഷിക പദ്ധതികള്‍ക്ക് അംഗീകാരം നേടി. 

നരിക്കുനി കുടുംബാരോഗ്യ കേന്ദ്രത്തില്‍ പുതുതായി നിര്‍മിച്ച കെട്ടിടം ഉദ്ഘാടനം ചെയ്തു

സംസ്ഥാനത്ത് ആരോഗ്യ മേഖലയില്‍ വിസ്മയകരമായ മാറ്റം സാധ്യമായെന്നും അത്യാധുനിക സാങ്കേതികവിദ്യകള്‍ ഉപയോഗിച്ച് അവയവമാറ്റ ശസ്ത്രക്രിയ വരെ നടത്തുന്ന തലത്തിലേക്ക് സംസ്ഥാനം വളര്‍ന്നുവെന്നും വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രന്‍. നരിക്കുനി കുടുംബാരോഗ്യ കേന്ദ്രത്തില്‍ പുതുതായി നിര്‍മിച്ച കെട്ടിടത്തിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി. ആരോഗ്യ കേന്ദ്രങ്ങള്‍ രോഗി സൗഹൃദവും ജനസൗഹൃദവുമാക്കി മികച്ച സേവനം ഉറപ്പാക്കാന്‍ സാധിച്ചതായും മന്ത്രി പറഞ്ഞു.