കെ.എസ്.ആര്‍.ടി.സി ഗുരുവായൂര്‍ തീര്‍ഥയാത്ര

തൃശ്ശൂര്‍ എക്‌സൈസ് സര്‍ക്കിള്‍ ഓഫീസ് ഒല്ലൂക്കര ബ്ലോക്ക് ഐ.സി.ഡി.എസ് ന്റെ സഹകരണത്തോടെ സംഘടിപ്പിച്ച രാസലഹരിക്കെതിരെ അഞ്ചാംഘട്ട  കമ്മ്യൂണിറ്റി ഔട്ട് റീച്ച് പ്രോഗ്രാം ഒല്ലൂര്‍ നിയോജക മണ്ഡലതല ഉദ്ഘാടനം റവന്യൂ ഭവന നിര്‍മ്മാണ വകുപ്പ് മന്ത്രി കെ. രാജന്‍ നിര്‍വ്വഹിച്ചു. ഒരിക്കലും മയക്കുമരുന്നിന് അടിമകളാകരുത്. മയക്കുമരുന്നിന് അടിമകളയാല്‍ ഉറക്കെ നിലവിളിക്കുന്ന ഒരു സൈറന്‍ വീട്ടിലുണ്ടെന്നും നിങ്ങളുടെ കുട്ടികളെ ഓര്‍മ്മപ്പെടുത്തണമെന്നും ഉദ്ഘാടന പ്രസംഗത്തില്‍ മന്ത്രി പറഞ്ഞു. ഒരു പരിധിയിലേറെ ലഹരിക്കെതിരായ വലിയ പോരാട്ടത്തില്‍ സംസ്ഥാന ഗവ.

തൃശ്ശൂർ മെഡിക്കൽ കോളേജിൽ നിർമ്മാണം പൂർത്തീകരിച്ചതും നിർമ്മാണം ആരംഭിക്കുന്നതുമായ വിവിധ പദ്ധതികളുടെ ഉദ്ഘാടനം ആരോഗ്യം, വനിതാ ശിശു വികസന വകുപ്പ് മന്ത്രി വീണാ ജോർജ്ജ് ഓൺലൈനായി നിർവഹിച്ചു. തൃശൂർ മെഡിക്കൽ കോളേജിൽ ചരിത്രത്തിലെ ഏറ്റവും വലിയ വികസന പ്രവർത്തനമാണ് ഈ കാലഘട്ടത്തിൽ നടന്നിട്ടുള്ളതെന്നും സമാനതകളില്ലാത്ത വികസന പ്രവർത്തനങ്ങൾ സാധ്യമാക്കാൻ കഴിയുന്നു എന്നുള്ളത് അഭിമാനകരമായ കാര്യമാണെന്നും മന്ത്രി പറഞ്ഞു. കേരളത്തിലെ മെഡിക്കൽ വിദ്യാഭ്യാസ  ചരിത്രത്തിൽ ഏറ്റവുമധികം അടിസ്ഥാന വികസന പ്രവർത്തനങ്ങൾ ഈ കാലഘട്ടത്തിൽ സാധ്യമാക്കാൻ കഴിഞ്ഞുവെന്നും മന്ത്രി കൂട്ടിച്ചേർത്തു.

മാങ്ങാട്ടുപറമ്പ് ഇ.കെ നായനാര്‍ സ്മാരക ഗവ. സ്ത്രീകളുടെയും കുട്ടികളുടെയും ആശുപത്രിയില്‍ നിര്‍മിച്ച കാഷ്വാലിറ്റി ബ്ലോക്കിന്റെ ഒന്നാംഘട്ട ഉദ്ഘാടനവും വന്ധ്യതാ നിവാരണ ക്ലിനിക്കിന്റെ പ്രവര്‍ത്തനോദ്ഘാടനവും എം.വി ഗോവിന്ദന്‍ മാസ്റ്റര്‍ എം എല്‍ എ നിര്‍വഹിച്ചു. ആന്തൂര്‍ നഗരസഭ അധ്യക്ഷ വി സതീദേവി അധ്യക്ഷയായി.

സാമൂഹ്യനീതി വകുപ്പിൻ്റെ കീഴിൽ തൃശ്ശൂർ ജില്ലയിൽ പ്രവർത്തിക്കുന്ന ജില്ലാ പ്രൊബേഷൻ ഓഫീസ് ഉപയോഗത്തിനായി ടാക്സി പെർമിറ്റുള്ള 12 വർഷത്തിൽ കുറവ് പഴക്കമുള്ള വാഹനം 2026 - 27 സാമ്പത്തിക വർഷത്തിൽ വാടകയ്ക്ക് ലഭ്യമാക്കാൻ താത്പര്യമുള്ള വ്യക്തികൾ/ സ്ഥാപനങ്ങൾ എന്നിവരിൽ നിന്നും ടെണ്ടർ ക്ഷണിച്ചു. മാർച്ച് 23ന് വൈകിട്ട് മൂന്ന് മണി വരെ ടെണ്ടർ സ്വീകരിക്കും. കൂടുതൽ വിവരങ്ങൾക്ക് തൃശ്ശൂർ അയ്യന്തോൾ സിവിൽ സ്റ്റേഷൻ രണ്ടാം നിലയിൽ പ്രവർത്തിക്കുന്ന ജില്ലാ പ്രൊബേഷൻ ഓഫീസുമായി ബന്ധപ്പെടുക. ഫോൺ: 0487 2363999.

പുത്തൂർ ഗ്രാമപഞ്ചായത്ത് ഗവ. ആയുർവേദ ഡിസ്പെൻസറിയിലെ
നവീകരിച്ച യോഗാ ഹാളിന്റേയും ആശുപത്രി പുനർ നവീകരണത്തിന്റേയും ഉദ്ഘാടനം റവന്യൂ, ഭവന നിർമാണ വകുപ്പ് മന്ത്രി അഡ്വ. കെ രാജൻ നിർവഹിച്ചു.
 
പുത്തൂർ ഗ്രാമപഞ്ചായത്ത് പ്രസിഡന്റ് ബിന്ദു സേതുമാധവൻ അധ്യക്ഷത വഹിച്ചു. കനറാ ബാങ്ക് തൃശൂർ റീജിയൻ അസിസ്റ്റന്റ് ജനറൽ മാനേജർ പീയൂഷ് ബാബാ സാഹേബ് ഖട്‌ഗർ വിശിഷ്ടാതിഥിയായി.

കനറാ ബാങ്കിന്റെ സി. എസ്. ആർ. ഫണ്ട് ഉപയോഗിച്ചാണ് യോഗാ ഹാളിന്റെ നവീകരണവും ആശുപത്രി പുനർനവീകരണവും നടത്തിയത്.

കേരള മദ്രസ്സാദ്ധ്യാപക ക്ഷേമനിധിയിൽ 2025-2026 സാമ്പത്തിക വർഷത്തെ ക്ഷേമനിധി വിഹിതം അടയ്ക്കാനുള്ളവർ മാർച്ച് 25 നകം വിഹിതം പോസ്റ്റ് ഓഫീസിൽ അടക്കണം.  ക്ഷേമനിധി വിഹിതം അടയ്ക്കാതെ വരുന്നത് ക്ഷേമനിധി അംഗത്വം റദ്ദാവുന്നതിനും ക്ഷേമനിധിയിൽ നിന്നുള്ള ആനുകൂല്യങ്ങൾ ലഭിക്കുന്നതിനും തടസ്സമാകും. ക്ഷേമനിധി അഗങ്ങൾ അംഗത്വവിഹിതം യഥാസമയം അടയ്ക്കണമെന്ന് ചീഫ് എക്സിക്യൂട്ടീവ് ഓഫീസർ അറിയിച്ചു.

തൃശ്ശൂർ: ജില്ലയിൽ അക്ഷയ സംരംഭകരാകുന്നതിന് ഓൺലൈൻ അപേക്ഷ മാര്‍ച്ച് 19 വരെ സമർപ്പിക്കാം. അപേക്ഷ ഫീസ് 21 വരെ സ്വീകരിക്കും.

സംസ്ഥാന സർക്കാരിന്റെ ഔദ്യോഗിക ഓൺലൈൻ സേവനദാതാക്കളായ അക്ഷയപദ്ധതി തൃശ്ശൂർ ജില്ലയിലെ 70 ലൊക്കേഷനുകളിലേക്കാണ് സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ 64 ലൊക്കേഷനിലേക്കും പട്ടികജാതി വിഭാഗത്തിൽ രണ്ട്, പട്ടികവര്‍ഗ വിഭാഗത്തിൽ നാല് ലൊക്കേഷനിലേക്കുമാണ് അപേക്ഷ ക്ഷണിക്കുന്നത്.

  https://lbsedp.lbscentre.in/akshaya26/ എന്ന വെബ്സൈറ്റിലാണ് അപേക്ഷ സമർപ്പിക്കേണ്ടത്.

 അന്താരാഷ്ട്ര വനിതാ ദിനാചരണത്തിൻ്റെ ഭാഗമായി വനിതാ ശിശു വികസന വകുപ്പ് തൃശ്ശൂർ ജില്ലാ ഓഫീസിൻ്റെ നേതൃത്വത്തിൽ ജില്ലാതല സാംസ്കാരിക സംഗമവും ഗാനമേളയും സംഘടിപ്പിച്ചു. ജില്ലാ വനിത ശിശു വികസന ഓഫീസർ മീര പി ഗാനമേള ഉദ്‌ഘാടനം ചെയ്തു. സിവിൽ സ്റ്റേഷൻ അനെക്സ് ഹാളിൽ നടന്ന പരിപാടിയിൽ ജില്ലയിലെ വകുപ്പിലെ ജീവനക്കാരും അങ്കണവാടി പ്രവർത്തകരും ചേർന്നാണ് ഗാനമേള അവതരിപ്പിച്ചത്.

 സാമൂഹ്യനീതി വകുപ്പിന് കീഴിൽ തൃശ്ശൂർ ജില്ലയിൽ പ്രവർത്തിക്കുന്ന ജില്ല പ്രൊബേഷൻ ഓഫീസിലേക്ക് 12 വർഷത്തിൽ കുറവ് പഴക്കമുള്ള, ടാക്സി പെർമിറ്റുള്ള വാഹനം ആവശ്യമുണ്ട്. മാർച്ച് 23 വരെ മുതൽ ടെണ്ടർ സ്വീകരിക്കും. കൂടുതൽ വിവരങ്ങൾക്ക് 0487 2363999 എന്ന നമ്പറിൽ ബന്ധപ്പെടുക.