വഴയില - പഴകുറ്റി റോഡ് നാലുവരിപ്പാതയാക്കുന്നതിന്റെ ഭാഗമായുള്ള കരകുളം മേൽപ്പാലത്തിന്റെ നിർമാണ പുരോഗതി മന്ത്രി ജി ആർ അനിൽ വിലയിരുത്തി. കരകുളം പാലം ജംഗ്ഷന് സമീപം പുതുതായി നിർമ്മിച്ച പാലം മന്ത്രി താൽക്കാലികമായി   ഗതാഗതത്തിന് തുറന്നു കൊടുത്തു.

 നിലവിലെ നിർമ്മാണ പ്രവർത്തനങ്ങൾ സമയബന്ധിതമായി പൂർത്തിയാക്കുന്നതിനും മേൽപ്പാലത്തിന്റെ പണി  വേഗത്തിലാക്കാനും മന്ത്രി ഉദ്യോഗസ്ഥർക്ക് നിർദ്ദേശം നൽകി.

 കരകുളം പഞ്ചായത്ത് പ്രസിഡന്റ് അജിത് കുമാർ, പൊതുമരാമത്ത് വകുപ്പ് ഉദ്യോഗസ്ഥർ, ജനപ്രതിനിധികൾ തുടങ്ങിയവർ സന്നിഹിതരായിരുന്നു.

തദ്ദേശസ്വയംഭരണ വകുപ്പിൻ്റെയും പട്ടികജാതി - പട്ടികവർഗ വികസന വകുപ്പിൻ്റെയും ആഭിമുഖത്തിൽ  വിദ്യാർത്ഥികളിൽ വായനാശീലം വളർത്തുകയെന്ന ലക്ഷ്യത്തോടെ നടത്തുന്ന  പദ്ധതിയായ അക്ഷരോന്നതിയുടെ  ജില്ലാതല പുസ്തക വിതരണോദ്ഘാടനം അടിമാലി ബ്ലോക്ക്‌ പഞ്ചായത്ത്‌ ഹാളിൽ സംഘടിപ്പിച്ചു. അക്ഷരോന്നതി ജില്ലാ ജോയിന്റ് ഡയറക്ടർ അജേഷ് ടി.ജെ പരിപാടി  ഉദ്ഘാടനം ചെയ്തു. അടിമാലി ബ്ലോക്ക്‌  പഞ്ചായത്ത്‌  പ്രസിഡന്റ്‌ വി.കെ മോഹനൻ നായർ  അധ്യക്ഷത വഹിച്ചു.
വിവിധ ഉന്നതികളിൽ നിന്ന് പരിപാടിയിൽ പങ്കെടുത്ത വിദ്യാർഥികൾക്ക്  പുസ്തകങ്ങളും വിതരണം ചെയ്തു.

കേരള നിയമസഭാ തെരഞ്ഞെടുപ്പുമായി ബന്ധപ്പെട്ട് നെയ്യാറ്റിൻകര, പാറശ്ശാല മണ്ഡലങ്ങളിൽ മൂന്ന് വീതം എസ്.എസ്.ടി ചെക്ക് പോയിന്റുകൾ സ്ഥാപിക്കുന്നതിന് താത്പര്യമുള്ളവരിൽ നിന്ന് ക്വട്ടേഷൻ ക്ഷണിച്ചു. ഇലക്ഷന് നിയോ​ഗിക്കപ്പെടുന്ന ഉദ്യോ​ഗസ്ഥർക്ക് സൗകര്യം ഒരുക്കുന്നതിനായി ഷമിയാന പന്തൽ, ട്യൂബ് ലൈറ്റ്, കസേരകൾ, പ്ല​ഗ് പോയിന്റ് എന്നിവയാണ് സജ്ജീകരിക്കേണ്ടത്. ചെക്ക് പോയിന്റുകൾ മാറ്റിസ്ഥാപിക്കേണ്ട സാഹചര്യമുണ്ടായാൽ കരാറുകാരൻ സ്വന്തം ചെലവിൽ മാറ്റി സ്ഥാപിക്കണം.

നിയമസഭാ തിരഞ്ഞെടുപ്പ് സുഖമമായി നടത്തുന്നതിനും ഏകോപിപ്പിക്കുന്നതിനുമായി നിയോഗിച്ച നോഡൽ ഓഫീസർമാരുടെയും അസിസ്റ്റന്റ് നോഡൽ ഓഫീസർമാരുടെയും യോഗം ജില്ലാ കളക്ടർ അനുകുമാരിയുടെ അധ്യക്ഷതയിൽ കളക്ടറേറ്റിൽ ചേർന്നു. നിയമസഭാ തിരഞ്ഞെടുപ്പിനുള്ള ഒരുക്കങ്ങൾ, എംസിസി,  വിവിധ നോഡൽ ഓഫീസർമാരുടെ കീഴിൽ നടക്കുന്ന പ്രവർത്തനങ്ങൾ തുടങ്ങിയവ ചർച്ച ചെയ്തു.

കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ എം.ബി.എ (ഫുള്‍ടൈം) 2026-28 ബാച്ചിലേയ്ക്കുളള അഭിമുഖം മാര്‍ച്ച് 13ന് രാവിലെ 10 മണി മുതല്‍ കിക്മ ക്യാമ്പസില്‍ നടത്തും. സഹകരണ മേഖലയില്‍ പ്രവര്‍ത്തിക്കുന്നവരുടെ ആശ്രിതര്‍ക്കും ഫിഷറീസ് സ്‌കോളര്‍ഷിപ്പിന് അര്‍ഹതയുളള വിദ്യാര്‍ഥികള്‍ക്കും പ്രത്യേക സീറ്റ് സംവരണം ഏര്‍പ്പെടുത്തിയിട്ടുണ്ട്.

പള്ളിച്ചല്‍ കുടുംബാരോഗ്യ കേന്ദ്രത്തില്‍ മെഡിക്കല്‍ ഓഫീസര്‍ തസ്തികയിലേക്ക് താത്കാലിക അടിസ്ഥാനത്തില്‍ നിയമനം നടത്തുന്നു.

എംബിബിഎസ് യോഗ്യതയുള്ള 20നും 35നും ഇടയില്‍ പ്രായമുള്ളവര്‍ക്ക്‌ അപേക്ഷിക്കാം. താത്പര്യമുള്ളവർ  യോഗ്യതകള്‍ തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം മാര്‍ച്ച് 16ന് രാവിലെ 11ന് പള്ളിച്ചല്‍ കുടുംബാരോഗ്യ കേന്ദ്രത്തില്‍ അഭിമുഖത്തിന് ഹാജരാകണം.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ സ്റ്റാറ്റിക് സര്‍വെയലന്‍സ് ടീമുകളുടെ പ്രവര്‍ത്തനം ആരംഭിക്കുന്നതിനാല്‍ വാമനപുരം, കഴക്കൂട്ടം നിയോജക മണ്ഡലങ്ങളില്‍ ടീമുകള്‍ക്ക് ആവശ്യമായ പന്തല്‍, കസേരകള്‍, ലൈറ്റ് എന്നിവ സജ്ജമാക്കുന്നതിന് അംഗീകൃത കരാറുകാരില്‍ നിന്നും മുദ്രവെച്ച ക്വട്ടേഷനുകള്‍ ക്ഷണിച്ചു.

താത്പര്യമുള്ളവര്‍ നിശ്ചിത നിരക്കുകള്‍ രേഖപ്പെടുത്തിയ ക്വട്ടേഷനുകള്‍ ഓഫീസില്‍ നിന്നും നേരിട്ടോ തപാലിലോ സമര്‍പ്പിക്കണം. മുദ്രവച്ച കവറിനുമുകളില്‍ 'എസ്എസ്ടി പ്രവര്‍ത്തനത്തിനായുള്ള പന്തല്‍ ഫര്‍ണിച്ചര്‍ ക്വട്ടേഷന്‍- നിയമസഭാ തിരഞ്ഞെടുപ്പ് 2026'  എന്ന് രേഖപ്പെടുത്തിയിരിക്കണം.

നിയമസഭാ തെരഞ്ഞെടുപ്പുമായി ബന്ധപ്പെട്ട് ലാപ്ടോപ്പ്, സ്കാനർ, പ്രിന്റർ, സ്കാനർ വിത്ത് ഫോട്ടോകോപ്പിയർ എന്നീ സാധന സാമ​ഗ്രികൾക്കായി സീൽ ചെയ്ത ക്വട്ടേഷനുകൾ ക്ഷണിക്കുന്നു. ​ഗ്യാരന്റിയുള്ള മെഷീനുകളായിരിക്കണം. ക്വട്ടേഷൻ സ്ഥിരപ്പെടുത്തിയ ഉടനെ തന്നെ ഉപകരണങ്ങൾ കളക്ടറേറ്റ് ഇലക്ഷൻ വിഭാ​ഗം ആവശ്യപ്പെടുന്ന മുറയ്ക്ക് ലഭ്യമാക്കേണ്ടതാണ്.

സ്മാർട്ട് ടി.വിയുടെ ഓരോ അളവുകൾക്കും പ്രത്യേകം റേറ്റ് രേഖപ്പെടുത്തി നൽകേണ്ടതാണ്. ദിവസ വാടകാടിസ്ഥാനത്തിലും മാസ വാടകാടിസ്ഥാനത്തിലും റേറ്റ് സമർപ്പിക്കാം.

നിയമസഭ തിരഞ്ഞെടുപ്പിനോടാനുബന്ധിച്ചുള നിരക്ക് ചാര്‍ട്ട് നിശ്ചയിക്കുന്നതിനായി ജില്ലാ കളക്ടര്‍ അനു കുമാരിയുടെ അധ്യക്ഷതയില്‍ രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു.

കട്ടപ്പന ഗവൺമെന്റ് ഐ.ടി.ഐയില്‍ വിവിധ തസ്തിക കളിലേക്ക് അപേക്ഷിക്കാം. ജൂനിയര്‍   ഇന്‍സ്ട്രക്ടര്‍ -ഡ്രാഫ്റ്റ്‌സ്മാൻ സിവില്‍, ഇലക്ട്രോണിക്‌സ് മെക്കാനിക്ക് എന്നീ തസ്തികകളിലെ ഓരോ ഒഴിവുകളി ലേക്ക് യഥാക്രമം ഈഴവ/ബില്ല/തീയ്യ, ഒസി എന്നീ വിഭാഗങ്ങളില്‍ നിന്നുമാണ് നിയമനം. ഈ വിഭാഗത്തിലെ ഉദ്യോഗാര്‍ത്ഥികളുടെ അഭാവത്തില്‍ ഇതര വിഭാഗത്തിലുള്ളവരെ പരിഗണിക്കും. ഡ്രാഫ്റ്റ്‌സ്മാന്‍ സിവില്‍ട്രേഡില്‍ എന്‍.റ്റി.സി. യും, മൂന്ന് വര്‍ഷത്തെ പ്രവൃത്തിപരിചയവും അല്ലെങ്കില്‍ എന്‍.എ.സി. യും, ഒരു വര്‍ഷത്തെ പ്രവൃത്തിപരിചയവും അല്ലെങ്കില്‍ സിവില്‍ എഞ്ചിനീയറിംഗില്‍ മൂന്ന് വര്‍ഷത്തെ ഡിപ്ലോമ /എഞ്ചിനീയറിംഗ് ഡിഗ്രി.