നിയമസഭാ തിരഞ്ഞെടുപ്പിൻ്റെ ഭാഗമായി വോട്ട് രേഖപ്പെടുത്തിയ ഇലക്ട്രോണിക് വോട്ടിംഗ് മെഷീനുകളും പോൾ ചെയ്ത പോസ്റ്റൽ ബാലറ്റുകളും അതീവ സുരക്ഷയിൽ സൂക്ഷിച്ചിരിക്കുന്ന ജില്ലയിലെ സ്ട്രോങ്ങ് റൂമുകൾ ജില്ലാ കളക്ടർ കെ ഇമ്പശേഖർ സന്ദർശിച്ച് വിലയിരുത്തി. 
 
വോട്ടിംഗ് യന്ത്രങ്ങൾ പ്രത്യേകമായും പോസ്റ്റൽ ബാലറ്റുകൾ പ്രത്യേകമുറിയിലും ആണ് സൂക്ഷിച്ചിട്ടുള്ളത്.

നീറ്റ് യുജി 2026 പരീക്ഷ നടത്തിപ്പുമായി ബന്ധപ്പെട്ട് രൂപീകരിച്ചിട്ടുള്ള ജില്ലാതല കമ്മിറ്റിയുടെ യോഗം ഓൺലൈനായി ചേർന്നു. 

​മെയ് മൂന്നിന് നടക്കുന്ന നീറ്റ് പരീക്ഷയ്ക്ക് നിലവിൽ 23 പരീക്ഷാകേന്ദ്രങ്ങളാണ് എൻ.ടി.എ അനുവദിച്ചിട്ടുള്ളത്. പോലീസ് സബ് ഡിവിഷനുകളിൽ പരീക്ഷാകേന്ദ്രങ്ങളായി നിശ്ചയിച്ചിട്ടുള്ള സ്കൂളുകളിൽ ആവശ്യമായ ക്രമീകരണങ്ങൾ ഉറപ്പുവരുത്തുമെന്നും ആവശ്യമായ പൊലീസിനെ വിന്യസിക്കുമെന്നും ഡി.വൈ.എസ്.പിമാർ യോഗത്തിൽ അറിയിച്ചു.

ആക്കോട്-അരൂര്‍-ചെള്ളിക്കര-വാഴയൂര്‍-കക്കോവ് റോഡില്‍ ഡ്രെയിനേജ് കോണ്‍ക്രീറ്റ് പ്രവൃത്തി നടക്കുന്നതിനാല്‍ ഏപ്രില്‍ 23 മുതല്‍ ഒരു മാസത്തേക്ക് ഈ റോഡിലൂടെയുള്ള വാഹന ഗതാഗതം നിരോധിച്ചു.

കേരള കര്‍ഷക തൊഴിലാളി ക്ഷേമനിധി ബോര്‍ഡ്, മലപ്പുറം ജില്ലാ എക്‌സിക്യൂട്ടീവ് ഓഫീസില്‍ പുതിയ അംഗങ്ങളെ ചേര്‍ക്കുന്നതിന് അവസരം. അംഗങ്ങളെ ചേര്‍ക്കുന്നതിനായി താഴെ പറയുന്ന വിവിധ വില്ലേജുകളിലുള്ളവര്‍ അതാത് ദിവസം അപേക്ഷകള്‍ കര്‍ഷക തൊഴിലാളി ക്ഷേമനിധി മലപ്പുറം ജില്ലാ എക്‌സിക്യൂട്ടീവ്   ഓഫീസില്‍ എത്തിക്കണം. ഫോണ്‍: 0483-273 2001.

മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമിയുടെ സ്‌കൂള്‍ ഓഫ് മാപ്പിള ആര്‍ട്‌സിലെ മാപ്പിള കലാ ഡിപ്ലോമ കോഴ്‌സുകളുടെ 2026 ബാച്ചിന്റെ ക്ലാസുകള്‍ മെയ് 10-ന് തുടങ്ങും. പ്രവേശനം നേടിയവര്‍ മെയ് 10ന് രാവിലെ 9.30ന് ഒന്നാം ഗഡു ഫീസ് അടച്ച് ക്ലാസില്‍ ഹാജരാകണം.

വാല്‍പ്പാറ ദുരന്ത ബാധിതര്‍ക്ക് കൗണ്‍സിലിങ് നല്‍കുന്നതുമായി ബന്ധപ്പെട്ട് ജില്ലാ കളക്ടര്‍ ഡോ. വിനയ് ഗോയലിന്റെ അധ്യക്ഷതയില്‍ വിവിധ വകുപ്പുകളുടെ യോഗം ചേര്‍ന്നു. ദുരന്ത ബാധിതര്‍ക്ക് ഗുണനിലവാരമുള്ള കൗണ്‍സിലിംഗ് ഉറപ്പുവരുത്തണമെന്ന് കളക്ടര്‍ നിര്‍ദ്ദേശിച്ചു.

ഹൗസ് ലിസ്റ്റിങ് ആന്‍ഡ് ഹൗസിങ് സെന്‍സസ് 2027-ന്റെ ഭാഗമായി ഉദ്യോഗസ്ഥര്‍, ടെക്‌നിക്കല്‍ അസിസ്റ്റന്റുമാര്‍ എന്നിവരുടെ ത്രിദിന ജില്ലാതല പരിശീലനം മലപ്പുറം സിവില്‍ സ്റ്റേഷനിലെ കൈറ്റ് പരിശീലന ഹാളില്‍ ആരംഭിച്ചു. പരിശീലന പരിപാടി ജില്ലാ കളക്ടര്‍ ഡോ. വിനയ് ഗോയല്‍ ഉദ്ഘാടനം ചെയ്തു. ഇന്നു മുതല്‍ (ഏപ്രില്‍ 20) ഏപ്രില്‍ 25 വരെ രണ്ടു ബാച്ചുകളിലായാണ് പരിശീലനം നടക്കുന്നത്. സെന്‍സസ് ഡെപ്യൂട്ടി ഡയറക്ടര്‍ കെ.എം.ഹാരിസ്, സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍-II ഷഹ്ന കാരാടന്‍ എന്നിവര്‍ പരിശീലന സെഷനുകള്‍ക്ക് നേതൃത്വം നല്‍കി. എ.ഡി.എം. സി.എസ്. രാജേഷ് ഉദ്ഘാടന ചടങ്ങില്‍ സ്വാഗതം പറഞ്ഞു.

ജില്ലയിലെ ബാലസംരക്ഷണ സ്ഥാപനങ്ങളില്‍ കഴിയുന്ന കുട്ടികള്‍ക്കായി ജില്ലാ ചൈല്‍ഡ് വെല്‍ഫെയര്‍ കമ്മിറ്റിയും ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റും  സംയുക്തമായി സംഘടിപ്പിക്കുന്ന ''വേനല്‍ മഴ'' അവധിക്കാല ക്യാംപിന് തുടക്കമായി. തവനൂര്‍ ചില്‍ഡ്രന്‍സ് ഹോമില്‍ നടന്ന ക്യാംപ് ജില്ലാ കലക്ടര്‍  ഡോ. വിനയ് ഗോയല്‍ ഉദ്ഘാടനം ചെയ്തു. കുട്ടികളുടെ സര്‍ഗ്ഗാത്മക ശേഷിയും ആത്മവിശ്വാസവും വളര്‍ത്തുന്ന ഇത്തരം കൂട്ടായ്മകള്‍ അവരുടെ ഭാവി പ്രകാശ പൂര്‍ണ്ണമാക്കാന്‍ സഹായിക്കുമെന്ന് അദ്ദേഹം അഭിപ്രായപ്പെട്ടു.

സ്മാർട്ട്മീറ്റർ സ്ഥാപിക്കുന്ന പ്രവൃത്തി നടക്കുന്നതിനാൽ കെഎസ് ഇബി ഏച്ചൂർ വൈദ്യുത സെക്ഷനിലെ പുന്നക്കാംമൂല ,വാണിയൻചാൽ, പൊയിൽ ദിനേശ് എന്നീ ട്രാൻസ്‌ഫോർമർ പരിധിയിൽ ഏപ്രിൽ 21ചൊവ്വാഴ്ച രാവിലെ ഒൻപത് മണി മുതൽ ഉച്ചക്ക് 12 മണി വരെ വൈദ്യുതി മുടങ്ങും.

കണ്ണൂർ വൈദ്യുത സെക്ഷൻ പരിധിയിൽ കപ്പണപറമ്പ ,കാനന്നൂർ ഹാൻഡ്‌ലൂം ,ഫെറന്റിലെ 
അപാർട്മെന്റ് ഭാഗങ്ങളിൽ ഏപ്രിൽ 21ചൊവ്വാഴ്ച രാവിലെ  ഒൻപത് മണി  മുതൽ വൈകുന്നേരം അഞ്ച് മണി  വരെ വൈദ്യുതി മുടങ്ങും

 #ഡിജിറ്റലായി വിവരശേഖരണം നടത്തുന്ന രാജ്യത്തെ ആദ്യ സെൻസസ്#

2027 സെൻസസുമായി ബന്ധപ്പെട്ട് ജില്ലാ ഓഫീസർമാർക്കും ചാർജ്ജ് ഓഫീസർമാർക്കും പരിശീലനം നൽകി. കളക്ടറേറ്റ് കോൺഫറൻസ് ഹാളിൽ  നടന്ന പരിശീലന പരിപാടി ജില്ലാ കളക്ടർ അനു കുമാരി ഉദ്ഘാടനം ചെയ്തു. സെന്‍സസിന് നിയോഗിക്കപ്പെട്ട ഉദ്യോഗസ്ഥര്‍ക്ക് രണ്ട് ബാച്ചുകളിലായി ഏപ്രില്‍ 25 വരെയാണ് പരിശീലനം സംഘടിപ്പിച്ചിരിയ്ക്കുന്നത്. സെന്‍സസ് ഡയറക്ടറേറ്റില്‍ നിന്നുള്ള അസിസ്റ്റന്റ് സെന്‍സസ് ഡയറക്ടര്‍ സുരേഷ്, ഇന്‍വസ്റ്റിഗേറ്റര്‍ രഞ്ജു എന്നിവര്‍ പരിശീലന പരിപാടിക്ക് നേതൃത്വം നല്‍കി.