ഇടുക്കി ജില്ലയിലെ ദേവികുളം താലൂക്ക് പരിധിയിലെ ഇടമലക്കുടിയിലെ ഗുണഭോക്താക്കൾക്ക് അർഹതപ്പെട്ട റേഷൻ വിഹിതത്തിൽ ക്രമക്കേട് നടന്നതായുള്ള മാധ്യമവാർത്തയുടെ അടിസ്ഥാനത്തിൽ സംസ്ഥാന ഭക്ഷ്യ കമ്മീഷൻ ചെയർപേഴ്സന്റെ നേതൃത്വത്തിലുള്ള സംഘം ഇടമലക്കുടിയിലെ റേഷൻ കടകളിൽ നേരിട്ട് പരിശോധന നടത്തി. വിവിധ ഉന്നതികൾ സന്ദർശിക്കുകയും ഗുണഭോക്താക്കളെ നേരിൽ കണ്ട് മൊഴിയെടുക്കുകയും ചെയ്തു.

തിരുവനന്തപുരം, കോഴിക്കോട് ഗവൺമെന്റ് ഹോമിയോ മെഡിക്കൽ കോളേജുകളിൽ 2026 വർഷത്തെ സർട്ടിഫിക്കറ്റ് കോഴ്‌സ് ഇൻ ഫാർമസി (ഹോമിയോ) 2026 കോഴ്‌സിലേയ്ക്കുള്ള പ്രവേശനത്തിന് അപേക്ഷ സമർപ്പിക്കുന്നതിനുള്ള തീയതി നീട്ടി.

തിരുവനന്തപുരത്തെ കിലെ-ഐ.എ.എസ് അക്കാഡമിയിൽ 2026-27 വർഷത്തെ വിവിധ സിവിൽ സർവീസ് പരീക്ഷ പരിശീലനങ്ങൾക്കുള്ള രജിസ്ട്രേഷൻ ആരംഭിച്ചു. ഒരു വർഷം ദൈർഘ്യമുള്ള റഗുലർ ഓൺലൈൻ/ ഓഫ്‌ലൈൻ ബാച്ച്, ഓൺലൈൻ ഫൗണ്ടേഷൻ ബാച്ച്, റിപ്പീറ്റേഴ്സ് ബാച്ച്, മെയിൻസ് ബാച്ച് എന്നിങ്ങനെ വിവിധ പരിശീലനങ്ങൾക്കായി സൗജന്യമായി രജിസ്റ്റർ ചെയ്യാം.

തിരുവനന്തപുരം ഗവ.

പുന്നപ്ര സെന്‍ട്രല്‍ പ്രോഡക്ട്‌സ് ഡയറി വക ക്യാന്റീന്‍ ഒരു വര്‍ഷ കാലയളവില്‍ കരാര്‍ അടിസ്ഥാനത്തില്‍ ഏറ്റെടുത്ത് നടത്തുന്നതിന് വ്യവസായ സ്ഥാപനങ്ങളില്‍ ക്യാന്റീന്‍ നടത്തി പരിചയമുള്ളവരില്‍ നിന്നോ, ഈ മേഖലയുമായി ബന്ധപ്പെട്ട് പ്രവര്‍ത്തിക്കുന്ന കുടുംബശ്രീ യൂണിറ്റുകള്‍, ഹോട്ടലുകള്‍, റസ്‌റ്റോറന്റുകള്‍, കാറ്ററിംഗ് സര്‍വ്വീസുകള്‍ മുതലായവ നടത്തി പരിചയമുള്ള കരാറുകാരില്‍ നിന്ന് അപേക്ഷ ക്ഷണിച്ചു. ക്വട്ടേഷനുകള്‍ ഏപ്രില്‍ 22 ന് ഉച്ച കഴിഞ്ഞ്  മൂന്ന് മണിക്ക് മുമ്പായി യൂണിറ്റ് ഹെഡ്, സെന്‍ട്രല്‍ പ്രോഡക്ട്‌സ് ഡയറി എന്ന വിലാസത്തില്‍ ലഭിക്കണം.  ഫോണ്‍: 04772255906, 2255908

ചേര്‍ത്തല - മാരാരിക്കുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 46 (മാരാരി ടെമ്പിള്‍ ഗേറ്റ്) ഏപ്രില്‍ 22ന് രാവിലെ എട്ട് മുതല്‍ 26ന് വൈകിട്ട് ആറ് വരെ അടിയന്തര അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 45 (പൂപ്പള്ളിക്കാവ് ടെമ്പിള്‍ ഗേറ്റ്) ലെവല്‍ ക്രോസ് നമ്പര്‍ 47 (മാരാരി സൗത്ത് ഗേറ്റ്) എന്നിവ വഴി പോകണം.

തുറവൂര്‍ - ചേര്‍ത്തല റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 29 (പുതിയകാവ് ഗേറ്റ്) ഏപ്രില്‍ 21ന് രാവിലെ എട്ട് മുതല്‍ 23ന് വൈകിട്ട് ആറ് വരെ ടാറിംഗ് പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 30 (സി.എം.എസ് ഗേറ്റ്) വഴി പോകണം.

2026 പൊതുതെരഞ്ഞെടുപ്പ് മാതൃകാ പെരുമാറ്റച്ചട്ടം നിലനിൽക്കുന്നതിനാൽ  ഈ മാസം (ഏപ്രിൽ) ജില്ലാ വികസന സമിതി യോഗം ചേരുന്നില്ലായെന്ന് ജില്ലാ കളക്ടർ അറിയിച്ചു.

ഗതാഗത നിയന്ത്രണം

പയ്യന്നൂര്‍ നഗരസഭയില്‍ ദേശീയപാത 17 നെയും പയ്യന്നൂര്‍ റെയില്‍വെ സ്റ്റേഷന്‍ അനുബന്ധ റോഡിനെയും ബന്ധിപ്പിക്കുന്ന ലിങ്ക് റോഡിന്റെ (മാര്‍ക്കറ്റ് റോഡ്) ടാറിംഗ് പ്രവൃത്തി നടക്കുന്നതിനാല്‍ ഏപ്രില്‍ 20 മുതല്‍ ഏപ്രില്‍ 24 വരെ ഇതുവഴിയുള്ള ഗതാഗതം പൂര്‍ണമായും നിരോധിക്കുമെന്ന് പൊതുമരാമത്ത് വകുപ്പ് നിരത്തുകള്‍ ഉപവിഭാഗം അസിസ്റ്റന്റ് എഞ്ചിനീയര്‍ അറിയിച്ചു.

മാനദണ്ഡങ്ങള്‍ പാലിക്കാത്ത വാഹനങ്ങള്‍ക്കെതിരെ കര്‍ശന നടപടി

കൊട്ടിയൂർ വൈശാഖോത്സവത്തിന്റെ സുഗമമായ നടത്തിപ്പിനായി വിവിധ വകുപ്പുകൾ ഏകോപിച്ചു പ്രവർത്തിക്കണമെന്ന് ജില്ലാ കലക്ടർ അരുൺ.കെ.വിജയൻ നിർദ്ദേശം നൽകി. ഭക്തജനങ്ങൾക്ക് മതിയായ സുരക്ഷ ഒരുക്കുന്നതിന് കൂടുതൽ പൊലീസുകാരെയും   ഫയർ ഫോഴ്‌സിന്റെ സ്കൂബാ ടീം ഉൾപ്പെടയുള്ളവയും വിന്യസിക്കുന്നതിന് തീരുമാനിച്ചു. മുന്നൊരുക്കങ്ങൾ വിലയിരുത്തുന്നതിനായി ജില്ലാ കളക്ടറുടെ അധ്യക്ഷതയിൽ കളക്ട്രേറ്റ് കോൺഫെറൻസ് ഹാളിൽ ചേർന്ന യോഗത്തിലാണ് തീരുമാനം.