ആറന്മുള സഹകരണ പരിശീലന കോളജില്‍ ജെ ഡി സി  2026-27 വര്‍ഷത്തെ പ്രവേശനവുമായി ബന്ധപ്പെട്ട് ഓണ്‍ലൈന്‍ അപേക്ഷ സ്വീകരിക്കുന്ന തീയതി ഏപ്രില്‍ 30 വരെ നീട്ടി.  scu.kerala.gov.in വെബ്‌സൈറ്റ് വഴി അപേക്ഷിക്കാം. ഫോണ്‍ : 9946385533/ 9847747188    
 

പത്തനംതിട്ട എസ് ബി ഐ   ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍  10 ദിവസത്തെ  സൗജന്യ കൂണ്‍ വിത്ത് ഉല്‍പ്പാദനം, കൂണ്‍ വളര്‍ത്തല്‍, മൂല്യ വര്‍ദ്ധിത ഉല്‍പന്ന നിര്‍മാണം എന്നിവ ആരംഭിക്കുന്നു. പ്രായപരിധി 18 - 49. ആധാര്‍, റേഷന്‍ കാര്‍ഡ് , ബാങ്ക് പാസ് ബുക്ക്, രണ്ട് ഫോട്ടോ എന്നിവയുമായി എത്തണം. ഫോണ്‍ :   0468 2270243, 04682992293.                          
 

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ബിരുദം), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ് എസ് എല്‍ സി)  എന്നീ കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍:   7994449314

സംസ്ഥാന പിന്നാക്ക വിഭാഗ വികസന കോര്‍പറേഷന്‍, മറ്റ് പിന്നാക്ക മത-ന്യൂനപക്ഷ വിഭാഗത്തിലുളള 60 വയസില്‍ താഴെ പ്രായമുളള  സര്‍ക്കാര്‍/ അര്‍ധ സര്‍ക്കാര്‍ / പൊതുമേഖല ജീവനക്കാരില്‍ നിന്ന് വിവിധ വായ്പയ്ക്കായി (ഭവന പുനരുദ്ധാരണ വായ്പ, വാഹന വായ്പ, വ്യക്തിഗത വായ്പ ) അപേക്ഷ ക്ഷണിച്ചു.  അപേക്ഷ ഫോമിനും വിവരത്തിനും  പത്തനംതിട്ട ഹെഡ് പോസ്റ്റ് ഓഫീസിന് സമീപമുളള കോര്‍പറേഷന്റെ  ജില്ല ഓഫീസിനെ സമീപിക്കണം. ഫോണ്‍ : 0468 2226111, 2272111.
 

കോന്നി കയര്‍ഫെഡ് ഷോറൂമില്‍ വിഷുവിനോടനുബന്ധിച്ച് ഏപ്രില്‍ 30 വരെ കയര്‍ഫെഡ് മെത്തകള്‍ക്കും കയര്‍ ഉല്‍പന്നങ്ങള്‍ക്കും 50 ശതമാനം വരെ വിലക്കിഴിവ് ലഭിക്കും. സര്‍ക്കാര്‍, അര്‍ദ്ധസര്‍ക്കാര്‍, സഹകരണ, പൊതുമേഖല ജീവനക്കാര്‍, മാധ്യമപ്രവര്‍ത്തകര്‍ എന്നിവര്‍ക്ക് പ്രത്യേകം ആനുകൂല്യം ഉണ്ടാകും.
 

പത്തനംതിട്ട ജില്ലയില്‍ വിവിധ വകുപ്പുകളില്‍ ആയ (ഫസ്റ്റ് എന്‍സിഎ- ഒബിസി, കാറ്റഗറി നമ്പര്‍ 363/2024) തസ്തികയുടെ റാങ്ക് പട്ടിക 2026 ഫെബ്രുവരി 19 പ്രാബല്യത്തില്‍ റദ്ദായതായി ജില്ലാ പിഎസ്‌സി ഓഫീസര്‍ അറിയിച്ചു.

വാണിജ്യ സിലിണ്ടറുകള്‍ ആവശ്യമുള്ള സ്ഥാപനങ്ങള്‍ / ഹോട്ടലുകള്‍ www.lpgtrackerkerala.in എന്ന പോര്‍ട്ടലില്‍ രജിസ്റ്റര്‍ ചെയ്ത് ആവശ്യമായ സിലിണ്ടറുകള്‍ ബുക്ക് ചെയ്യാമെന്ന് കോഴഞ്ചേരി താലൂക്ക് സപ്ലൈ ഓഫീസര്‍ അറിയിച്ചു. സിലിണ്ടര്‍ ലഭിക്കുന്നതിന് നിലവില്‍ തടസ്സമില്ല. ഗാര്‍ഹിക സിലിണ്ടറുകള്‍ മറ്റ് ആവശ്യങ്ങള്‍ക്ക് ഉപയോഗിക്കുന്നത് ശ്രദ്ധയില്‍പ്പെട്ടാല്‍ അവ കണ്ടുകെട്ടുകയും ശിക്ഷാ നടപടി സ്വീകരിക്കുകയും ചെയ്യും. ഗാര്‍ഹിക സിലിണ്ടര്‍ ദുരുപയോഗം ചെയ്യുന്നത് ശ്രദ്ധയില്‍പെട്ടാല്‍ കോഴഞ്ചേരി താലൂക്ക് സപ്ലൈ ഓഫീസില്‍ പ്രവര്‍ത്തിക്കുന്ന കണ്‍ട്രോള്‍ റൂമില്‍ അറിയിക്കാം.

കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോടെ തിരുവനന്തപുരം ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരുവര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് ഇന്റ്റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ് ടു  കഴിഞ്ഞവരില്‍ നിന്ന് അപേക്ഷ ക്ഷണിച്ചു. ഫോണ്‍ :7994926081.
 

ജില്ലയില്‍ നേവിയില്‍ നിന്ന് വിരമിച്ച വിമുക്ത ഭടന്മാരും അവരുടെ വിധവകള്‍ക്കും  പരാതി പരിഹരിക്കുന്നതിനും ക്ഷേമപദ്ധതി സംബന്ധിച്ച മുഖാമുഖം ഏപ്രില്‍ 24 രാവിലെ 11 മുതല്‍ 1.30 വരെ ജില്ല സൈനിക ക്ഷേമ കാര്യാലയത്തില്‍ നടക്കും.  ഫോണ്‍ : 0468 2961104.
 

നിയമസഭ വോട്ടെടുപ്പിന് ശേഷം സ്വീകരണ കേന്ദ്രങ്ങളിലെത്തിച്ച വോട്ടിങ് യന്ത്രങ്ങള്‍ അതാത് വരണാധികാരികളുടെ നേതൃത്വത്തില്‍ വോട്ടെണ്ണല്‍ കേന്ദ്രങ്ങളിലെ സ്ട്രോങ് റൂമുകളിലേക്ക് മാറ്റി. മേയ് നാലിന് വോട്ടെണ്ണല്‍ ദിനം വരെ വോട്ടിംഗ് യന്ത്രങ്ങള്‍ കര്‍ശന സുരക്ഷയില്‍ സൂക്ഷിക്കും. സ്ട്രോംഗ് റൂമുകള്‍ 24 മണിക്കൂറും സുരക്ഷാ ഉദ്യോഗസ്ഥരുടെയും സിസിടിവി സംവിധാനത്തിന്റെയും നിരീക്ഷണത്തിലാണ്. നിയോജക മണ്ഡല അടിസ്ഥാനത്തിലുള്ള സ്ട്രോംഗ് റൂമുകളുടെ മേല്‍നോട്ടത്തിന് എക്സിക്യൂട്ടീവ്