വെള്ളപ്പൊക്ക ദുരിതാശ്വാസ പദ്ധതിയിൽ ഉൾപ്പെടുത്തി പെരിന്തൽമണ്ണ ബ്ലോക്ക് ഏലംകുളം ഗ്രാമപഞ്ചായത്തിലെ ചെറുകര ബൈപ്പാസ് കുണ്ടൻചോല റോഡ് പ്രവൃത്തിക്ക് നാല് ലക്ഷം രൂപ അനുവദിച്ചതായി ജില്ലാ കളക്ടർ അറിയിച്ചു.

നവീകരണ  പ്രവൃത്തി നടക്കുന്നതിനാല്‍ കാവനൂർ ഗ്രാമപഞ്ചായത്തിലെ അത്താണിക്കൽ-പൂക്കോട്ടുചോല റോഡിൽ ഇന്നു (ഏപ്രില്‍ 12) മുതല്‍ പ്രവൃത്തി പൂർത്തിയാക്കുന്നതു വരെ ഗതാഗതം  നിരോധിച്ചതായി അസി. എക്‌സിക്യുട്ടീവ് എൻജിനീയർ അറിയിച്ചു.
 

മഞ്ചേരി സർക്കാർ മെഡിക്കൽ കോളേജ് ആശുപത്രിയിൽ എച്ച്.ഡി.എസിനു കീഴിൽ ദിവസവേതനാടിസ്ഥാനത്തിൽ സീനിയർ ഓഡിയോളജിസ്റ്റിനെ നിയമിക്കുന്നു. സർക്കാർ അംഗീകൃത എം.എ.എസ്.എൽ.പി അല്ലെങ്കിൽ എം.എസ്.സി ഓഡിയോളജി, സർക്കാർ ആശുപത്രിയിൽ മൂന്ന് വർഷത്തെ പ്രവൃത്തി പരിചയം, ആർ.സി.ഐ രജിസ്‌ട്രേഷൻ എന്നിവയാണ് യോഗ്യത. താത്പര്യമുള്ളവർ അസ്സൽ സർട്ടിഫിക്കറ്റുകളും സാക്ഷ്യപ്പെടുത്തിയ പകർപ്പുകളും സഹിതം ഇന്ന് (ഏപ്രിൽ 12) രാവിലെ പത്ത് മണിക്ക് മുമ്പായി ആശുപത്രി സൂപ്രണ്ട് ഓഫീസിൽ നടക്കുന്ന അഭിമുഖത്തിന് ഹാജരാകണം. ഫോൺ: 0483 2762037.
 

ജില്ലയിൽ സമ്പൂർണ്ണ പത്താം തരം തുല്യതാ പദ്ധതി വിജയിപ്പിക്കുന്നതിനായി ജില്ലയിലെ ജില്ലാ പഞ്ചായത്ത് അംഗങ്ങൾ, നഗരസഭ, ഗ്രാമ-ബ്ലോക്ക് പഞ്ചായത്ത് പ്രസിഡന്റുമാർ, വിദ്യാഭ്യാസ സ്ഥിരം സമിതി അധ്യക്ഷർ എന്നിവരുടെ യോഗം നാളെ (ഏപ്രിൽ 13) ജില്ലാ പഞ്ചായത്ത് ഹാളിൽ ചേരാൻ ജില്ലാ പഞ്ചായത്തിൽ ചേർന്ന ആലോചനാ യോഗം തീരുമാനിച്ചു. വിവിധ വകുപ്പ് മേധാവികളുടെ യോഗവും ചേരും.

കേരള സർക്കാർ സ്ഥാപനമായ എൽ. ബി. എസ് സെന്ററിന്റെ മഞ്ചേരി ഉപകേന്ദ്രത്തിൽ മൂന്നു മാസം ദൈർഘ്യമുള്ള 'കമ്പ്യുട്ടറൈസ്ഡ് ഫിനാൻഷ്യൽ അക്കൗണ്ടിങ്ങ് ആൻഡ് ജി.സ്.ടി യൂസിങ് ടാലി' എന്ന കോഴ്‌സിന്റെ ഒഴിവുള്ള സീറ്റുകളിലേക്ക് പ്ലസ്ടു കൊമേഴ്‌സ്/ ബി.കോം യോഗ്യതയുള്ളവരിൽ നിന്നും അപേക്ഷ ക്ഷണിച്ചു. വിശദവിവരങ്ങൾക്ക് എൽ.ബി.എസ് സബ് സെന്റർ, ഐ.ജി.ബി.ടി ബസ് സ്റ്റാന്റ്, കച്ചേരിപ്പടി എന്ന വിലാസത്തിലോ 0483 2764674 എന്ന നമ്പറിലോ ബന്ധപ്പെടണം.
 

താഴെക്കോട് ഗവ. ഐ ടി ഐയിൽ എംപ്ലോയബിലിറ്റി സ്‌കിൽ വിഷയത്തിൽ ഗസ്റ്റ് ഇൻസ്ട്രക്ടറെ നിയമിക്കുന്നു. എം ബി എ /ബി ബി എ ബിരുദത്തോടൊപ്പം രണ്ടു വർഷത്തെ പ്രവർത്തി പരിചയം അല്ലെങ്കിൽ എക്കണോമിക്‌സ്, സോഷ്യോളജി, സോഷ്യൽ വെൽഫയർ എന്നീ വിഷയങ്ങളിൽ
ബിരുദത്തോടൊപ്പം രണ്ടു വർഷത്തെ പ്രവർത്തി പരിചയമുള്ള ജനറൽ വിഭാഗത്തിൽപ്പെട്ട
ഉദ്യോഗാർഥികൾക്ക് അപേക്ഷിക്കാം. ഏപ്രിൽ 17ന് രാവിലെ 11ന് അഭിമുഖം നടക്കും. ഫോൺ: 04933296505, 9747377617.
 

തിരൂർ ബ്ലോക്ക് പഞ്ചായത്ത് ഓഫീസിന്റെ ഔദ്യോഗിക ആവശ്യങ്ങൾക്കായി വാഹനം കരാർ അടിസ്ഥാനത്തിൽ ലഭ്യമാക്കാൻ ക്വട്ടേഷൻ ക്ഷണിച്ചു. സീൽ ചെയ്ത ക്വട്ടേഷനുകൾ ഏപ്രിൽ 17ന് വൈകീട്ട് മൂന്ന് മണിക്കകം സമർപ്പിക്കണം. കൂടുതൽ വിവരങ്ങൾ ഓഫീസ് പ്രവർത്തി സമയത്ത് തിരൂർ ബ്ലോക്ക് പഞ്ചായത്ത് ഓഫീസിൽ നിന്നും ലഭിക്കും.