എന്റെ കേരളം മെഗാ പ്രദർശന വിപണന മേളയിൽ കലാ സന്ധ്യയുമായി ഒരു കൂട്ടം സർക്കാർ ജീവനക്കാർ. കാക്കനാട് സിവിൽ സ്റ്റേഷനിലെ വിവിധ വകുപ്പുകളിലെ ജീവനക്കാരാണ് ഗാനാലാപനവുമായി വേദിയിലെത്തിയത്. 

നാഷണൽ എംപ്ലോയ്മെന്റ് സർവ്വീസ് വകുപ്പ് മുഖേന നടപ്പിലാക്കിവരുന്ന സ്വയം തൊഴിൽ പദ്ധതികളായ ശരണ്യ, കെസ്റു, ജോബ്ക്ലബ്, കൈവല്യ എന്നീ പദ്ധതികളിലൂടെ ഉപജീവനമാർഗ്ഗം കണ്ടെത്തിയ സ്വയം തൊഴിൽ സംരംഭകരുടെ ഉണർവ് 2023 വിഷു വിപണനമേള ഏപ്രിൽ 10 മുതൽ 13 വരെ എറണാകുളം സിവിൽ സ്റ്റേഷനിൽ താഴത്തെ നിലയിൽ സംഘടിപ്പിക്കുമെന്ന് ജില്ലാ എംപ്ലോയെൻറ് ഓഫീസർ അറിയിച്ചു.

വിദ്യാർത്ഥികളുടെ ശാസ്ത്ര സാങ്കേതിക കഴിവുകൾ പ്രദർശിപ്പിക്കാൻ വേദിയൊരുക്കിയിരിക്കുകയാണ്

എന്റെ കേരളം മെഗാ പ്രദർശന വിപണന മേളയിൽ പൊതു വിദ്യാഭ്യാസ വകുപ്പ്. മേളയിൽ വിദ്യാഭ്യാസ വകുപ്പിന്റെ പവിലിയനിൽ പ്രദർശിപ്പിച്ചിരിക്കുന്ന കുട്ടികൾ നിർമ്മിച്ചിരിക്കുന്ന യന്ത്രങ്ങളും ഉപകരണങ്ങളും മാതൃകകളും ഇതിനോടകം ജനശ്രദ്ധ ആകർഷിച്ച് കഴിഞ്ഞു.

പൊക്കാളി പാടവും ഗാക് ഫ്രൂട്ടും നേരിൽകണ്ട് അത്ഭുതത്തോടെ കാഴ്ചക്കാർ

ഗാക് ഫ്രൂട്ട്, ബറാബ തുടങ്ങിയ ഫലങ്ങൾ ആദ്യമായാണ് നേരിൽ കാണുന്നത്. "ദൃശ്യമാധ്യമങ്ങളിൽ ഇത്തരം ഫ്രൂട്സ് കാണുമ്പോൾ പലപ്പോഴും കൊതി തോന്നിയിട്ടുണ്ട്. ഇതൊക്കെ നമ്മുടെ നാട്ടിലും കിട്ടുമോ എന്ന് സംശയവും. എൻ്റെ കേരളം പ്രദർശന മേളയിൽ ഈ ഫലങ്ങളും പൊക്കാളി പാടവും കണ്ടപ്പോൾ അത്ഭുതമാണ് തോന്നി"യതെന്ന് തേവര മെറിറ്റേജ് മെറിലാൻഡിൽ ഷജീന പറയുന്നു. 

കൊച്ചി നഗര സഭയിലെ ആദ്യത്തെ തണ്ണീർ പന്തൽ ജില്ലാ കളക്ടർ എൻ.എസ്.കെ ഉമേഷ് വ്യാഴാഴ്ച ( ഏപ്രിൽ 6) രാവിലെ 11 ന് കടവന്ത്ര യിൽ ഉദ്ഘാടനം ചെയ്യും. ഉഷ്ണകാല പ്രതിരോധത്തിന്റെ ഭാഗമായി മുഖ്യമന്ത്രിയുടെ നിർദേശപ്രകാരം പൊതു ഇടങ്ങളിൽ ദാഹ ജലം ലഭ്യമാക്കുന്ന പദ്ധതിയാണ് തണ്ണീർ പന്തൽ.

മന്ത്രിമാരുടെ നേതൃത്വത്തില്‍ ഉന്നതതല യോഗം ചേര്‍ന്നു

എറണാകുളം കളമശേരി മെഡിക്കല്‍ കോളേജിന്റേയും കൊച്ചിന്‍ കാന്‍സര്‍ സെന്ററിന്റേയും വികസന പ്രവര്‍ത്തനങ്ങള്‍ ആരോഗ്യ വകുപ്പ് മന്ത്രി വീണാ ജോര്‍ജ്, വ്യവസായ വകുപ്പ് മന്ത്രി പി. രാജീവ് എന്നിവരുടെ നേതൃത്വത്തില്‍ ചര്‍ച്ച ചെയ്തു. കളമശേരി മെഡിക്കല്‍ കോളേജ് മാതൃശിശു സൂപ്പര്‍ സ്‌പെഷ്യാലിറ്റി ബ്ലോക്ക് സമയബന്ധിതമായി പൂര്‍ത്തിയാക്കാന്‍ മന്ത്രിമാര്‍ നിര്‍ദേശം നല്‍കി. കൊച്ചിന്‍ കാന്‍സര്‍ സെന്ററില്‍ കിടത്തി ചികിത്സ ആരംഭിക്കാനുള്ള നടപടി സ്വീകരിക്കും. രണ്ടിടങ്ങളിലും ആവശ്യമായ തസ്തികകള്‍ സൃഷ്ടിക്കാനുള്ള നടപടി ത്വരിതപ്പെടുത്തും.

അന്താരാഷ്ട്ര നിലവാരത്തിലുള്ള റോഡുകളും നഗര വികസനങ്ങളുമായി മൂവാറ്റുപുഴ വികസന കുതിപ്പിലേക്ക്. കിഫ്ബി പദ്ധതിയിൽ ഉൾപ്പെടുത്തി മൂവാറ്റുപുഴ നഗരം നാലുവരി പാതയാക്കി വികസിപ്പിക്കുന്നതിന്റെ നിർമ്മാണോദ്ഘാടനം ഏപ്രിൽ 10 ന് ഉച്ചക്ക് 2.30 ന് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് നിർവ്വഹിക്കും. 

32.14 കോടി രൂപ ചിലവിൽ മൂവാറ്റുപുഴ മണ്ഡലത്തിലെ പി ഓ ജംഗ്ഷൻ മുതൽ വെള്ളൂർകുന്നം ജംഗ്ഷൻ വരെയാണ് നാലുവരി പാതയാക്കി വികസിപ്പിക്കുന്നത്.

വിവിധ തരം കട്ടിംഗ് മെഷീനുകൾ മുതൽ ആഴത്തിൽ മുങ്ങിത്തപ്പാനുള്ള ഡൈവിങ്ങ് സ്യൂട്ട് വരെ അണി നിരത്തി അഗ്നി രക്ഷാ വിഭാഗം. കൊച്ചി മറൈൻ ഡ്രൈവിൽ നടക്കുന്ന എന്റെ കേരളം മെഗാ എക്സിബിഷൻ വേദിയിലെ സ്റ്റാളിലാണ് രക്ഷാപ്രവർത്തനങ്ങൾക്ക് ഉപയോഗിക്കുന്ന വിവിധയിനം ഉപകരണങ്ങളുടെ പ്രദർശനം ഒരുക്കിയിട്ടുള്ളത്. 

പാതിവഴിയിൽ പഠനം നിലച്ചവർക്ക് സുവർണാവസരം ഒരുക്കി എന്റെ കേരളം മെഗാ പ്രദർശന വിപണന മേള. സാക്ഷരതാ മിഷന്റെ സ്റ്റാളിലാണ് പാതി വഴിയിൽ പഠനം മുടങ്ങിയവർക്ക് തുടർ പഠനത്തിനുള്ള അവസരം നൽകുന്നത്. സ്റ്റാളിൽ നിന്ന് നേരിട്ട് രജിസ്റ്റർ ചെയ്യാനുള്ള അവസരം ഒരുക്കിയിട്ടുണ്ടെന്ന് അധികൃതർ വ്യക്തമാക്കി.