ജില്ലയിൽ ആരോഗ്യവകുപ്പിന്റെ നേതൃത്വത്തിൽ ലോകാരോഗ്യ ദിനം ആചരിച്ചു. ലോകാരോഗ്യ സംഘടന രൂപീകൃതഏായ ഏപ്രിൽ ഏഴാണ് എല്ലാവർഷവും ലോകാരോഗ്യ ദിനമായി ആചരിച്ചു പോരുന്നത്. ഈ വർഷം ഇതിന്റെ 75ാം വാർഷികം കൂടിയാണ്. 'എല്ലാവർക്കും ആരോഗ്യം' എന്നതാണ് ഈ വർഷത്തെ ലോകാരോഗ്യ ദിന സന്ദേശം.
കണ്ണൂർ ജില്ലാശുപത്രിയിൽ നടന്ന ചടങ്ങിൽ ഡെപ്യൂട്ടി ഡി എം ഒ ഡോ. ഗ്രിഫിൻ സുരേന്ദ്രൻ ഉദ്ഘാടനം ചെയ്തു. ആശുപത്രി ഡെപ്യൂട്ടി സൂപ്രണ്ട് ഡോ ലേഖ വി അധ്യക്ഷത വഹിച്ചു. ജില്ല ആർദ്രം നോഡൽ ഓഫീസർ ഡോ. സച്ചിൻ കെ സി വിഷയാവതരണം നടത്തി. ജില്ല ആശുപത്രി ആർ എം ഒ ഡോ ഇസ്മയിൽ സി വി ടി പ്രതിജ്ഞാ വാചകം ചൊല്ലി കൊടുത്തു.

സംസ്ഥാന മന്ത്രിസഭ രണ്ടാം വാർഷികാഘോഷത്തിന്റെ ഭാഗമായുള്ള 'എന്റെ കേരളം' മെഗാ എക്‌സിബിഷന്റെ ഭാഗമായി എസ്എസ്എൽസി, പ്ലസ്ടു കഴിഞ്ഞ വിദ്യാർഥികൾക്കും രക്ഷിതാക്കൾക്കുമായി ജില്ലാ ഇൻഫർമേഷൻ ഓഫീസിന്റെയും അസാപിന്റെയും ആഭിമുഖ്യത്തിൽ കരിയർ ഗൈഡൻസ് ക്ലാസ് സംഘടിപ്പിക്കുന്നു. കണ്ണൂർ പൊലീസ് മൈതാനിയിലെ പ്രധാന വേദിയിൽ ഏപ്രിൽ 13 ഉച്ചക്ക് രണ്ട് മണിക്കാണ് ക്ലാസ് നടക്കുക. മെന്ററും ട്രെയ്‌നറും ഇന്റർവ്യൂ എക്‌സ്‌പെർട്ടുമായ നിതിൻ നങ്ങോത്താണ് ക്ലാസെടുക്കുന്നത്.

ട്രെയിൻ തീവെപ്പ്: മരിച്ചവരുടെ വീടുകൾ മുഖ്യമന്ത്രി സന്ദർശിച്ചു

2023ലെ ദേശീയ പഞ്ചായത്ത് അവാർഡിൽ തിളക്കമാർന്ന നേട്ടവുമായി കേരളം. നാല് പ്രധാനപ്പെട്ട പുരസ്‌കാരങ്ങളാണ് സംസ്ഥാനത്തെ തദ്ദേശ സ്വയം ഭരണ സ്ഥാപനങ്ങൾ സ്വന്തമാക്കിയത്. കേന്ദ്രസർക്കാർ സുസ്ഥിര വികസന ലക്ഷ്യങ്ങൾ (എസ് ഡി ജി) പ്രകാരം ഒൻപത് സൂചികകളുടെ അടിസ്ഥാനത്തിലാണ് പുരസ്‌കാരത്തിനായി വിലയിരുത്തൽ നടത്തിയത്.

* വീടും ഭൂമിയുമില്ലാത്ത 174 കുടുംബങ്ങൾക്ക് ഫ്‌ളാറ്റുകൾ കൈമാറും

ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് വിവിധ വകുപ്പുകളുടെ സഹകരണത്തോടെ ഏപ്രില്‍ ഒന്‍പത് മുതല്‍ 15 വരെ ഇന്ദിരാഗാന്ധി മുന്‍സിപ്പല്‍ സ്റ്റേഡിയത്ത് നടത്തുന്ന എന്റെ കേരളം പ്രദര്‍ശന വിപണന മേളയില്‍ പറമ്പിക്കുളം ആളിയാര്‍ പ്രോജക്ട് മോഡല്‍, ചെറുകിട ജലസേചന വിഭാഗത്തിന്റെ മാതൃകകള്‍, തോടിന് കുറകെയുള്ള നിര്‍മ്മിതി മാതൃകയായ വി.സി.ബി (വെന്റഡ് ക്രോസ് ബാര്‍) മോഡല്‍, ചെങ്ങണാംകുന്ന് റെഗുലേറ്റര്‍ തുടങ്ങിയ നിര്‍മ്മിതികളുടെ മാതൃകകള്‍ ജലസേചന വകുപ്പിന്റെ സ്റ്റാളില്‍ ഉണ്ടാകും. വിവിധ ജലസംരക്ഷണ പ്രവൃത്തികളുടെ ഫോട്ടോ പ്രദര്‍ശനവും, നിര്‍മ്മിതികളുടെ വീഡിയോ പ്രദര്‍ശനവും ജലസേചന വകുപ്പിന്റെ സ്റ്റാളില്‍ ഉണ്ടാകും.

എന്റെ കേരളം പ്രദര്‍ശന വിപണന മേളയില്‍ പുനരുപയോഗ ഊര്‍ജ്ജ രംഗത്ത് കൈവരിച്ചിട്ടുള്ള നേട്ടങ്ങള്‍ ഉള്‍ക്കൊള്ളിച്ച് അനര്‍ട്ട് സ്റ്റാള്‍ ഒരുക്കും. കാര്‍ഷിക പമ്പുകളെ പൂര്‍ണമായും സൗജന്യമായി സൗരോര്‍ജവത്ക്കരിക്കുന്നതിനുള്ള ഓണ്‍-ഗ്രിഡ് സോളാര്‍ പ്ലാന്റുകള്‍ സ്ഥാപിക്കുന്ന പി.എം. കുസും പദ്ധതി, ആദിവാസി കോളനിയില്‍ സ്ഥാപിച്ച മൈക്രോഗ്രിഡ് സോളാര്‍- വിന്‍ഡ് ഹൈബ്രിഡ് പവര്‍ പ്ലാന്റ്, സോളാര്‍ പവേര്‍ഡ് ഇലക്ട്രിക് വെഹിക്കിള്‍ ചാര്‍ജിങ് സ്റ്റേഷന്‍ എന്നിവയുടെ ത്രീഡി ഡെമോണ്‍സ്‌ടേഷന്‍ മോഡലുകളാണ് അനര്‍ട്ട് സ്റ്റാളില്‍ ഒരുക്കുന്നത്.

ഏപ്രില്‍ ഒന്‍പത് മുതല്‍ 15 വരെ ഇന്ദിരാഗാന്ധി മുന്‍സിപ്പല്‍ സ്റ്റേഡിയത്തില്‍ നടക്കുന്ന എന്റെ കേരളം-2023 പ്രദര്‍ശന വിപണന മേളയില്‍ തൊഴില്‍ അന്വേഷകര്‍ക്ക് അവസരമൊരുക്കി എംപ്ലോയ്‌മെന്റ് എക്‌സ്‌ചേഞ്ചിന്റെ ജോബ് െൈഡ്രവ് സജ്ജമാക്കും. ഏപ്രില്‍ 10, 11, 12 തീയതികളില്‍ സ്‌പോട്ട് രജിസ്‌ട്രേഷനും 13 ന് കൂടിക്കാഴ്ചയും നടക്കും. പ്ലസ് ടു, ബിരുദക്കാര്‍ക്കാണ് അവസരം. രജിസ്‌ട്രേഷന് എത്തുന്നവര്‍ ഏതെങ്കിലും ഒരു തിരിച്ചറിയല്‍ രേഖ കൈയ്യില്‍ കരുതണം. മുമ്പ് രജിസ്റ്റര്‍ ചെയ്തവര്‍ക്കും തൊഴില്‍മേളയില്‍ പങ്കെടുക്കാം. രാവിലെ ഒന്‍പത് മുതല്‍ വൈകിട്ട് അഞ്ച് വരെ രജിസ്‌ട്രേഷന്‍ ഉണ്ടായിരിക്കും.