കേരള അഡ്മിനിസ്ട്രേറ്റീവ് ട്രിബ്യൂണൽ (KAT) അഡ്മിനിസ്ട്രേറ്റീവ് അംഗം രാജേഷ് ദിവാന് യാത്രയയപ്പ് നൽകി.

തൊടുപുഴ ബ്ലോക്ക് പഞ്ചായത്തില്‍ വജ്രജൂബിലി ഫെല്ലോഷിപ്പ് പദ്ധതിക്ക് തുടക്കമായി .സംസ്ഥാനസാംസ്‌കാരിക വകുപ്പ് യുവകലാകാരന്‍മാരെ തെരഞ്ഞെടുത്ത് രണ്ട് വര്‍ഷത്തേക്ക് ഫെലോഷിപ്പ് നല്‍കി ത്രിതല പഞ്ചായത്തുകളില്‍ കലാപരിശീലനം ലഭ്യമാക്കുന്ന പദ്ധതിയാണിത്. തൊടുപുഴ ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍ ബ്ലോക്ക് പ്രസിഡന്റ് ട്രീസ ജോസ് കാവാലത്ത് പദ്ധതി ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് എന്‍.കെ ബിജു അധ്യക്ഷത വഹിച്ചു. തൊടുപുഴ ബ്ലോക്ക് പഞ്ചായത്തിന് കീഴില്‍ ചെണ്ട, മുടിയേറ്റ്, ചിത്രരചന എന്നിവയാണ് അഭ്യസിപ്പിക്കുന്നത്. പ്രായഭേദമന്യേ ആര്‍ക്കും സൗജന്യ കലാ പരിശീലനത്തില്‍ പങ്കെടുക്കാം.

തൊടുപുഴ ജില്ലാ ആശുപത്രിയിലെ ജില്ലാ മാനസികാരോഗ്യ പരിപാടിയുടെ ഭാഗമായി 11 മാസത്തേക്ക് വാഹനം ലഭ്യമാക്കുന്നതിന് മത്സരസ്വഭാവമുള്ള മുദ്രവെച്ച ദര്‍ഘാസ് ക്ഷണിച്ചു. ടാക്‌സി പെര്‍മിറ്റുള്ള 7 പേര്‍ക്ക് യാത്ര ചെയ്യാന്‍ സൗകര്യമുളള വാഹനമുള്ള ഉടമകള്‍ക്ക് ദര്‍ഘാസ് സമര്‍പ്പിക്കാം. ടെന്‍ഡര്‍ ഫോമുകള്‍ ഏപ്രില്‍ 10 മുതല്‍ ജില്ലാ മാനസികാരോഗ്യ പരിപാടി ഓഫീസില്‍ നിന്ന് വിതരണം ചെയ്യും. ഏപ്രില്‍ 20 രാവിലെ 10.30 വരെ അപേക്ഷകള്‍ സ്വീകരിക്കും. അന്നേ ദിവസം 11 ന് ടെന്‍ഡര്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04862 222630.

*364 വ്യാപാര സ്ഥാപനങ്ങള്‍ക്കെതിരെ നടപടി

സംസ്ഥാന സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് നടത്തുന്ന നൂറുദിന പരിപാടിയുടെ ഭാഗമായി ലീഗല്‍ മെട്രോളജി വകുപ്പ് ഇടുക്കി ജില്ലയില്‍ 390 വ്യാപാര സ്ഥാപനങ്ങളിലും 18 പെട്രോള്‍ പമ്പുകളിലും പരിശോധന നടത്തി. ക്രമക്കേടുകള്‍ കണ്ടെത്തിയതിന്റെ അടിസ്ഥാനത്തില്‍ 364 വ്യാപാര സ്ഥാപനങ്ങള്‍ക്കെതിരെ നടപടി സ്വീകരിച്ചു. ഇവരില്‍ നിന്നും 325500 രൂപ പിഴ ഈടാക്കി.

സര്‍ക്കാര്‍ ഓഫീസുകൾ തുടര്‍ച്ചയായി അവധിയായതിനാല്‍ അനധികൃത കയ്യേറ്റം, മണല്‍, മണ്ണ്, കല്ല് എന്നിവയുടെ ഖനനം,കടത്തല്‍ എന്നിവ വർധിക്കാനുള്ള സാഹചര്യമുണ്ട്.ഇത് തടയുന്നതിനായി ജില്ലാ തലത്തിലും താലൂക്ക് തലത്തിലും സ്‌ക്വാഡുകള്‍ രൂപീകരിച്ചതായി ജില്ലാ കളക്ടര്‍ ഷീബ ജോര്‍ജ്ജ് അറിയിച്ചു.
അനധികൃത കയ്യേറ്റം,ഖനനം/കടത്തല്‍ എന്നിവ ശ്രദ്ധയില്‍പ്പെട്ടാല്‍ ജില്ലാ താലൂക്ക് തല സ്‌ക്വാഡുകളെയോ അതാത് തഹസില്‍ദാര്‍മാരെയോ പൊതുജനങ്ങൾക്ക് വിവരം അറിയിക്കാം .

ഷോളയാർ ഡാമിൽ നിന്നും ജലം ബുധനാഴ്ച മുതൽ (05.04.2023)  തുടർച്ചയായി 10 ദിവസം പൊരിങ്ങൽക്കുത്ത് ഡാമിലൂടെ ചാലക്കുടിപ്പുഴയിലേക്ക് ഒഴുക്കി വിടുന്നതിന് ജില്ലാ കലക്ടർ വി ആർ കൃഷ്ണ തേജ അനുമതി നൽകി.

ചാലക്കുടി പുഴയിലെ ജലനിരപ്പ് ക്രമീകരിച്ച് ചാലക്കുടിയിലേയും   പരിസരപ്രദേശങ്ങളിലേയും ജലക്ഷാമം പരിഹരിക്കുന്നതിനായാണ് ഷോളയാർ ഡാമിൽ നിന്നും പൊരിങ്ങൽക്കുത്ത് ഡാമിലേക്ക് 0.6 എംസിഎം വെള്ളം തുറന്ന് വിടുന്നത്. ആവശ്യമായ മുന്നറിയിപ്പ് നൽകി പത്ത് ദിവസം വൈകീട്ട് 3 മണിമുതൽ 4 മണിവരെയുള്ള സമയത്തിനിടയിൽ കേരള ഷോളയാർ ഡാമിന്റെ ഒരു റേഡിയൽ ഗേറ്റ് 0.5 അടി മുതൽ ഒരടിവരെ തുറന്ന് ജലം ഒഴുക്കി വിടുന്നതിനാണ് അനുമതി.

തൃശൂർ മായന്നൂർ ജവഹർ നവോദയ വിദ്യാലയ 2023-24  അധ്യായന വർഷത്തേക്കുള്ള ആറാം ക്ലാസ്സ് പ്രവേശന പരീക്ഷയ്ക്ക് അപേക്ഷിച്ചവർക്ക് അഡ്മിറ്റ് കാർഡ് www.navodaya.gov.in എന്ന വെബ്സൈറ്റിൽ നിന്നും ഡൗൺലോഡ് ചെയ്യാം. പരീക്ഷ തിയതി ഏപ്രിൽ 29. ഫോൺ: 04884 286260.

ഒളരിക്കര ഇ.എസ്.ഐ ആശുപത്രിയിലെ പരാതി പരിഹാര സെൽ ഏപ്രിൽ 20 ന് വ്യാഴം 11 മണിക്ക് സൂപ്രണ്ടിന്റെ ഓഫീസിൽ നടക്കും. സ്ഥാപനത്തിന്റെ പ്രവർത്തനത്തെ സംബന്ധിച്ച പരാതികൾ ഓഫീസിൽ സമർപ്പിക്കാം.

ചൊവ്വന്നൂർ ഐസിഡിഎസ് പ്രോജക്റ്റ് പരിധിയിൽ വരുന്ന ചൊവ്വന്നൂർ പഞ്ചായത്തിലെ അങ്കണവാടികളിൽ  വർക്കർ /ഹെൽപ്പർ തസ്തികയിൽ ഉണ്ടായേക്കാവുന്ന ഒഴിവുകളിലേക്ക് നിയമനത്തിന് അപേക്ഷ  ക്ഷണിച്ചു.

അപേക്ഷകർ പഞ്ചായത്തിലെ സ്ഥിരതാമസക്കാരും 18 നും 46 നും ഇടക്ക് പ്രായമുള്ളവരും ആയിരിക്കണം. വർക്കർ തസ്തികയിലേക്ക് അപേക്ഷ സമർപ്പിക്കുന്നവർ പത്താംതരം പാസായവരും ഹെൽപ്പർ തസ്തികയിലേക്ക് അപേക്ഷ സമർപ്പിക്കുന്നവർ പത്താതരം പാസ്സാകാൻ പാടിലാത്തതുമാണ്. പട്ടികജാതി / പട്ടികവർഗ്ഗ വിഭാഗക്കാർക്ക് നിയമാനുസൃതമായ ഇളവ് അനുവദിക്കും. അപേക്ഷ സ്വീകരിക്കുന്ന അവസാന തീയതി മെയ് 12ന് പകൽ മൂന്നുമണിവരെ.

എസ് എസ് എൽ സി, പ്ലസ് ടു കഴിഞ്ഞ വിദ്യാർത്ഥികൾക്കായി വടക്കഞ്ചേരി കോളേജ് ഓഫ് അപ്ലൈഡ് സയൻസിൽ (ഐ എച്ച് ആർ ഡി) അവധിക്കാല കമ്പ്യൂട്ടർ കോഴ്സിലേക്ക് അപേക്ഷിക്കാം. അവസാന തിയ്യതി: ഏപ്രിൽ 13. വിശദവിവരങ്ങൾക്ക് www.casvdy.org സന്ദർശിക്കുക. ഫോൺ: 04922 255061.