കൊല്ലം കോര്‍പ്പറേഷനിലെ ഹരിതകര്‍മസേനയ്ക്ക് നല്‍കിയ ഇലക്ട്രിക് ഓട്ടോകളുടെ ഫ്‌ളാഗ് ഓഫ് മേയര്‍ പ്രസന്നാ ഏണസ്റ്റ് നിര്‍വഹിച്ചു. ഐ സി ഐ സി ഐ ബാങ്ക് സി എസ് ആര്‍ ഫണ്ട് വിനിയോഗിച്ച് ആറ് ഇലക്ട്രിക് ഓട്ടോകളാണ് നല്‍കിയത്. കോര്‍പ്പറേഷനിലെ ഹരിതകര്‍മ സേനയുടെ പ്രവര്‍ത്തനങ്ങളിലൂടെ ശുചിത്വ മേഖലയില്‍ മാതൃകാപരമായ പ്രവര്‍ത്തനങ്ങളാണ് കാഴ്ചവെക്കുന്നതെന്നും വരും വര്‍ഷങ്ങളിലും മാലിന്യ സംസ്‌കരണത്തിനായി നൂതന പദ്ധതികള്‍ ആവിഷ്‌കരിക്കുമെന്നും മേയര്‍ പറഞ്ഞു.

സംസ്ഥാന സര്‍ക്കാറിന്റെ രണ്ടാം വാര്‍ഷികാഘോഷപരിപാടികളുടെ എന്റെ കേരളം പ്രദര്‍ശന വിപണനമേളയുടെ പ്രചാരണാര്‍ഥം ജില്ലയുടെ വിവിധ പ്രദേശങ്ങളില്‍ എല്‍ഇഡി വീഡിയോവാള്‍ പ്രദര്‍ശിപ്പിക്കുന്നതിന് കുറഞ്ഞ നിരക്കില്‍ (പ്രതിദിന നിരക്കില്‍) യോഗ്യരായ വ്യക്തികള്‍/സ്ഥാപനങ്ങളില്‍ നിന്ന് ക്വട്ടേഷന്‍ ക്ഷണിച്ചു. 

പുത്തൂർ ഗവ. വൊക്കേഷണൽ ഹയർ സെക്കൻഡറി സ്കൂളിലെ അപകടഭീഷണിയുള്ള പാലമരം, മുള്ളൻ കൈനി, മഴമരം, മാവ് എന്നീ മരങ്ങൾ മുറിച്ചിട്ടത് ഏപ്രിൽ 13ന് രാവിലെ 11 മണിക്ക് സ്കൂൾ കോമ്പൗണ്ടിൽ പരസ്യമായി ലേലം ചെയ്യും. ഫോൺ : 0487 2352436

ആറ്റിങ്ങൽ നെടുങ്ങണ്ട സ്വദേശിയായ റഹീമിന് ഭിന്നശേഷി സൗഹൃദ വാഹനം മുഖ്യമന്ത്രി പിണറായി വിജയൻ കൈമാറി. ബുധനാഴ്ച രാവിലെ സെക്രട്ടേറിയറ്റ് നോർത്ത് ബ്ളോക്കിന് മുന്നിൽ വച്ചാണ് വാഹനം മുഖ്യമന്ത്രി നൽകിയത്.

നിക്ഷേപ സൗഹൃദമായി മുന്നോട്ടുകുതിക്കുന്ന കേരളത്തെ വാണിജ്യബാങ്കുകൾ പിന്തുണക്കണമെന്ന് മുഖ്യമന്ത്രി പിണറായി വിജയൻ. സംസ്ഥാനത്ത് നിലവിൽ മികച്ച നിക്ഷേപസൗഹൃദ അന്തരീക്ഷമാണുള്ളത്. അനാവശ്യ ചുവപ്പുനാടയിൽ കുരുങ്ങി ഒരു സംരംഭകത്വവും പരാജയപ്പെടുന്നത് സർക്കാർ അനുവദിക്കില്ലെന്ന് മുഖ്യമന്ത്രി പറഞ്ഞു.

* എല്ലാ മാസവും വനിത ശിശുവികസന വകുപ്പിന്റെ സമ്പൂർണ യോഗം

സംസ്ഥാന സർക്കാർ ജീവനക്കാരുടെ സർവീസ് പ്രശ്‌നങ്ങൾ സംബന്ധിച്ച കേസുകൾ കൈകാര്യം ചെയ്യുന്ന കേരള അഡ്മിനിസ്‌ട്രേറ്റീവ് ട്രിബ്യൂണലിൽ അഡ്മിനിസ്‌ട്രേറ്റീവ് അംഗത്തിന്റെ ഒഴിവിലേക്ക് അപേക്ഷ ക്ഷണിച്ചു.

    കേരള അഡ്മിനിസ്ട്രേറ്റീവ് ട്രിബ്യൂണൽ (KAT) അഡ്മിനിസ്ട്രേറ്റീവ് അംഗം രാജേഷ് ദിവാന് യാത്രയയപ്പ് നൽകി.

തൊടുപുഴ ബ്ലോക്ക് പഞ്ചായത്തില്‍ വജ്രജൂബിലി ഫെല്ലോഷിപ്പ് പദ്ധതിക്ക് തുടക്കമായി .സംസ്ഥാനസാംസ്‌കാരിക വകുപ്പ് യുവകലാകാരന്‍മാരെ തെരഞ്ഞെടുത്ത് രണ്ട് വര്‍ഷത്തേക്ക് ഫെലോഷിപ്പ് നല്‍കി ത്രിതല പഞ്ചായത്തുകളില്‍ കലാപരിശീലനം ലഭ്യമാക്കുന്ന പദ്ധതിയാണിത്. തൊടുപുഴ ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍ ബ്ലോക്ക് പ്രസിഡന്റ് ട്രീസ ജോസ് കാവാലത്ത് പദ്ധതി ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് എന്‍.കെ ബിജു അധ്യക്ഷത വഹിച്ചു. തൊടുപുഴ ബ്ലോക്ക് പഞ്ചായത്തിന് കീഴില്‍ ചെണ്ട, മുടിയേറ്റ്, ചിത്രരചന എന്നിവയാണ് അഭ്യസിപ്പിക്കുന്നത്. പ്രായഭേദമന്യേ ആര്‍ക്കും സൗജന്യ കലാ പരിശീലനത്തില്‍ പങ്കെടുക്കാം.

തൊടുപുഴ ജില്ലാ ആശുപത്രിയിലെ ജില്ലാ മാനസികാരോഗ്യ പരിപാടിയുടെ ഭാഗമായി 11 മാസത്തേക്ക് വാഹനം ലഭ്യമാക്കുന്നതിന് മത്സരസ്വഭാവമുള്ള മുദ്രവെച്ച ദര്‍ഘാസ് ക്ഷണിച്ചു. ടാക്‌സി പെര്‍മിറ്റുള്ള 7 പേര്‍ക്ക് യാത്ര ചെയ്യാന്‍ സൗകര്യമുളള വാഹനമുള്ള ഉടമകള്‍ക്ക് ദര്‍ഘാസ് സമര്‍പ്പിക്കാം. ടെന്‍ഡര്‍ ഫോമുകള്‍ ഏപ്രില്‍ 10 മുതല്‍ ജില്ലാ മാനസികാരോഗ്യ പരിപാടി ഓഫീസില്‍ നിന്ന് വിതരണം ചെയ്യും. ഏപ്രില്‍ 20 രാവിലെ 10.30 വരെ അപേക്ഷകള്‍ സ്വീകരിക്കും. അന്നേ ദിവസം 11 ന് ടെന്‍ഡര്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04862 222630.