ഏപ്രില്‍ ഒന്‍പത് മുതല്‍ 15 വരെ ഇന്ദിരാഗാന്ധി മുന്‍സിപ്പല്‍ സ്റ്റേഡിയത്തില്‍ നടക്കുന്ന എന്റെ കേരളം-2023 പ്രദര്‍ശന വിപണന മേളയില്‍ തൊഴില്‍ അന്വേഷകര്‍ക്ക് അവസരമൊരുക്കി എംപ്ലോയ്‌മെന്റ് എക്‌സ്‌ചേഞ്ചിന്റെ ജോബ് െൈഡ്രവ് സജ്ജമാക്കും. ഏപ്രില്‍ 10, 11, 12 തീയതികളില്‍ സ്‌പോട്ട് രജിസ്‌ട്രേഷനും 13 ന് കൂടിക്കാഴ്ചയും നടക്കും. പ്ലസ് ടു, ബിരുദക്കാര്‍ക്കാണ് അവസരം. രജിസ്‌ട്രേഷന് എത്തുന്നവര്‍ ഏതെങ്കിലും ഒരു തിരിച്ചറിയല്‍ രേഖ കൈയ്യില്‍ കരുതണം. മുമ്പ് രജിസ്റ്റര്‍ ചെയ്തവര്‍ക്കും തൊഴില്‍മേളയില്‍ പങ്കെടുക്കാം. രാവിലെ ഒന്‍പത് മുതല്‍ വൈകിട്ട് അഞ്ച് വരെ രജിസ്‌ട്രേഷന്‍ ഉണ്ടായിരിക്കും.

കേരള സ്റ്റേറ്റ് സിവില്‍ സര്‍വീസ് അക്കാദമി പാലക്കാട് സെന്ററില്‍ 2024 ലെ സിവില്‍ സര്‍വീസ് പരീക്ഷ പരിശീലനത്തിന് ബിരുദധാരികളില്‍ നിന്നും അപേക്ഷ ക്ഷണിച്ചു. ഏപ്രില്‍ 28 ന് വൈകിട്ട് അഞ്ചിനകം www.kscsa.org മുഖേന അപേക്ഷിക്കണമെന്ന് കോ-ര്‍ഡിനേറ്റര്‍ അറിയിച്ചു. 200 രൂപയാണ് രജിസ്‌ട്രേഷന്‍ ഫീസ്. ഫോണ്‍: 0491-2576100, 8281098869.

തേനുര്‍ ശ്രീ അത്താഴംപൊറ്റക്കാവ് ദേശവേല ഉത്സവത്തിനോനാടുബന്ധിച്ച് പത്തിരിപ്പാല-പാലക്കാട് റൂട്ടില്‍ ഏപ്രില്‍ ഏഴിന് ഉച്ചയ്ക്ക് മൂന്ന് മുതല്‍ രാത്രി 11 വരെ ഗതാഗത നിയന്ത്രണം ഏര്‍പ്പെടുത്തിയതായി മങ്കര പോലീസ് അറിയിച്ചു. പത്തിരിപ്പാല ഭാഗത്തുനിന്നും വരുന്ന വാഹനങ്ങള്‍ മങ്കര-കാളികാവ് പാലം -ഓടന്നൂര്‍ വഴി പാലക്കാട്ടേക്ക് പോകണം. പാലക്കാട് ഭാഗത്തുനിന്നും എടത്തറ വഴി വരുന്ന വാഹനങ്ങള്‍ പറളി ചന്തപ്പുര ജങ്ഷനില്‍ നിന്നും പറളി-ഓടന്നൂര്‍ വഴി തിരിഞ്ഞു പോകണമെന്നും പോലീസ് അറിയിച്ചു. ഫോണ്‍: 0491 2872222.

ക്ഷീര വികസന വകുപ്പ് ശ്രീകൃഷ്ണപുരം ക്ഷീര വികസന യൂണിറ്റിന്റെ കീഴില്‍ പുതുതായി രജിസ്റ്റര്‍ ചെയ്ത പള്ളിക്കുറുപ്പ് ക്ഷീര സഹകരണ സംഘത്തിന്റെയും എരുത്തേമ്പതി പാല്‍ സംഭരണ മുറിയുടെയും ഉദ്ഘാടനം ഏപ്രില്‍ എട്ടിന് മൃഗസംരക്ഷണ-ക്ഷീര വികസന വകുപ്പ് മന്ത്രി ജെ. ചിഞ്ചുറാണി നിര്‍വഹിക്കും. പള്ളിക്കുറുപ്പ് ക്ഷീരോത്പാദക സഹകരണ സംഘത്തിന്റെ ഉദ്ഘാടനം എട്ടിന് രാവിലെ രാവിലെ 10 ന് നടക്കും. സുകുപ്പടിയിലുള്ള സംഘം പരിസരത്ത് നടക്കുന്ന പരിപാടിയില്‍ അഡ്വ. കെ. ശാന്തകുമാരി എം.എല്‍.എ. അധ്യക്ഷയാകും. മില്‍മ ചെയര്‍മാന്‍ കെ.എസ് മണി മുഖ്യാതിഥിയാകും.

റീബില്‍ഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി ജില്ലയില്‍ നിര്‍മാണം പൂര്‍ത്തിയാക്കിയ പയ്യനടം, മംഗലംഡാം, നെന്മാറ-വല്ലങ്ങി, അയിലൂര്‍, അലനല്ലൂര്‍ 1, അലനല്ലൂര്‍ 2, അലനല്ലൂര്‍ 3 സ്മാര്‍ട്ട് വില്ലേജ് ഓഫീസുകളുടെ ഉദ്ഘാടനം റവന്യൂ വകുപ്പ് മന്ത്രി കെ. രാജന്‍ ഏപ്രില്‍ 10 ന് നിര്‍വഹിക്കും. 44 ലക്ഷം രൂപ ചെലവിട്ട് നിര്‍മ്മിച്ച അലനല്ലൂര്‍ 1 വില്ലേജ് ഓഫീസിന്റെ പുതിയ കെട്ടിടത്തിന്റെ ഉദ്ഘാടനം രാവിലെ 10 ന് നടക്കും. അഡ്വ. എന്‍. ഷംസുദ്ദീന്‍ എം.എല്‍.എ അധ്യക്ഷനാകും. വി.കെ. ശ്രീകണ്ഠന്‍ എം.പി വിശിഷ്ടാതിഥിയാകും. ജില്ലാ പഞ്ചായത്ത് പ്രസിഡന്റ് കെ.