വനാതിർത്തി പ്രദേശങ്ങളിൽ താമസിക്കുന്ന ജനങ്ങൾ നേരിടുന്ന പ്രശ്നങ്ങൾ പരിഹരിക്കുന്നതിന് വനസൗഹൃദ സദസ്സുകൾ പീച്ചിയിലും, ചാലക്കുടയിലും ഒരുങ്ങുന്നു. വനം വകുപ്പിന്റെ കീഴിൽ ഒരുക്കുന്ന വന സൗഹൃദ സദസ്സുകൾ ഏപ്രിൽ 17 ന് വനം വന്യജീവി വകുപ്പ്  മന്ത്രി എ.കെ ശശീന്ദ്രൻ ഉദ്ഘാടനം ചെയ്യും. പട്ടികജാതി പട്ടികവർഗ്ഗ ദേവസ്വം മന്ത്രി കെ രാധാകൃഷ്ണൻ , റവന്യു മന്ത്രി കെ രാജൻ എന്നിവർ  മുഖ്യാതിഥികളായി സദസ്സുകളിൽ പങ്കെടുക്കും.

2023ലെ ദേശീയ പഞ്ചായത്ത് അവാർഡുകളിൽ സൽഭരണ വിഭാഗത്തിൽ മൂന്നാം സ്ഥാനം അളകപ്പ നഗറിന്. രാജ്യത്തെ പതിനായിര കണക്കിന് വരുന്ന പഞ്ചായത്തുകളുമായി മത്സരിച്ചാണ് അഭിനന്ദാർഹമായ നേട്ടം അളകപ്പനഗർ കാഴ്ചവച്ചത്.

സുസ്ഥിര വികസന ലക്ഷ്യങ്ങൾ പ്രകാരം 9 സൂചികകളുടെ അടിസ്ഥാനത്തിലാണ് പഞ്ചായത്തുകളെ പുരസ്കാരത്തിനായി തിരഞ്ഞെടുത്തത്. പുരസ്കാരങ്ങൾ ഏപ്രിൽ 17ന് ഡൽഹി വിജ്ഞാൻ ഭവൻ ഹാളിൽ വച്ച് നടക്കുന്ന ചടങ്ങിൽ വിതരണം ചെയ്യും.

വടക്കാഞ്ചേരി നഗരസഭ സര്‍വശുദ്ധി പദ്ധതിയില്‍ ഉള്‍പ്പെടുത്തി നിര്‍മ്മാണം പൂര്‍ത്തീകരിച്ച ഖരമാലിന്യ സംസ്‌കരണ പ്ലാന്റിന്റെയും ഡീവാട്ടേര്‍ഡ്  കമ്പോസ്റ്റിംഗ് സിസ്റ്റത്തിന്റെയും ഉദ്ഘാടനം തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് നിര്‍വഹിച്ചു.

അധികാര വികേന്ദ്രീകരണത്തില്‍ തദ്ദേശ സ്വയംഭരണ വകുപ്പ് ഏകോപനം മാത്രമാണ് നടത്തുന്നതെന്നും യഥാര്‍ത്ഥ ഭരണകേന്ദ്രം ത്രിതലഭരണ സംവിധാനമാണെന്നും  തദ്ദേശസ്വയംഭരണ വകുപ്പ് മന്ത്രി എം ബി രാജേഷ്.

കേരള ബ്ലോക്ക് പഞ്ചായത്ത് അസോസിയേഷന്‍ കിലയില്‍ സംഘടിപ്പിച്ച ഏകദിന ശില്പശാലയുടെ സമാപന സമ്മേളനവും വാര്‍ഷിക ജനറൽ ബോഡി യോഗവും ഉദ്ഘാടനം ചെയ്യുകയായിരുന്നു അദ്ദേഹം.

ഉദ്ഘാടനം നാളെ (ഏപ്രിൽ 8)

പുന്നയൂർ പഞ്ചായത്തിലെ നവീകരിച്ച നീലംകടവ് റോഡ് ഏപ്രിൽ 8ന് നാടിന് സമർപ്പിക്കുമെന്ന് പഞ്ചായത്ത് പ്രസിഡന്റ് ടി വി സുരേന്ദ്രൻ വാർത്താസമ്മേളനത്തിൽ അറിയിച്ചു. 2018-ലെ പ്രളയകാലത്ത് വെള്ളത്താൽ ചുറ്റപ്പെട്ട് ഗതാഗതം സാധ്യമാവാതെ ഒറ്റപ്പെട്ട എടക്കര - പുന്നയൂർ ദേശങ്ങളെ തമ്മിൽ ബന്ധിപ്പിക്കുന്ന റോഡാണ് നീലംകടവ് റോഡ്. വർഷകാലത്ത് വെള്ളം കയറുന്നതിനാൽ ഗതാഗതയോഗ്യമല്ലായിരുന്നു. പുന്നയൂർ ഗ്രാമപഞ്ചായത്ത് ഭരണസമിതി ക്രിയാത്മക വികസന കാഴ്ചപ്പാടോടെ ഈ പ്രശ്നം പരിഹരിക്കുന്നതിന് അടിയന്തിര പ്രാധാന്യം നൽകിയതോടെയാണ് പ്രശ്നപരിഹാരമായത്.

കോവിഡ് കാലത്തിനു ശേഷം പീച്ചി ശുദ്ധജല അക്വേറിയം തുറന്നു

കാത്തിരിപ്പിനൊടുവിൽ പീച്ചി ശുദ്ധജല അക്വേറിയം പൊതുജനങ്ങൾക്കായി തുറന്നു നൽകി. അലങ്കാര മത്സ്യങ്ങളുടെ പ്രദർശനത്തിന് പുറമേ നാടൻ മത്സ്യങ്ങളുടെ പ്രദർശനവും അക്വേറിയത്തിൽ ഒരുക്കിയിട്ടുണ്ട്. ജില്ലാ പഞ്ചായത്ത് പ്രസിഡണ്ട് പി കെ ഡേവിസ് മാസ്റ്റർ നവീകരിച്ച അക്വേറിയത്തിന്റെ ഉദ്ഘാടനം നിർവഹിച്ചു.

പഴയന്നൂർ ഗ്രാമപഞ്ചയാത്തിന്റെ  വാർഷിക പദ്ധതിയിൽ ഉൾപ്പെടുത്തി 4.9 ലക്ഷം രൂപ ചെലവഴിച്ച് പഴയന്നൂർ ബസ് സ്റ്റാൻഡിൽ നിർമ്മിച്ച വാട്ടർ എടിഎമ്മിന്റെ ഉദ്ഘാടനം ഗ്രാമ പഞ്ചായത്ത് പ്രസിഡണ്ട് പി കെ മുരളീധരൻ നിർവ്വഹിച്ചു.

ഒരു രൂപ കോയിൻ ഇട്ടാൽ  ഒരു ലിറ്റർ തണുത്ത വെള്ളവും അഞ്ചു രൂപ കൊയിൻ ഇട്ടാൽ അഞ്ചു ലിറ്റർ സാധാരണ വെള്ളവുമാണ് വാട്ടർ എടിഎം വഴി ലഭിക്കുക. പഴയന്നൂർ ടൗണിൽ എത്തുന്ന ഏതൊരാൾക്കും ദാഹം മാറ്റാൻ കഴിയുന്ന നൂതനമായ ആശയമാണ് പഞ്ചായത്ത് ഒരുക്കിയത് എന്ന് പഴയന്നൂർ ഗ്രാമപഞ്ചായത്ത് പ്രസിഡൻറ് പി കെ മുരളീധരൻ അറിയിച്ചു.

സംസ്ഥാനത്തെ നഗരസഭകളിൽ ഏറ്റവും കൂടുതൽ നികുതി പിരിച്ച് കൊടുങ്ങല്ലൂർ നഗരസഭ  സംസ്ഥാനതലത്തിൽ ഒന്നാം സ്ഥാനം നേടി.
 90.94 ശതമാനം നികുതി പിരിച്ചാണ്  സംസ്ഥാനത്തെ 87 നഗരസഭകളിൽ കൊടുങ്ങല്ലൂർ ഒന്നാമതെത്തിയത്.

പട്ടയകേസുകളുടെ വിചാരണ മാറ്റി

ഏപ്രില്‍ 10ന് കലക്ടറേറ്റില്‍ വിചാരണ നടത്താനിരുന്ന ഇരിട്ടി - തലശ്ശേരി  ദേവസ്വം പട്ടയ കേസുകള്‍ ഏപ്രില്‍ 13ലേക്ക് മാറ്റിയതായി ജില്ലാ കലക്ടര്‍ അറിയിച്ചു.

താല്‍ക്കാലിക നിയമനം

സംസ്ഥാന സർക്കാരിന്റെ രണ്ടാം വാർഷികാഘോഷത്തിന്റെ ഭാഗമായുള്ള  'എന്റെ കേരളം' കലാജാഥക്ക് ഏപ്രിൽ ഏഴ് തിങ്കളാഴ്ച പയ്യന്നൂരിൽ തുടക്കമാകും. ജില്ലയിലെ എല്ലാ മണ്ഡലങ്ങളിലൂടെയും ഏപ്രിൽ 10 വരെയാണ് ജാഥ പര്യടനം നടത്തുക. ഏഴിന് ഉച്ചക്ക്  രണ്ട് മണിക്ക് പയ്യന്നൂർ സുബ്രഹ്മണ്യ ഷേണായി സ്‌ക്വയറിൽ നിന്ന് ആരംഭിക്കും. പഴയങ്ങാടി ബസ് സ്റ്റാൻഡ് പരിസരത്തെ അവതരണത്തിന് ശേഷം വൈകിട്ട് ആറ് മണിക്ക് കണ്ണൂർ കെ എസ് ആർ ടി സി ബസ് സ്റ്റാൻഡിൽ ഔപചാരിക ഉദ്ഘാടനം നടക്കും.