ഫോറസ്റ്റ് ട്രൈബ്യുണല്‍ ക്യാമ്പ് സിറ്റിങ് ഏപ്രില്‍ 10, 11(ഫസ്റ്റ് ക്യാമ്പ് സിറ്റിങ്) 28, 29 (സെക്കന്റ് ക്യാമ്പ് സിറ്റിങ്) തീയതികളില്‍ എസ്.ബി.ഐ ജങ്ഷന് സമീപത്തുള്ള ഡി.ടി.പി.സി. കോമ്പൗണ്ടില്‍ നടക്കുമെന്ന് കോഴിക്കോട് ഫോറസ്റ്റ് ട്രൈബ്യുണല്‍ ശുരസ്തദാര്‍ കം സെക്രട്ടറി അറിയിച്ചു. ഫോണ്‍: 0495 2365091.
 

കേരള ഷോപ്‌സ് ആന്‍ഡ് കൊമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി പെന്‍ഷന്‍ 2022 ഡിസംബര്‍ 31 വരെ അനുവദിക്കപ്പെട്ട പെന്‍ഷന്‍ ഗുണഭോക്താക്കള്‍ 2023 ഏപ്രില്‍ ഒന്ന് മുതല്‍ ജൂണ്‍ 30 നുള്ളില്‍ അക്ഷയ കെന്ദ്രങ്ങള്‍ വഴി ബയോമെട്രിക് മസ്റ്ററിങ് നടത്തണം. സമയപരിധിക്കുള്ളില്‍ മാസ്റ്ററിങ് പൂര്‍ത്തിയായവര്‍ക്ക് മാത്രമെ നിശ്ചിത കാലാവധിക്കുശേഷം പെന്‍ഷന്‍ വിതരണം നടത്തുകയുള്ളൂവെന്ന് എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍: 0491 2545121.

വടക്കഞ്ചേരി കോളെജ് ഓഫ് അപ്ലൈഡ് സയന്‍സില്‍(ഐ.എച്ച്.ആര്‍.ഡി) കമ്പ്യൂട്ടര്‍ അധിഷ്ഠിത അവധിക്കാല കോഴ്‌സുകള്‍ നടത്തുന്നു. എസ്.എസ്.എല്‍.സി, പ്ലസ് ടു കഴിഞ്ഞവര്‍ക്ക് പങ്കെടുക്കാം. ഏപ്രില്‍ 13 നകം അപേക്ഷിക്കണം. കൂടുതല്‍ വിവരങ്ങള്‍ക്ക് www.casvdy.org ലോ 04922 255061 ലോ ബന്ധപ്പെടണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04922 255061.

വടക്കഞ്ചേരി കോളെജ് ഓഫ് അപ്ലൈഡ് സയന്‍സില്‍(ഐ.എച്ച്.ആര്‍.ഡി) വിവിധ വിഷയങ്ങളില്‍ ഗസ്റ്റ് അധ്യാപകര്‍ക്കുള്ള ഇന്റര്‍വ്യൂ ഏപ്രില്‍ 11 ന് കോളെജില്‍ നടക്കും. ബന്ധപ്പെട്ട വിഷയത്തില്‍ ബിരുദാനന്തര ബിരുദവും യു.ജി.സി നെറ്റ്/പി.എച്ച്.ഡിയുമാണ് യോഗ്യത. കൂടുതല്‍ വിവരങ്ങള്‍ക്കായി www.casvdy.org ലോ 04922 255061 ലോ ബന്ധപ്പെടണമെന്ന് പ്രിന്‍സിപ്പാള്‍ അറിയിച്ചു.
 

ഏപ്രില്‍ ഒന്‍പത് മുതല്‍ 15 വരെ ഇന്ദിരാഗാന്ധി മുന്‍സിപ്പല്‍ സ്റ്റേഡിയത്ത് നടക്കുന്ന എന്റെ കേരളം പ്രദര്‍ശന വിപണന മേളയില്‍ കേരള സ്റ്റേറ്റ് സിവില്‍ സര്‍വീസ് അക്കാദമി പാലക്കാട് സെന്ററും ജില്ലാ ഇന്‍ഫര്‍മേഷന്‍ ഓഫീസും സംയുക്തമായി ഏപ്രില്‍ 12 ന് വൈകിട്ട് 3.30 മുതല്‍ 4.30 വരെ സൗജന്യ സിവില്‍ സര്‍വീസ് ഓറിയന്റേഷന്‍ സെമിനാര്‍ നടത്തുന്നു. പങ്കെടുക്കാന്‍ താത്പര്യമുള്ളവര്‍ 0491 2576100, 8281098869 ല്‍ രജിസ്റ്റര്‍ ചെയ്യണമെന്ന് കോ-ഓര്‍ഡിനേറ്റര്‍ അറിയിച്ചു.

മണ്ണാര്‍ക്കാട് താലൂക്ക് ആശുപത്രിയില്‍ ഡയാലിസിസ് ടെക്നീഷ്യന്‍ തസ്തികയില്‍ ഏപ്രില്‍ 12 ന് രാവിലെ 11 ന് കൂടിക്കാഴ്ച നടക്കും. ഡി.എം.ഇ, അംഗീകൃത ഡയാലിസിസ് ടെക്നിഷ്യന്‍ കോഴ്‌സ് എന്നിവയാണ് യോഗ്യത. ബന്ധപ്പെട്ട മേഖലയില്‍ ഒരു വര്‍ഷത്തെ പ്രവര്‍ത്തിപരിചയം നിര്‍ബന്ധം. മണ്ണാര്‍ക്കാട് താലൂക്ക് പരിധിയിലുള്ള ഉദ്യോഗാര്‍ത്ഥികള്‍ക്ക് മുന്‍ഗണന. താത്പര്യമുള്ളവര്‍ യോഗ്യതയും പ്രവര്‍ത്തിപരിചയവും തെളിയിക്കുന്ന അസല്‍ സര്‍ട്ടിഫിക്കറ്റുമായി നേരിട്ടെത്തണമെന്ന് ആശുപത്രി സൂപ്രണ്ട് അറിയിച്ചു. ഫോണ്‍: 04924 224549.

സംസ്ഥാന സര്‍ക്കാരിന്റെ മഴക്കാലപൂര്‍വ്വ ശുചീകരണ പ്രവര്‍ത്തനങ്ങളുടെ ഭാഗമായി ശുചിത്വമിഷന്‍ 'മഴയെത്തും മുമ്പേ മനുഷ്യഡ്രോണുകള്‍' എന്ന പേരില്‍ ഒരു മാസം നീണ്ടു നില്‍ക്കുന്ന സോഷ്യല്‍ മീഡിയ ജനകീയ ഓഡിറ്റ് സംഘടിപ്പിക്കുന്നു. ഇതിന്റെ ഭാഗമായി ജില്ലാ ശുചിത്വമിഷന്‍ മഴയെത്തും മുമ്പേ മനുഷ്യഡ്രോണുകള്‍ എന്ന പേരില്‍ ഫേസ്ബുക്ക് ഗ്രൂപ്പ് ആരംഭിച്ചു. മഴക്കാലം ആരംഭിക്കുന്നതിന് മുമ്പ് നിര്‍ബന്ധമായും വൃത്തിയാക്കേണ്ട ഇടങ്ങള്‍, പരിഹരിക്കേണ്ട മാലിന്യപ്രശ്‌നങ്ങള്‍ എന്നിവ പൊതുജനങ്ങള്‍ക്ക് ഗ്രൂപ്പില്‍ ഫോട്ടോയെടുത്ത് പോസ്റ്റ് ചെയ്യാവുന്നതാണെന്ന് ശുചിത്വമിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു.