ജനങ്ങളും വനം വകുപ്പും തമ്മിൽ ആരോഗ്യകരമായ ബന്ധം ഉറപ്പാക്കുന്നതിനും വിവിധ വിഷയങ്ങൾ സമയബന്ധിതമായി പരിഹരിക്കുന്നതിനായി നടത്തുന്ന വനസൗഹൃദ സദസ്സ് ഏപ്രിൽ 6 ന് പേരാമ്പ്രയിലും മുക്കത്തും നടക്കും. രാവിലെ 9.30 ന് പേരാമ്പ്ര വി.വി ദക്ഷിണാമൂർത്തി ടൗൺ ഹാളിലും ഉച്ചക്ക് 2.30 ന് മുക്കത്ത് എം മൂസ ഓഡിറ്റോറിയത്തിലുമാണ് വനസൗഹൃദ സദസ്സ് നടക്കുന്നത്.  

വായന നിലനിർത്താൻ സാങ്കേതിക വിദ്യ കൂടി ഫലപ്രദമായി ഉപയോഗിക്കണമെന്ന് ടൂറിസം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ്. കോഴിക്കോട് 'സ്റ്റേറ്റ് പബ്ലിക് ലൈബ്രറി ആൻഡ് റിസർച്ച് സെന്റർ' ഡിജിറ്റൽ സെക്ഷന്റെ ഉദ്ഘാടനം നിർവഹിക്കുകയായിരുന്നു മന്ത്രി.

ഇ - ടെണ്ടർ ക്ഷണിച്ചു 

കണ്ണൂർ യൂണിവേഴ്‌സിറ്റിയുടെ പയ്യന്നൂർ ക്യാമ്പസിൽ നൂറു കിടക്കകളുള്ള ലേഡീസ് ഹോസ്റ്റൽ നിർമാണത്തിനും അനുബന്ധ പ്രവൃത്തികൾക്കും അംഗീകൃത കരാറുകാരിൽ നിന്നും ട്രാവൽ ഏജൻസികളിൽ നിന്നും സി.പി.ഡബ്ള്യു.ഡി കോഴിക്കോട് ഇലക്ട്രിക്കൽ ഡിവിഷൻ എക്സിക്യൂട്ടീവ് എൻജിനീയർ ടെണ്ടർ ക്ഷണിച്ചു. ടെണ്ടർ തുക : 706140 രൂപ. പൂർത്തീകരണ കാലാവധി : 12 മാസം. ടെണ്ടറുകൾ ഓൺലൈനിൽ ഏപ്രിൽ 13 വൈകീട്ട് മൂന്ന് മണി വരെ സ്വീകരിക്കും. അന്നേ ദിവസം മൂന്ന് മണിക്ക് ശേഷം ടെണ്ടറുകൾ തുറക്കുന്നതാണ്. കൂടുതൽ വിവരങ്ങൾക്ക് : eeecltcedcpwd@gmail.com / 0495 2326501
 

അറിയിപ്പ് 

കേരള ബീഡി-ചുരുട്ട് തൊഴിലാളി ക്ഷേമനിധി ബോർഡിൽ നിന്ന് പെൻഷൻ കൈപറ്റിക്കൊണ്ടിരിക്കുന്ന ഗുണഭോക്താക്കൾ ജൂൺ 30 നകം അക്ഷയ കേന്ദ്രങ്ങൾ വഴി ബയോമെട്രിക് മസ്റ്ററിങ് നടത്തണമെന്ന് ചീഫ് എക്സിക്യൂട്ടീവ് ഓഫീസർ അറിയിച്ചു. കൂടുതൽ വിവരങ്ങൾക്ക്: 0497 2706133 

അറിയിപ്പ് 

കൂടരഞ്ഞി ഗ്രാമപഞ്ചായത്തിലെ കുടിവെള്ളക്ഷാമം നേരിടുന്ന കുടുംബങ്ങൾക്ക് തനത് ഫണ്ട് ഉപയോഗിച്ചുള്ള കുടിവെള്ള വിതരണം ആരംഭിച്ചു. കുടിവെള്ള വിതരണം ഗ്രാമപഞ്ചായത്ത് പ്രസിഡന്റ് ആദർശ് ജോസഫ് ഉദ്‌ഘാടനം ചെയ്തു. സ്റ്റാൻഡിങ് കമ്മിറ്റി ചെയർമാൻ വി.എസ് രവീന്ദ്രൻ, മെമ്പർമാരായ ജെറീന റോയ്, സീന ബിജു, ബാബു മൂട്ടോളി, ജോണി വാളിപ്ലക്കൽ ബിന്ദു ജയൻ തുടങ്ങിയവർ പങ്കെടുത്തു.

മേപ്പയ്യൂർ പഞ്ചായത്ത് ശുചീകരണ യജ്ഞ ശിൽപ്പശാല സംഘടിപ്പിച്ചു. പഞ്ചായത്ത് പ്രസിഡന്റ് കെ.ടി രാജൻ അധ്യക്ഷത വഹിച്ചു. പഞ്ചായത്തിലെ മുഴുവൻ വാർഡുകളിലും ഏപ്രിൽ ഒമ്പതാം തിയ്യതിക്കുള്ളിൽ പാതയോര ശുചീകരണം നടത്താനും പത്താം തിയ്യതി ടൗൺ ശുചീകരണം നടത്താനും, 16-ന് ജലാശയ ശുചീകരണം നടത്താനും ശിൽപശാല തീരുമാനിച്ചു. 

കായക്കൊടി കോവുകുന്ന് കനാൽ റോഡ് കായക്കൊടി ഗ്രാമപഞ്ചായത്ത് പ്രസിഡന്റ് ഒ.പി ഷിജിൽ ഉദ്ഘാടനം ചെയ്തു. ചടങ്ങിൽ വാർഡ് മെമ്പർ റഫീഖ് കൊടുവങ്ങൾ അധ്യക്ഷത വഹിച്ചു. ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഉമ എ, പതിനാലാം വാർഡ് മെമ്പർ അജിഷ എം.ടി എന്നിവർ മുഖ്യാതിഥികളായിരുന്നു.   

റോഡ് യാഥാർത്ഥ്യമായതോടെ കായക്കൊടി കോവുകുന്ന് ഭാഗത്തെ യാത്ര പ്രശ്നത്തിനാണ് ശാശ്വത പരിഹാരമായത്.  കായക്കൊടി ഹൈസ്ക്കൂൾ വിദ്യാർത്ഥികളുടെയും ഓട്ടോ ഡ്രൈവർമാരുടെയും ഒരുപാട് കാലത്തെ ആവശ്യം കൂടിയായിരുന്നു റോഡ് ഗതാഗത യോഗ്യമാക്കൽ. 

ചാത്തമംഗലം ഗ്രാമപഞ്ചായത്തിൽ നവീകരിച്ച രണ്ട് റോഡുകളുടെ ഉദ്ഘാടനം പി.ടി.എ റഹീം എം.എൽ.എ നിർവഹിച്ചു. പ്രളയ പുനരധിവാസ പ്രവൃത്തികളിൽ ഉൾപ്പെടുത്തി എട്ട് ലക്ഷം രൂപ അനുവദിച്ച നെച്ചുളി വലിയപൊയിൽ റോഡ്, 4 ലക്ഷം രൂപ അനുവദിച്ച പട്ടാളപ്പാടം കൂട്ടാൽകടവ് റോഡ് എന്നിവയുടെ പ്രവൃത്തികളാണ് പൂർത്തീകരിച്ച് ഗതാഗത യോഗ്യമാക്കിയത്.

സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് കുന്നമംഗലം നിയോജകമണ്ഡലത്തിൽ 50 പ്രവൃത്തികളുടെ ഉദ്ഘാടനം നിർവഹിക്കുന്ന "വികസനത്തേരിൽ  കുന്ദമംഗലം"പദ്ധതിയുടെ ഭാഗമായാണ് റോഡുകളുടെ പ്രവൃത്തി പൂർത്തീകരിച്ചത്.

കയർ വ്യവസായത്തിന് കൂടി ഗുണകരമായ രീതിയിൽ റോഡ് നിർമ്മാണത്തിന് കയർ ഭൂവസ്ത്രം ഉപയോഗിക്കുന്ന പദ്ധതി നടപ്പിലാക്കി വരികയാണെന്നും ഇത് കൂടുതൽ ഇടങ്ങളിലേക്ക് വ്യാപിപ്പിക്കാനാണ് വകുപ്പ് ആലോചിക്കുന്നതെന്നും ടൂറിസം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് പറഞ്ഞു. ഇരിങ്ങല്ലൂർ കയർ വ്യവസായ സഹകരണ സംഘം കെട്ടിടം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 

അരുവിക്കരയിലെ കായിക താരങ്ങൾക്ക് പരിശീലനത്തിന് വഴിതുറന്ന് പഞ്ചായത്ത് സ്റ്റേഡിയം പൂർണ്ണ സജ്ജമായി. നവീകരണം പൂർത്തിയാക്കിയ സ്റ്റേഡിയം കായിക വകുപ്പ് മന്ത്രി വി. അബ്ദുറഹ്മാൻ ഉദ്ഘാടനം ചെയ്തു. ആരോഗ്യ സംരക്ഷണത്തിന് ഊന്നൽ നൽകിയുള്ള പ്രവർത്തനങ്ങളാണ് വകുപ്പിന് കീഴിൽ നടപ്പിലാക്കുന്നതെന്ന് മന്ത്രി. രാജ്യത്തിന് തന്നെ മാതൃകയായി സർക്കാർ നേരിട്ട് നടപ്പിലാക്കുന്ന ഹൈ പെർഫോമൻസ് സെന്ററിന്റെ നിർമ്മാണം മേനംകുളത്ത് ഉടൻ ആരംഭിക്കും.