കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ നിന്നും നിലവില്‍ പെന്‍ഷന്‍ ലഭിച്ചു കൊണ്ടിരിക്കുന്ന എല്ലാ ഗുണഭോക്താക്കളും ഏപ്രില്‍ ഒന്ന് മുതല്‍ ജൂണ്‍ 30നകം അവരുടെ ആധാര്‍ കാര്‍ഡ്, പെന്‍ഷന്‍ ലഭിച്ചു കൊണ്ടിരിക്കുന്ന ബാങ്ക് പാസ്ബുക്ക് സഹിതം അക്ഷയകേന്ദ്രങ്ങള്‍ വഴി മസ്റ്ററിംഗ് നടത്തണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

സംസ്ഥാന ഭാഗ്യക്കുറി ഏജന്റ്മാരുടെയും വില്പനക്കാരുടെയും ക്ഷേമനിധി ബോര്‍ഡിലെ 2022 ഡിസംബര്‍ 31 വരെ പെന്‍ഷന്‍ അനുവദിക്കപ്പെട്ട ക്ഷേമനിധി അംഗങ്ങള്‍ 2023 ഏപ്രില്‍ ഒന്ന് മുതല്‍ ജൂണ്‍ 30 വരെയുള്ള കാലയളവിനുള്ളില്‍ അക്ഷയകേന്ദ്രങ്ങള്‍ വഴി ബയോമെട്രിക് മസ്റ്ററിംഗ് നടത്തണം. 2024 മുതല്‍ എല്ലാ വര്‍ഷവും ജനുവരി ഒന്ന് മുതല്‍ ഫെബ്രുവരി 28/29നകം തൊട്ടുമുന്‍പുള്ള വര്‍ഷം ഡിസംബര്‍ 31വരെ പെന്‍ഷന്‍ അനുവദിക്കപ്പെട്ട ക്ഷേമനിധി അംഗങ്ങള്‍ അക്ഷയകേന്ദ്രങ്ങള്‍ വഴി ബയോമെട്രിക് മസ്റ്ററിംഗ് നടത്തണം.

സാമൂഹികാരോഗ്യ കേന്ദ്രം പെരിയയിലെ സെക്കന്‍ണ്ടറി പാലിയേറ്റീവ് കെയറിന് കാഞ്ഞങ്ങാട് ബ്ലോക്ക് പഞ്ചായത്തിന് കീഴിലെ അഞ്ച് പഞ്ചായത്തിലെ കിടപ്പിലായ രോഗികളെ വീട്ടില്‍ ചെന്ന് പരിചരിക്കുന്നതിനും രോഗി പരിചരണത്തിന് ആവശ്യമായ പരിചരണ സാധനങ്ങള്‍ കൊണ്ട് പോകുന്നതിനുമായി ആറ് പേര്‍ക്ക് സഞ്ചരിക്കുവാന്‍ കഴിയുന്ന വാഹനം ലഭ്യമാക്കുന്നതിനായി ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഏപ്രില്‍ 10ന് ഉച്ചയ്ക്ക് ഒന്നുവരെ. അന്നേദിവസം വൈകിട്ട് മൂന്നിന് ക്വട്ടേഷന്‍ തുറക്കും. ഫോണ്‍ 9645001788.

കാസര്‍കോട് കളക്ടറേറ്റില്‍ പ്രവര്‍ത്തിക്കുന്ന റെയില്‍വേ റിസര്‍വേഷന്‍ കൗണ്ടറിലേക്ക് ഫര്‍ണിച്ചറുകള്‍ (സെമി എക്‌സിക്യൂട്ടീവ് ചെയര്‍ -2) വിതരണം ചെയ്യുന്നതിനും സ്ഥാപിക്കുന്നതിനും അംഗീകൃത കരാറുകാരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ ഏപ്രില്‍ 17ന് ഉച്ചയ്ക്ക് രണ്ടിനകം ജില്ലാ കളക്ടര്‍, കാസര്‍കോട്, സിവില്‍ സ്‌റ്റേഷന്‍, വിദ്യാനഗര്‍ പി.ഒ എന്ന വിലാസത്തില്‍ നല്‍കണം. അന്നേദിവസം വൈകിട്ട് നാലിന് ക്വട്ടേഷന്‍ തുറക്കും. കൂടുതല്‍ വിവരങ്ങള്‍ക്ക് പ്രവൃത്തി ദിവസം കളക്ടറേറ്റിലെ എം സെക്ഷനുമായി ബന്ധപ്പെടണം.

പട്ടികവര്‍ഗ്ഗ വികസന വകുപ്പിന് കീഴില്‍ പരപ്പ ട്രൈബല്‍ ഡെവലപ്‌മെന്റ് ഓഫീസ് പരിധിയിലെ സ്ഥാപനങ്ങളിലേക്ക് ദിവസവേതനാടിസ്ഥാനത്തില്‍ ക്ലാര്‍ക്ക് (എസ്.എസ്.എല്‍.സി / കമ്പ്യൂട്ടര്‍ പരിജ്ഞാനം, ഇംഗ്ലീഷ്/മലയാളം ഡാറ്റാ എന്‍ട്രി അറിയുന്നവര്‍ക്ക് മുന്‍ഗണന, എസ്.ടി വിഭാഗക്കാര്‍ക്കും പ്രവര്‍ത്തി പരിചയമുള്ളവര്‍ക്കും മുന്‍ഗണന), ഓഫീസ് അറ്റന്‍ഡന്റ്, ആയ, കുക്ക് (ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടിന്റെ സര്‍ട്ടിഫിക്കറ്റ് ഉള്ളവര്‍ക്ക് മുന്‍ഗണന), വാച്ച്മാന്‍ (എസ്.ടി വിഭാഗം, പി.എസ്.സി നിഷ്‌ക്കര്‍ഷിക്കുന്ന യോഗ്യതകള്‍) എന്നീ ഒഴിവുകളിലേക്ക് അപേക്ഷ ക്ഷണിച്ചു.

തദ്ദേശസ്വയം ഭരണവകുപ്പിന്റെ നേതൃത്വത്തില്‍ ജില്ലയില്‍ രൂപീകരിച്ച മലിനീകരണ നിയന്ത്രണ എന്‍ഫോഴ്‌സ്‌മെന്റ് സ്‌ക്വാഡ് പ്രവര്‍ത്തനം ഊര്‍ജ്ജിതമാക്കി. കഴിഞ്ഞ ദിവസങ്ങളില്‍ മഞ്ചേശ്വരം, ഉദുമ ഗ്രാമ പഞ്ചായത്തുകളില്‍ നടന്ന പരിശോധനയില്‍ 200 കിലോഗ്രാമോളം നിരോധിത പ്ലാസ്റ്റിക് വസ്തുക്കളാണ് സ്‌ക്വാഡ് പിടിച്ചെടുത്തത്. മഞ്ചേശ്വരം ഗ്രാമ പഞ്ചായത്തിലെ പ്ലാസ്റ്റിക് വസ്തുക്കള്‍ മാത്രം വില്‍പന നടത്തുന്ന ഒരു ഹോള്‍സെയില്‍ ഷോപ്പില്‍ നിന്നു മാത്രം 50 കിലോഗ്രാമാണ് പിടിച്ചെടുത്തത്. ബന്ധപ്പെട്ട കക്ഷികള്‍ക്കെതിരെ നിയമാനുസൃത നടപടികള്‍ സ്വീകരിക്കാനും പിഴ ഈടാക്കാനും ഗ്രാമ പഞ്ചായത്ത് സെക്രട്ടറിക്ക് റിപ്പോര്‍ട്ട് കൈമാറി.

 നവീനവുംമാതൃകാ പരവുമായ പദ്ധതികളുമായി മുന്നേറുന്ന നീലേശ്വരം ബ്ലോക്ക് പഞ്ചായത്തിന് മറ്റൊരു അഭിമാന നേട്ടം കൂടി. 2022-23 വാര്‍ഷിക പദ്ധതി കാലയളവില്‍ നൂറു ശതമാനം പദ്ധതി തുക ചെലവഴിച്ച് ബ്ലോക്ക് പഞ്ചായത്തുകളില്‍ സംസ്ഥാനതലത്തില്‍ ഒന്നാം സ്ഥാനം നേടി നീലേശ്വരം ബ്ലോക്ക് പഞ്ചായത്ത്.  സംസ്ഥാന തലത്തില്‍ തന്നെ ശ്രദ്ധയാകര്‍ഷിച്ച നിരവധി പദ്ധതികളാണ് നീലേശ്വരം ബ്ലോക്ക് പഞ്ചായത്ത് ആവിഷ്‌കരിച്ച് നടപ്പിലാക്കി വരുന്നത്. ഈ പ്രവര്‍ത്തനങ്ങളാണ് നീലേശ്വരം ബ്ലോക്കിനെ നൂറു ശതമാനം പദ്ധതി വിഹിതം ചിലവഴിച്ച്  സംസ്ഥാനത്ത് ഒന്നാമതെത്തിച്ചത്.

സംസ്ഥാന സര്‍ക്കാരിന്റെ രണ്ടാം വാര്‍ഷികാഘോഷങ്ങളുടെ ഭാഗമായി നടക്കുന്ന എന്റെ കേരളം പ്രദര്‍ശന വിപണന മേളയോടനുബന്ധിച്ച് ജില്ലാ ഇന്‍ഫര്‍മേഷന്‍ ഓഫീസ്,  കേരള സ്റ്റേറ്റ് സിവില്‍ സര്‍വ്വീസ് അക്കാദമി കാഞ്ഞങ്ങാട് സബ് സെന്ററുമായി സഹകരിച്ച്  പരിശീലന ഓറിയന്റേഷന്‍ ക്ലാസ് സംഘടിപ്പിച്ചു. കാഞ്ഞങ്ങാട് ചെമ്മട്ടംവയല്‍ കേരള സ്റ്റേറ്റ് സിവില്‍ സര്‍വ്വീസ് അക്കാദമി സബ് സെന്ററില്‍ നടന്ന ഓറിയന്റേഷന്‍ ക്ലാസില്‍ ജില്ലയിലെ വിവിധ ഭാഗങ്ങളിലെ  മുപ്പതോളം  ഹൈസ്‌കൂള്‍ - ഹയര്‍ സെക്കന്‍ഡറി സ്‌കൂള്‍ വിദ്യാര്‍ത്ഥികള്‍ പങ്കെടുത്തു. രണ്ട് മണിക്കൂര്‍ നീണ്ട ക്ലാസിന് കെ.ദര്‍വീഷ്, കെ.എം.

ജില്ലാ ഇന്‍ഫര്‍മേഷന്‍ ഓഫീസ് കേരള സ്റ്റേറ്റ് സിവില്‍ സര്‍വ്വീസ് അക്കാദമി കാഞ്ഞങ്ങാട് സബ് സെന്ററുമായി സഹകരിച്ച് സംഘടിപ്പിച്ച സിവില്‍ സര്‍വീസ് പരിശീലന ഓറിയന്റേഷന്‍ ക്ലാസിലെത്തിയ വിദ്യാര്‍ത്ഥികള്‍ സിവില്‍ സര്‍വ്വീസ് മോഹവുമായി മടങ്ങി. അസാപ്പ് സ്‌കില്‍ പാര്‍ക്കിലെത്തിയ വിദ്യാര്‍ത്ഥികളും രക്ഷിതാക്കളും സംതൃപ്തരായാണ് മടങ്ങിയത്.

പാണ്ടിയിലാണ് ഞങ്ങളുടെ വീട്. എന്നാലും കാഞ്ഞങ്ങാട് ചെമ്മട്ടം വയലിലുള്ള സബ് സെന്ററിലേക്ക് മകള്‍ ഉണ്ണിമായയെ അയക്കുമെന്ന് രക്ഷിതാവ് ഉദയകുമാര്‍ പറഞ്ഞു. വാഹന സൗകര്യവും ദൂരക്കൂടുതലുമൊന്നും മകളുടെ ആഗ്രഹത്തിനും വളര്‍ച്ചയ്ക്കും തടസ്സമാകരുതെന്ന് നിര്‍ബന്ധമുണ്ട് ഈ രക്ഷിതാവിന്.

ആന പ്രതിരോധപദ്ധതി വേഗത്തില്‍ പൂര്‍ത്തിയാക്കാന്‍ നടപടി സ്വീകരിക്കുന്നതിന്റെ ഭാഗമായി വനം വന്യജീവി വകുപ്പ് മന്ത്രി എ.കെ.ശശീന്ദ്രന്റെ നേതൃത്വത്തില്‍ യോഗം ചേര്‍ന്നു. കാറഡുക്ക ബ്ലോക്ക് പഞ്ചായത്തും, ജില്ലാ പഞ്ചായത്തും ദേലംപാടി, മുളിയാര്‍, കാറഡുക്ക, ബേഡഡുക്ക, കുറ്റിക്കോല്‍ ഗ്രാമപഞ്ചായത്തുകളും സംയുക്തമായി നടപ്പിലാക്കുന്ന പദ്ധതിയാണ് ആന പ്രതിരോധ പദ്ധതി. സൗരോര്‍ജ വൈദ്യുതി വേലിയുടെ നിര്‍മ്മാണത്തിനായി വനംവകുപ്പ് നിര്‍മ്മാണ കരാര്‍ നല്‍കിയ പോലീസ് കണ്‍സ്ട്രക്ഷന്‍ കോര്‍പ്പറേഷന്‍ വേലിയുടെ നിര്‍മ്മാണം പൂര്‍ത്തീകരിക്കാത്ത സാഹചര്യത്തില്‍ പോലീസ്  കണ്‍സ്ട്രക്ഷന്‍ കോര്‍പറേഷന്റെ എംഡിയുമായി മന്ത്രി ബന്ധപ്പെട്ടു.