സംസ്ഥാന കർഷക കടാശ്വാസ കമ്മീഷൻ കണ്ണൂർ ജില്ലയിലെ കർഷകരുടെ സിറ്റിംഗ് നടത്തുന്നു.

 സംസ്ഥാന അസംഘടിത തൊഴിലാളി സാമൂഹ്യ സുരക്ഷ ബോര്‍ഡിന്റെ ജില്ല ഓഫീസില്‍ നിന്നും പെന്‍ഷന്‍ കൈപ്പറ്റിയവര്‍ ജൂണ്‍ 30-നകം അക്ഷയ കേന്ദ്രങ്ങള്‍ വഴി ബയോമെട്രിക് മസ്റ്ററിംഗ് നടത്തണമെന്ന് ജില്ല എക്സിക്യൂട്ടീവ് ഓഫീസര്‍ അറിയിച്ചു.

തിരുവനന്തപുരം ചാക്ക ഗവ. ഐ.ടി.ഐയിൽ വയർമാൻ ട്രേഡിൽ ജൂനിയർ ഇൻസ്ട്രക്ടർ ഒഴിവിലേക്ക് ഓപ്പൺ കാറ്റഗറിയിലും, മെഷിനിസ്റ്റ് ട്രേഡിൽ ജൂനിയർ ഇൻസ്ട്രക്ടർ ഒഴിവിലേക്ക് ഒ.ബി.സി കാറ്റഗറിയിലും ഗസ്റ്റ് ഇൻസ്ട്രക്ടറെ നിയമിക്കുന്നു. എസ്.എസ്.എൽ.സി, ബന്ധപ്പെട്ട ട്രേഡിൽ എൻ.ടി.സിയും മൂന്ന് വർഷത്തെ പ്രവൃത്തിപരിചയവും അല്ലെങ്കിൽ എൻ.എ.സിയും ഒരു വർഷത്തെ പ്രവൃത്തിപരിചയവും അല്ലെങ്കിൽ ബന്ധപ്പെട്ട ട്രേഡിൽ എൻജിനിയറിങ് ഡിപ്ലോമ/ ഡിഗ്രി എന്നിവയാണ് യോഗ്യതകൾ.

സംസ്ഥാന വൈദ്യുതി ബോർഡ് ലിമിറ്റഡ്, 2022 ജൂലൈ മുതൽ സെപ്റ്റംബർ വരെയും 2022 ഒക്ടോബർ മുതൽ ഡിസംബർ വരെയുമുള്ള കാലയളവിൽ വൈദ്യുതി ഉത്പാദിപ്പിക്കുന്നതിനും വാങ്ങുന്നതിനും കമ്മീഷൻ അംഗീകരിച്ച ഇന്ധന ചെലവിനേക്കാൾ, ഇന്ധന വിലയിലുണ്ടായ വർധനവ് മൂലമുണ്ടായ അധികബാധ്യത, ഇന്ധന സർചാർജ്ജായി ഉപഭോക്താക്കളിൽ നിന്ന് ഈടാക്കാനുള്ള അപേക്ഷ എന്നിവ കേരള സംസ്ഥാന വൈദ്യുതി റഗുലേറ്ററി കമ്മീഷൻ മുൻപാകെ യഥാക്രമം 09.12.2022നും 15.02.2023നും സമർപ്പിച്ചിട്ടുണ്ട്.

കമ്യൂണിറ്റി തലത്തിലുള്ള മാലിന്യ സംസ്കരണ പ്ലാന്റുകളുടെ മലിനജലം (ലീച്ചറ്റ്), ദുർഗന്ധം, ഈച്ച മുതലായ പ്രാണികളുടെ ശല്യം മുതലായ പ്രശ്നങ്ങൾക്ക് പരിഹാരമായി കുറഞ്ഞ സ്ഥലത്ത് കൂടുതൽ അളവിൽ മാലിന്യം കൈകാര്യം ചെയ്യാൻ കഴിയുന്ന ഡീ വാട്ടേർഡ് കംപോസ്റ്റിംഗ് സിസ്റ്റം വടക്കാഞ്ചേരി നഗരസഭയിൽ പ്രവർത്തനം ആരംഭിക്കുന്നു.

തലപ്പിള്ളി താലൂക്കിൽ മായന്നൂർ വില്ലേജിൽ ശ്രീ കുറുമ്പ ഭഗവതി ക്ഷേത്രത്തിലെ (മായന്നൂർ കാവ്) താലപ്പൊലി മഹോത്സവത്തോടനുബന്ധിച്ച് ഏപ്രിൽ 7ന് നടത്താനിരുന്ന വെടിക്കെട്ട് പ്രദർശനത്തിന് കൊണ്ടാഴി ദേശം താലപ്പൊലി കമ്മിറ്റി, മായന്നൂർ ദേശം താലപ്പൊലി കമ്മിറ്റി എന്നിവ സമർപ്പിച്ച അപേക്ഷ അഡിഷണൽ ജില്ലാ മജിസ്‌ട്രേറ്റ് നിരസിച്ചു. ലൈസൻസികൾ മതിയായ രേഖകൾ ഹാജരാക്കാത്തതിനാലാണ് അനുമതി നിരസിച്ചത്.

വനിത ശിശു വികസന വകുപ്പ് സെമിനാർ

ചൂഷണത്തിനിരയായ സ്ത്രീകളെയും കുട്ടികളെയും സമൂഹത്തിന്റെ മുഖ്യധാരയിലേക്ക് ഉയർത്തിക്കൊണ്ട് വരേണ്ടത് ഓരോ വ്യക്തിയുടെയും കടമയാണെന്ന് ഓർമപ്പെടുത്തി വനിത ശിശു വികസന വകുപ്പിന്റെ നേതൃത്വത്തിൽ സംഘടിപ്പിച്ച സെമിനാർ. എന്റെ കേരളം പ്രദർശന വിപണന മേളയോടനുബന്ധിച്ച് സ്ത്രീകൾക്കും കുട്ടികൾക്കുമുള്ള സുരക്ഷാ സംവിധാനങ്ങൾ എന്ന വിഷയത്തിലാണ് സെമിനാർ സംഘടിപ്പിച്ചത്.    

വൈവിധ്യമായ രുചികളൊരുക്കുന്ന കുടുംബശ്രീയുടെ ഫുഡ് കോർട്ടുകൾ മിക്ക മേളകളുടെയും മുഖ്യ ആകർഷണമാണ്. കൊച്ചി മറൈൻ ഡ്രൈവിലെ എന്റെ കേരളം പ്രദർശന വിപണന മേളയിലും കൊതിയൂറും രുചി വൈവിധ്യ മൊരുക്കുന്ന കുടുംബശ്രീ ചേച്ചിമാർ സജീവം.

 ചിക്കനും പിടിയും ഒരു പിടി പിടിക്കാം.. പാൽ കപ്പയുടെ രുചി നുണയാം... കടൽ രുചികളുടെ വൈവിധ്യ മറിയാം... ഭക്ഷ്യ ആസ്വാദകരുടെ നീണ്ട നിരയാണ് എന്റെ കേരളം മെഗാ പ്രദർശന വേദിയിലെ കുടുംബശ്രീയുടെ ഭക്ഷ്യമേളയിൽ. ഭക്ഷ്യ സ്റ്റാളുകൾ രുചി വൈവിദ്യങ്ങൾ ആസ്വദിക്കാൻ നിരവധി സന്ദർശകരാണ് ദിനവും എത്തുന്നത്.

മോട്ടോർ വാഹന വകുപ്പും കെ.എസ്.ഇ.ബിയും ചേർന്ന്  സംഘടിപ്പിച്ച പാനൽ ചർച്ച ഉദ്ഘാടനം ചെയ്തു

സംസ്ഥാനത്ത് ഇലക്ട്രിക് വാഹനങ്ങളുടെ ഉപയോഗം വർദ്ധിപ്പിക്കുന്നതിനുള്ള നയപരമായ തീരുമാനങ്ങളാണ് സർക്കാരും മോട്ടോർ വാഹന വകുപ്പും കൈക്കൊള്ളുന്നതെന്ന് ട്രാൻസ്പോർട്ട് കമ്മീഷണർ എസ്. ശ്രീജിത്ത്. ഇലക്ട്രിക് വാഹനങ്ങളുടെ ഉപയോഗം കൂട്ടന്നതിനായി നൂതന സാങ്കേതിക വിദ്യകൾ കൊണ്ടുവരുന്നതിനും  ചാർജിംഗ് സമയം കുറച്ചു കൊണ്ടുവരുന്നതിനുമുള്ള  പ്രവർത്തനങ്ങൾ നടപ്പാക്കേണ്ടതുണ്ടെന്നും അദ്ദേഹം പറഞ്ഞു.

ലോണുകളും പദ്ധതികളും മാത്രമല്ല  രസകരമായ ചോദ്യങ്ങളും കൈനിറയെ പണവും സമ്മാനങ്ങളുമായാണ്  എന്റെ കേരളം പ്രദര്‍ശന-വിപണന മേളയില്‍  കെഎസ്‌ഐഡിസിയെത്തിയിരിക്കുന്നത്.  വ്യത്യസ്തമാര്‍ന്ന ചോദ്യങ്ങളും സമ്മാനങ്ങളുമാണ് കെഎസ്‌ഐഡിസി സ്റ്റാളിനെ കൂടുതല്‍ ആകര്‍ഷിക്കുന്നത്. 'സ്‌കാന്‍ ആന്‍ഡ് വിന്‍' എന്ന പേരില്‍ സംഘടിപ്പിക്കുന്ന പരിപാടിയില്‍  ചോദ്യത്തിന് ഉത്തരം നല്‍കുന്നവര്‍ക്ക് 1000 രൂപയാണ് പ്രതിദിന സമ്മാനം.വ്യവസായ വകുപ്പുമായി ബന്ധപ്പെട്ട് ലളിതമായ ചോദ്യങ്ങളാണ് പരിപാടിയിൽ ഉൾപ്പെടുത്തിയിരിക്കുന്നത്.