സംസ്ഥാന  സർക്കാരിന്റെ രണ്ടാം വാർഷികത്തോടനുബന്ധിച്ച് സംഘടിപ്പിക്കുന്ന എന്റെ കേരളം മെഗാ പ്രദർശന വിപണന മേള ശനിയാഴ്ച സമാപിക്കും. വൈകിട്ട് 5.30ന് കൊച്ചി മറൈൻ ഡ്രൈവിലെ പ്രദർശന നഗരിയിൽ നടക്കുന്ന പരിപാടി സാംസ്കാരിക വകുപ്പ് മന്ത്രി സജി ചെറിയാൻ ഉദ്ഘാടനം ചെയ്യും. വ്യവസായ വകുപ്പ് മന്ത്രി പി. രാജീവ് അധ്യക്ഷത വഹിക്കും.

ബ്രഹ്മപുരം തീപിടിത്തത്തിൻ്റെ പശ്ചാത്തലത്തിൽ സംസ്ഥാന സർക്കാർ നടപ്പാക്കുന്ന ശുചിത്വ മാലിന്യ സംസ്കരണ കർമ പദ്ധതിയുടെ പുരോഗതി വിലയിരുത്തുന്നതിനായി ജില്ലയിലെ 13 നഗരസഭകളിൽ പ്രത്യേക സ്ക്വാഡുകൾ രൂപീകരിച്ചു.

തീപിടിത്തം ഉണ്ടായതിനെ തുടർന്ന്  മാലിന്യനിർമ്മാർജന പ്രവർത്തനങ്ങൾ കാര്യക്ഷമമാക്കുന്നതിനും ശാസ്ത്രീയ ഉറവിടമാലിന്യ ശേഖരണത്തിനും സംസ്കരണത്തിനും അടിയന്തരമായി ഹ്രസ്വ-ദീർഘകാല നടപടികൾ സ്വീകരിക്കുന്നതിനുമായി ജില്ലയിൽ പ്രത്യേക കർമ്മപദ്ധതികളാണ് തയ്യാറാക്കിയിട്ടുള്ളത്. കർമ്മപദ്ധതികൾ നടപ്പിലാക്കുവാൻ തദ്ദേശ സ്വയംഭരണ സ്ഥാപനങ്ങൾക്ക് ചുമതല  നൽകിയിട്ടുണ്ട്. 

താമരശേരി ചുരത്തിന്റെ താളത്തിൽ ആറാടി എറണാകുളം മറൈൻ ഡ്രൈവ്. ഒരു കൂട്ടം യുവാക്കൾ സംഗീതത്തിൽ ആവേശിച്ചപ്പോൾ ഒപ്പം നൂറു കണക്കിന് പേരാണ് അവർക്കൊപ്പം ഇളകിയാടിയത്. എന്റെ കേരളം മെഗാ പ്രദർശന വിപണന മേളയുടെ നാലാം ദിവസമായി പ്രമുഖ സംഗീത ബാന്റായ താമരശേരി ചുരത്തിന്റെ ലൈവ് ഷോ അരങ്ങേറിയത്. 

ഇന്ത്യൻ, പോപ്പ്, റോക്ക് സംഗീതങ്ങളുടെ സമ്മിശ്ര രൂപമായിരുന്നു സംഘം അവതരിപ്പിച്ചത്. മറൈൻ ഡ്രൈവിലെ വേദിയിൽ മാസ്മരിക വേദിയിൽ താമരശേരി ചുരം ടീം അരങ്ങുവാണപ്പോൾ കൊച്ചിയുടെ മണ്ണിൽ ആസ്വാദകഹൃദയങ്ങൾ താളത്തിൽ ചുവടു വെച്ചു. മൈതാനത്തുണ്ടായിരുന്ന കാണികൾ നിറഞ്ഞ കൈയടികളോടെയാണ്  ഓരോ ഗാനവത്തെയും  എതിരേറ്റത്.  

 സംസ്ഥാന ഭാഗ്യകുറി  ക്ഷേമനിധി ബോര്‍ഡില്‍ നിന്നും 2022 ഡിസംബര്‍ 31 വരെ പെന്‍ഷന്‍ അനുവദിച്ച അംഗങ്ങള്‍ക്ക് 2023 ഏപ്രില്‍ ഒന്നു മുതല്‍ ജൂണ്‍ 30 വരെയുളള കാലയളവിനുളളില്‍ അടുത്തുളള അക്ഷയ കേന്ദ്രങ്ങള്‍ മുഖേന  മസ്റ്ററിംഗ്  ചെയ്യാന്‍ അവസരം ഉണ്ട്. എല്ലാ പെന്‍ഷന്‍കാരും നിശ്ചിത സമയത്തിനുളളില്‍ മസ്റ്ററിംഗ് പൂര്‍ത്തീകരിക്കണമെന്ന് ജില്ലാ ഭാഗ്യകുറി ക്ഷേമനിധി ഓഫീസര്‍ അറിയിച്ചു. ഫോണ്‍ : 0468 2222709.

എറണാകുളം ജില്ലയിലെ എല്ലാ സ്വകാര്യ കുഴൽക്കിണർ നിർമ്മാണ ഏജൻസികളും 2023 ഏപ്രിൽ 30-നകം തങ്ങളുടെ സ്ഥാപനം ഭൂജല അതോറിറ്റിയിൽ രജിസ്റ്റർ ചെയ്യണമെന്ന് ഭൂജലവകുപ്പ് ജില്ലാ ഓഫീസർ അറിയിച്ചു. രജിസ്റ്റർ ചെയ്യാതെ കുഴൽക്കിണർ നിർമ്മാണം നടത്തുന്ന സ്ഥാപനങ്ങൾക്ക്‌ ഒരുലക്ഷം രൂപ പിഴ ഈടക്കുകയും മറ്റ്‌ നിയമ നടപടികൾ സ്വീകരിക്കുകയും ചെയ്യും.

റിഗ്ഗ് രജിസ്ട്രേഷൻ നടപടികൾക്കായി ഭൂജലവകുപ്പ് ജില്ലാ ഓഫീസ്, ആർ.ഡി.പി.സി. ബിൽഡിംഗ്, മാണിക്കുളങ്ങര റോഡ് കാക്കനാട്, എറണാകുളം-30 എന്ന വിലാസത്തിൽ ബന്ധപ്പെടുക. ഫോൺ: 0484 -2956331

Reply all

പത്തനംതിട്ടയെ വയോജന സൗഹൃദ ജില്ലയായി മാറ്റാനുള്ള പദ്ധതി എല്ലാ തദ്ദേശ സ്വയം ഭരണ സ്ഥാപനങ്ങളും ഏറ്റെടുക്കണമെന്ന് ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര്‍ ശങ്കരന്‍ പറഞ്ഞു. ജില്ലാ ആസൂത്രണ സമിതി യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.
സമ്പൂര്‍ണ ശുചീകരണ പദ്ധതിക്കൊപ്പം ജില്ലാ പഞ്ചായത്ത് ഏറ്റെടുക്കുന്ന പദ്ധതിയാണ് വയോ സൗഹൃദ പദ്ധതി. ഇതിനായി  ശില്‍പശാലയും സംഘടിപ്പിച്ചിരുന്നു.
ആസൂത്രണ സമിതിയില്‍ അംഗീകാരം ലഭിച്ച തദ്ദേശ സ്വയം ഭരണ സ്ഥാപനങ്ങളുടെ പദ്ധതികള്‍  പുതിയ സാമ്പത്തിക വര്‍ഷം പരിഷ്‌ക്കരണത്തിന് വിധേയമാക്കും.

എറണാകുളം ജനറല്‍ ആശുപത്രിയിലെ യൂറോളജി വിഭാഗത്തിലേക്കാവശ്യമായ Flexible Digital Disposable Ureteroscope ഒരെണ്ണം വിതരണം ചെയ്യുന്നതിനായി അംഗീകൃത സ്ഥാപനങ്ങള്‍/വ്യക്തികളില്‍ നിന്ന് മത്സരസ്വഭാവമുളള ടെന്‍ഡര്‍ ക്ഷണിച്ചു.  ടെന്‍ഡര്‍ സ്വീകരിക്കുന്ന അവസാന തീയതി ഏപ്രില്‍ 18 വൈകിട്ട് അഞ്ച് വരെ. കൂടുതല്‍ വിവരങ്ങള്‍ പ്രവൃത്തി ദിവസങ്ങളില്‍ ഓഫീസില്‍ നിന്ന് അറിയാം.