മങ്കര കാളികാവ് ഉത്രം വിളക്ക് മഹോത്സവത്തോടനുബന്ധിച്ച് ഏപ്രില്‍ അഞ്ചിന് മങ്കര-കോട്ടായി റൂട്ടില്‍ ഉച്ചക്ക് രണ്ട് മുതല്‍ രാത്രി 11 വരെ ഗതാഗത നിയന്ത്രണം ഏര്‍പ്പെടുത്തിയതായി മങ്കര പോലീസ് അറിയിച്ചു. മങ്കര ഭാഗത്തുനിന്നും കോട്ടായി ഭാഗത്തേക്ക് പോകുന്ന വാഹനങ്ങള്‍ പറളി ചന്തപ്പുര-ഓടനൂര്‍ വഴി പോകണം. കോട്ടായിയില്‍നിന്നും മങ്കര ഭാഗത്തേക്ക് വരുന്ന വാഹനങ്ങള്‍ വാവുള്ള്യാല്‍-ഓടനൂര്‍-പറളി ചന്തപ്പുര വഴി തിരിഞ്ഞു പോകണമെന്നും പോലീസ് അറിയിച്ചു. ഫോണ്‍: 0491 2872222.

ജില്ലാ കളക്ടർ എൻ.എസ്.കെ ഉമേഷ് ഉദ്ഘാടനം ചെയ്തു

കൊച്ചി നഗരസഭയിലെ ആദ്യത്തെ തണ്ണീർ പന്തൽ ജില്ലാ കളക്ടർ എൻ.എസ്.കെ. ഉമേഷ് കടവന്ത്രയിൽ ഉദ്ഘാടനം ചെയ്തു. 

ഉഷ്ണകാല പ്രതിരോധത്തിന്റെ ഭാഗമായി മുഖ്യമന്ത്രിയുടെ നിർദേശപ്രകാരം പൊതു ഇടങ്ങളിൽ ദാഹജലം ലഭ്യമാക്കുന്ന പദ്ധതിയാണ് തണ്ണീർ പന്തൽ. ജില്ലാ ദുരന്തനിവാരണ അതോറിറ്റിയും ഇന്റർ ഏജൻസി ഗ്രൂപ്പും ചേർന്ന് ജില്ലയിൽ 100 തണ്ണീർ പന്തലുകളാണ് സ്ഥാപിക്കുന്നത്. ഇന്റർ ഏജൻസി ഗ്രൂപ്പിൻ്റെ പ്രവർത്തനം ശ്ലാഘനീയമാണന്ന് ജില്ലാ കളക്ടർ അഭിപ്രായപ്പെട്ടു. 

ഫെയ്സ് ഫൗണ്ടേഷനാണ് കടവന്ത്രയിലെ തണ്ണീർ പന്തൽ സ്പോൺസർ ചെയ്തിരിക്കുന്നത്.

 എന്റെ കേരളം പ്രദർശന വേദിയിൽ കാഴ്ചക്കാരെ ഏറെ ആകർഷിക്കുകയാണ്  പട്ടികവർഗ വികസന വകുപ്പ് ഒരുക്കിയിരിക്കുന്ന മുള കൊണ്ടുള്ള കുടിൽ.  മലയൻ ആദിവാസി സമൂഹത്തിന്റെ വീടിന്റെ മാതൃകയാണിത്. ഒറ്റ മുള തടി ചതച്ച് നിർമ്മിച്ചിരിക്കുന്ന ചുമരുകൾ ഏറെ ശ്രദ്ധേയമാണ്.

 മുളവീടിനുള്ളിൽ സന്ദർശകർക്കായി വന വിഭവങ്ങളുടെ പ്രദർശനവുമുണ്ട്. കാട്ടുതെള്ളി, കല്ലു വാഴ കുരു, കണ്ടൻ കൂവ, കാട്ടുകൂവ,  കസ്തൂരി കൂവ,  മലയിഞ്ചി, വട്ടും കായ, പുളിയിഞ്ചി, മുള അരി, കാട്ടുപത്രി, മരോട്ടി കുരു തുടങ്ങിയ വന വിഭവങ്ങൾ ഇവിടെ കാണാം. കുട്ടമ്പുഴയിലെ ആദിവാസികൾ  മുള കൊണ്ട് നെയ്യ്തെടുത്ത കണ്ണാടി പായയാണ് സ്റ്റാളിന്റെ മറ്റൊരു ആകർഷണം.

ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ വിവിധ വകുപ്പുകളുടെ സഹകരണത്തോടെ ഏപ്രില്‍ ഒന്‍പത് മുതല്‍ 15 വരെ ഇന്ദിരാഗാന്ധി മുന്‍സിപ്പല്‍ സ്റ്റേഡിയത്തില്‍ നടക്കുന്ന എന്റെ കേരളം പ്രദര്‍ശന വിപണന മേളയില്‍ ആധാര്‍ എടുക്കാനും തെറ്റ് തിരുത്താനും രേഖകളുമായെത്തുന്നവര്‍ക്ക് ഡിജിലോക്കര്‍ സൗകര്യങ്ങളുമൊരുക്കി ഐ.ടി വിഭാഗം. ആധാര്‍ എടുക്കുന്നതിന് വോട്ടര്‍ ഐ.ഡി, ഫോട്ടോ ഉള്ള പാസ്ബുക്ക്, ഡ്രൈവിങ് ലൈസന്‍സ്, പാസ്‌പോര്‍ട്ട്, റേഷന്‍ കാര്‍ഡ് തുടങ്ങിയവയില്‍ ഏതെങ്കിലും ഒരു രേഖ നല്‍കണം.

മന്ത്രിസഭയുടെ രണ്ടാം വാർഷികത്തോടനുബന്ധിച്ച് ഏപ്രിൽ മെയ് മാസങ്ങളിലായി താലൂക്ക് ആസ്ഥാനങ്ങളിൽ മന്ത്രിമാരുടെ നേതൃത്വത്തിൽ നടത്തുന്ന ‘കരുതലും കൈത്താങ്ങും’ എന്ന പരാതി പരിഹാര അദാലത്തിൽ പൊതു ജനങ്ങൾക്ക് പരാതി സ

സംസ്ഥാന സർക്കാർ ജീവനക്കാരുടെ സർവീസ് പ്രശ്‌നങ്ങൾ സംബന്ധിച്ച കേസുകൾ കൈകാര്യം ചെയ്യുന്ന കേരള അഡ്മിനിസ്‌ട്രേറ്റീവ് ട്രിബ്യൂണലിൽ അഡ്മിനിസ്‌ട്രേറ്റീവ് അംഗത്തിന്റെ ഒഴിവിലേക്ക് അപേക്ഷ ക്ഷണിച്ചു.