സംസ്ഥാന സർക്കാറിന്റെ വലിച്ചെറിയൽ മുക്ത കേരളം ക്യാമ്പയിൻ്റെ ഭാഗമായുള്ള മഴക്കാലപൂർവ്വ ശുചീകരണ പ്രവർത്തനങ്ങൾക്ക് കൊയിലാണ്ടി നഗരസഭയിൽ തുടക്കമായി. ഇതിന്റെ ഭാഗമായി കൊയിലാണ്ടി ബസ് സ്റ്റാൻഡിനടുത്ത ഫ്ലൈ ഓവറിന് താഴെയുളള ഭാഗങ്ങളിൽ ശുചീകരണ പ്രവർത്തനങ്ങൾ ആരംഭിച്ചു.

'വലിച്ചെറിയൽ  മുക്ത കേരള 'ത്തിന്റെ ഭാഗമായി ഗാർഹിക - സ്ഥാപന - പൊതു തലങ്ങളിലായി ശുചീകരണ പ്രവർത്തനങ്ങൾ ആസൂത്രണം ചെയ്യും. നഗരസഭാ തലത്തിൽ ആരോഗ്യവിഭാഗത്തിന്റെ നിരീക്ഷണ സ്ക്വാഡുകൾ പ്രവർത്തിക്കും. പൊതുയിടങ്ങളിൽ മാലിന്യം നിക്ഷേപിക്കുന്നവരെ കണ്ടെത്തുന്നതിനായി സി സി ടി വി ക്യാമറകൾ ഉൾപ്പടെ സ്ഥാപിക്കുമെന്ന് നഗരസഭ അധികൃതർ പറഞ്ഞു.

ബഹുജന പങ്കാളിത്തത്തോടെ ഭൂരഹിത ഭവനരഹിതർക്ക് വീട് നിർമ്മിച്ചു നൽകുന്ന കോർപ്പറേഷന്റെ പദ്ധതിക്ക് ഉചിതമായ പേരും ലോഗോയും നൽകാൻ പൊതുജനങ്ങൾക്ക് അവസരം. 

കേരള സർക്കാരിന്റെ മനസ്സോടിത്തിരി മണ്ണ്, ലൈഫ് മിഷൻ തുടങ്ങി വിവിധ പദ്ധതികൾ സംയോജിപ്പിച്ചു കൊണ്ടും ജനകീയ സഹകരണം കൊണ്ടുമാണ് പദ്ധതി നടപ്പിലാക്കാൻ ഉദ്ദേശിക്കുന്നത്.

ഏപ്രിൽ 12 നകം പേരും ലോഗോയും അയച്ചു നൽകണമെന്ന് മേയർ ഡോ. ബീന ഫിലിപ്പ് അറിയിച്ചു. homeforhomless23@gmail.com എന്ന ഇ-മെയിൽ ഐഡിയിലേക്കാണ് അയക്കേണ്ടത്.

2022-23 സാമ്പത്തിക വർഷവും നൂറുശതമാനം പദ്ധതി തുക വിനിയോഗിച്ച് പുറമേരി ഗ്രാമ പഞ്ചായത്ത്. തുടർച്ചയായി രണ്ടാം വർഷമാണ് പഞ്ചായത്ത് നൂറുമേനി നേട്ടം കൈവരിക്കുന്നത്. പദ്ധതി തുക വിനിയോഗിക്കുന്നതിൽ തൂണേരി ബ്ലോക്ക് പഞ്ചായത്തിൽ ഒന്നാമതും ജില്ലയിലെ മികച്ച 10 പഞ്ചായത്തുകളിൽ ഒന്നുമായി പുറമേരി ഗ്രാമപഞ്ചായത്ത് മാറിയതായി ഗ്രാമപഞ്ചായത്ത് പ്രസിഡന്റ്‌ വി കെ ജ്യോതി ലക്ഷ്മി അറിയിച്ചു.

സംസ്ഥാന മന്ത്രിസഭയുടെ രണ്ടാം വാർഷികത്തോടനുബന്ധിച്ച് മന്ത്രിമാരുടെ നേതൃത്വത്തിൽ താലൂക്ക് അടിസ്ഥാനത്തിൽ നടക്കുന്ന 'കരുതലും കൈത്താങ്ങും' പരാതി പരിഹാര അദാലത്തിലേക്ക് ഏപ്രിൽ 15 വരെ പരാതികൾ നൽകാം. താലൂക്ക് ഓഫീസുകളിൽ നേരിട്ടും അക്ഷയ കേന്ദ്രങ്ങളിൽ ഓൺലൈനായും പരാതികൾ സമർപ്പിക്കാം. www.karuthal.kerala.gov.in എന്ന വെബ് സൈറ്റിലാണ് പരാതി നൽകേണ്ടത്.   

കായിക വകുപ്പ് മന്ത്രി വി. അബ്ദുറഹ്മാൻ ഉദ്ഘാടനം ചെയ്തു

നെയ്യാറ്റിൻകര മേലേതെരുവ് ശ്രീ മുത്താരമ്മൻ കോവിലിലെ അമ്മൻകൊട മഹോത്സവത്തിന്റെ പ്രധാന ദിവസമായ ഏപ്രിൽ 11 (ചൊവ്വ) -നു നെയ്യാറ്റിൻകര നഗരസഭാ പ്രദേശത്തെ എല്ലാ സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ പ്രാദേശിക അവധി അനുവദിച്ചു. മുൻ നിശ്ചയിച്ചിട്ടുള്ള പൊതു പരീക്ഷകൾക്ക് ഈ അവധി ബാധകമായിരിക്കില്ല.

സംസ്ഥാനത്ത് ഇന്നും( ഏപ്രില്‍ ഒമ്പത് ) നാളെയും ഒറ്റപ്പെട്ടയിടങ്ങളില്‍  ഇടിമിന്നലോട് കൂടിയ മഴയ്ക്കും 30 മുതല്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുള്ളതായി കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. ഏപ്രിൽ 11 മുതൽ 13 വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നും അറിയിപ്പിൽ പറയുന്നു. ഇടിമിന്നല്‍ അപകടകാരികളാണെന്നതിനാല്‍ കാര്‍മേഘം കണ്ടു തുടങ്ങുന്ന സമയം മുതല്‍ തന്നെ മുന്‍കരുതല്‍ സ്വീകരിക്കണം. ഈ സാഹചര്യത്തില്‍ സംസ്ഥാന ദുരന്ത നിവാരണ അതോറിറ്റി പൊതുജനങ്ങള്‍ക്കായി ജാഗ്രതാ നിര്‍ദേശങ്ങള്‍ പുറത്തിറക്കി.

സംസ്ഥാന സർക്കാർ രണ്ടാം വാർഷികത്തിന്റെ ഭാഗമായി സംഘടിപ്പിക്കുന്ന കരുതലും കൈത്താങ്ങും താലൂക്ക് തല അദാലത്തുകളിലേക്കായി പൊതുജനങ്ങളിൽ നിന്നും പരാതികൾ സ്വീകരിക്കുന്നതിന് ജനപ്രതിനിധികളുടെ നേതൃത്വത്തിൽ പ്രചാരണം ശക്തമാക്കും. മന്ത്രിമാരായ വി ശിവൻകുട്ടി, ജി ആർ അനിൽ, ആൻറണി രാജു എന്നിവരുടെ നേതൃത്വത്തിൽ ചേർന്ന ജില്ലയിലെ ജനപ്രതിനിധികളുടെ അവലോകന യോഗത്തിലാണ് തീരുമാനം. ജില്ലയിൽ മെയ് 2 മുതൽ 11 വരെ നടക്കുന്ന അദാലത്തിലേക്ക് പൊതുജനങ്ങൾക്ക് പരാതികൾ നൽകാൻ ഏപ്രിൽ 15 വരെയാണ് അവസരം. ആകെ 1447 പരാതികളാണ് ഇതിനോടകം ലഭിച്ചിട്ടുള്ളത്.

സംസ്ഥാനത്ത് ഏപ്രിൽ 11 വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നൽ അപകടകാരികളാണെന്നതിനാൽ, ഇടിമിന്നൽ ലക്ഷണം കണ്ടാൽ തുറസായസ്ഥലങ്ങളിൽ നിൽക്കുന്നത് ഒഴിവാക്കണം. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണമെന്നും വൈദ്യുതി ഉപകരണങ്ങളുമായുള്ള സാമിപ്യം ഒഴിവാക്കണമെന്നും സംസ്ഥാന ദുരന്ത നിവാരണ അതോറിറ്റിയുടെ ജാഗ്രതാ നിർദേശത്തിൽ പറയുന്നു.

മന്ത്രിസഭയുടെ രണ്ടാം വാര്‍ഷികത്തിന്റെ ഭാഗമായി സംഘടിപ്പിക്കുന്ന 'കരുതലും കൈത്താങ്ങും' താലൂക്കുതല അദാലത്തിനായി ഒരുങ്ങി തിരുവനന്തപുരം ജില്ല. അദാലത്തിൻ്റെ സുഗമമായ നടത്തിപ്പിനായി എല്ലാ താലൂക്കുകളിലും സംഘാടക സമിതികൾ രൂപീകരിച്ച് ചിട്ടയായ രീതിയിലാണ് പ്രവർത്തനം. ഇതിനോടകം വിവിധ വകുപ്പുകളിലായി ആയിരത്തോളം പരാതികൾ ലഭിച്ചു. പൊതു അവധികൾ കഴിഞ്ഞ് തിങ്കളാഴ്ച മുതൽ സർക്കാർ ഓഫീസുകൾ സജീവമാകുന്നതോടെ കൂടുതൽ പരാതികളെത്തുമെന്നാണ് വിലയിരുത്തൽ.