നെയ്യാശ്ശേരി-തോക്കുമ്പന്‍സാഡില്‍ പദ്ധതിയുടെ ഭാഗമായ വണ്ണപ്പുറം പട്ടയക്കുടി റോഡില്‍ മുളളരിങ്ങാട് കലുങ്കിന്റെ പുനര്‍നിര്‍മ്മാണ പ്രവര്‍ത്തനങ്ങള്‍ തുടങ്ങിയതിനാല്‍ ഇത് വഴിയുളള വാഹന ഗതാഗതം നിരോധിച്ചു. വണ്ണപ്പുറം ഭാഗത്ത് നിന്നും പട്ടയക്കുടി (വെളളക്കയം) വഴി പോകേണ്ട വാഹനങ്ങള്‍ മുളളരിങ്ങാട് ജംഗ്ഷനില്‍ നിന്നും ഇടത്തോട്ട് തിരിഞ്ഞ് പാലം ജംഗ്ഷന്‍ - വലിയകണ്ടം വഴി പട്ടയക്കുടിയില്‍ എത്തിച്ചേരുകയും തിരിച്ച് ഇതേ വഴി തന്നെ യാത്ര ചെയ്യുകയും വേണമെന്ന് കെ.എസ്.ടി.പി പൊന്‍കുന്നം ഡിവിഷന്‍ എക്സിക്യൂട്ടീവ് എഞ്ചിനീയര്‍ അറിയിച്ചു.

'നവകേരളം വ്യത്തിയുളള കേരളം' കാമ്പയ്ന്റെ ഭാഗമായി പുറപ്പുഴ ഗ്രാമപഞ്ചായത്തില്‍ മഴക്കാലപൂര്‍വ ശുചീകരണ പ്രവര്‍ത്തനങ്ങള്‍ ആരംഭിച്ചു. പഞ്ചായത്ത് പ്രസിഡന്റ് തോമസ് പയറ്റനാല്‍ കാമ്പയ്ന്‍ ഉദ്ഘാടനം ചെയ്തു. മാലിന്യ നിര്‍മാര്‍ജ്ജനം സ്വന്തം ഉത്തരവാദിത്തമായി ഏറ്റെടുത്ത് വീടുകളിലെയും സ്ഥാപനങ്ങളിലെയും ജൈവമാലിന്യങ്ങള്‍ ഉറവിടത്തില്‍ തന്നെ ശാസ്ത്രീയമായി സംസ്‌കരിക്കണമെന്നും അജൈവമാലിന്യങ്ങള്‍ തരം തിരിച്ച് ഹരിതകര്‍മ്മ സേനയക്ക് കൈമാറണമെന്നും പ്രസിഡന്റ് പറഞ്ഞു.

ഇടുക്കി ജില്ലയിലെ ദേശീയപാത വികസനം സംബന്ധിച്ച അവലോകന യോഗം ഡീന്‍ കുര്യാക്കോസ് എം പിയുടെ നേതൃത്വത്തില്‍ ജില്ലാ കളക്ടറുടെ ചേംബറില്‍ ചേര്‍ന്നു. ജില്ലാ കളക്ടര്‍ ഷീബാ ജോര്‍ജ് അധ്യക്ഷത വഹിച്ചു. അടിമാലി-കുമളി ദേശീയപാത 185 ന്റെ അലൈന്‍മെന്റ് കല്ലിടുന്ന പ്രവൃത്തി മെയ് 15 ന് മുമ്പ് ആരംഭിക്കാന്‍ യോഗത്തില്‍ തീരുമാനിച്ചു. പാതയുടെ പുതുക്കിയ ത്രീ എ ഡ്രാഫ്റ്റ് പ്രൊപ്പോസലും അലൈന്‍മെന്റ് സ്‌കെച്ചും ഒരാഴ്ചക്കകം നല്‍കണമെന്ന് ദേശീയപാതാ ഉദ്യോഗസ്ഥര്‍ക്ക് നിര്‍ദേശം നല്‍കി.

ഊർജ വകുപ്പിന് കീഴിലുള്ള എനർജി മാനേജ്‌മെന്റ് സെന്ററിൽ പ്രവർത്തിക്കുന്ന ക്ലീൻ എനർജി ഇന്നൊവേഷൻ ആൻഡ് ബിസിനസ് ഇൻകുബേഷൻ സെന്റർ നടത്തിയ ക്ലീൻ ടെക് ചാലഞ്ചിലെ വിജയികളെ പ്രഖ്യാപിച്ചു. ചാലഞ്ചിൽ പങ്കെടുക്കുന്നതിന് ലഭിച്ച നൂറ് നൂതന ആശയങ്ങളിൽ നിന്നും പത്ത് ആശയങ്ങളാണ് തെരഞ്ഞെടുത്തത്. ക്ലീൻ എനർജി മേഖലയിൽ പ്രാവർത്തികമാക്കാവുന്നതാണ് ഈ ആശയങ്ങൾ. ഇന്ന് തിരുവനന്തപുരം ഉദയ് പാലസ് കൺവെൻഷൻ സെന്ററിൽ വെച്ച് നടന്ന ചടങ്ങിൽ വൈദ്യൂതി വകുപ്പ് മന്ത്രി കെ.കൃഷ്ണൻകുട്ടിയാണ് വിജയികളെ പ്രഖ്യാപിച്ചത്.

പാമ്പാടുംപാറ ഗ്രാമപഞ്ചായത്തില്‍ രണ്ടാംഘട്ടം ലൈഫ് ഭവനപദ്ധതിയുടെ ആദ്യഘട്ട ചെക്ക് വിതരണം പഞ്ചായത്ത് പ്രസിഡന്റ് എസ് മോഹനന്‍ നിര്‍വഹിച്ചു. പഞ്ചായത്ത് കോണ്‍ഫറന്‍സ് ഹാളില്‍ സംഘടിപ്പിച്ച ചടങ്ങില്‍ പട്ടികജാതി വിഭാഗത്തില്‍ നിന്നുള്ള പവന്‍ തായ്ക്ക് ആദ്യ ചെക്ക് നല്‍കി. പട്ടികജാതി വിഭാഗത്തില്‍ നിന്നും 13 പേര്‍ക്കും പട്ടികവര്‍ഗ്ഗ വിഭാഗത്തില്‍ നിന്നുള്ള ഒരാള്‍ക്കുമാണ് ഉദ്ഘാടന ചടങ്ങില്‍ ആദ്യഘട്ട തുകയായ 40,000 രൂപയുടെ ചെക്ക് കൈമാറിയത്.

 2035-ഓടെ കേരളത്തിലെ ജനങ്ങളിൽ 90 ശതമാനവും നഗരവാസികളാകുമെന്ന കണക്കിന്റെ അടിസ്ഥാനത്തിൽ നഗരാസൂത്രണ പദ്ധതികൾ ക്രിയാത്മകമായും വേഗത്തിലും നടപ്പിലാക്കുമെന്ന് മുഖ്യമന്ത്രി പിണറായി വിജയൻ പറഞ്ഞു

 സാങ്കേതിക പ്ലാറ്റ്‌ഫോമായ കണ്ടിന്യൂസ്ലി  ഓപ്പറേറ്റിംഗ് റഫറൻസ് സ്റ്റേഷന്റെ (CORS) പ്രവർത്തനം ആരംഭിക്കുന്നതോടെ ഡിജിറ്റൽ റീസർവ്വേ കൂടുതൽ കൃത്യതയുള്ളതായി മാറുമെന്ന് മന്ത്രി കെ രാജൻ അഭിപ്രായപ്പെട്ടു.

ഡി.എൽ.എഡ്. (അറബിക്, ഉറുദു, ഹിന്ദി, സംസ്‌കൃതം) നവംബർ 2022 നാലാം സെമസ്റ്റർ പരീക്ഷാ ഫലം പ്രസിദ്ധീകരിച്ചു.

സംസ്ഥാന ഐടി വകുപ്പിൻകീഴിലെ അന്താരാഷ്ട്ര സ്വതന്ത്ര സോഫ്റ്റ് വെയർ കേന്ദ്രത്തിന്റെ (ഐസിഫോസ്) ഓപ്പൺ ഹാർഡ് വെയർ, ഓപ്പൺ ഐ ഒ റ്റി, ലാംഗ്വേജ് കമ്പ്യൂട്ടിങ്, മെഷീൻ ലേണിങ്, അസിസ്റ്റീവ് ടെക്‌നോളജി, ഇ-ഗവേണൻസ്, സോഫ്റ്റ് വെയർ ഡെവലപ്‌മെന്റ്, സ്വതന്ത്ര ഇങ്

കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്യൂണിക്കേഷനിൽ ഏഴാം ബാച്ച് ഫോട്ടോ ജേർണലിസം ഡിപ്ലോമ കോഴ്‌സിന്റെ പരീക്ഷാഫലം പ്രഖ്യാപിച്ചു.  അക്കാദമി തിരുവനന്തപുരം സെന്ററിലെ അമൽ വി.ടി ഒന്നാം റാങ്കിനും കൊച്ചി സെന്ററിലെ  അർജുൻ കെ.എം രണ്ടാം റാങ്കിനും അതുൽ കൃഷ്ണൻ ഇ.ബി. മൂന്നാം റാങ്കിനും അർഹരായി.