ഇൻഫർമേഷൻ പബ്‌ളിക് റിലേഷൻസ് വകുപ്പിന്റെ ഡോക്യുമെന്ററി, ഹൃസ്വചിത്രം നിർമിക്കുന്ന സംവിധായകരുടെ പാനലിലേക്ക് അപേക്ഷിക്കാനുള്ള തീയതി മാർച്ച് ആറ് വരെ നീട്ടി. മൂന്നു വിഭാഗങ്ങളിലേക്കാണ് ഡോക്യുമെന്ററി സംവിധായകരുടെ അപേക്ഷ ക്ഷണിച്ചിരിക്കുന്നത്. 

ജില്ലാ ഉപദേശക സമിതി യോഗം ഫെബ്രുവരി 27 രാവിലെ 11ന് ജില്ലാ മെഡിക്കല്‍ ഓഫീസറുടെ ചേമ്പറില്‍ ചേരും. 

പാവയ്ക്ക കൊണ്ടൊരു വ്യാളി, കാബേജും ക്യാരറ്റും ബീറ്റ്‌റൂട്ടും കൊണ്ട്  മയില്‍, പച്ചമുളക് ഉപയോഗിച്ചൊരു കോഴി, വിവിധയിനം പൂക്കള്‍ കൊണ്ടുണ്ടാക്കിയ ബൊക്കെകള്‍... സംസ്ഥാന സര്‍ക്കാരിന്റെ 1000 ദിനത്തോടനുബന്ധിച്ച് നാഗമ്പടം മൈതാനിയില്‍ കാര്‍ഷിക വികസന കര്‍ഷക ക്ഷേമ വകുപ്പ് ഒരുക്കിയ സ്റ്റാളില്‍ വെജിറ്റബിള്‍ കാര്‍വിംഗിലൂടെയും ഫ്‌ലവര്‍ അറേഞ്ച്‌മെന്റിലൂടെയും നിര്‍മ്മിച്ച രൂപങ്ങളാണിവയൊക്കെ. മില്‍ക്ക് ഫ്രൂട്ട്, ബെര്‍ഫ്രൂട്ട്, വിയറ്റ്‌നാം സൂപ്പര്‍ ഏര്‍ലി ചക്ക, ഡ്രാഗണ്‍ ഫ്രൂട്ട്, ദുരിയാന്‍, മിറക്കിള്‍ ഫ്രൂട്ട്, ലോങ്ങന്‍ എന്നീ വിദേശ  ഫലവര്‍ഗ്ഗങ്ങള്‍ ജനങ്ങള്‍ക്ക് പരിചയപ്പെടാനും ഇവിടെ അവസരമുണ്ട്.

ലിംഗനീതി അടിസ്ഥാനമാക്കി ഉയര്‍ന്ന് വരുന്ന ചോദ്യങ്ങള്‍ക്ക് മറുപടി നല്‍കേണ്ട ബാധ്യത സമൂഹത്തിനുണ്ടെന്ന് സാക്ഷരത മിഷന്‍ ഡയറക്ടര്‍ ഡോ. പി. എസ് ശ്രീകല. സംസ്ഥാന സര്‍ക്കാരിന്റെ 1000 ദിനാഘോഷത്തിനോടനുബന്ധിച്ച്

സമകാലീന സ്ത്രീ എന്ന വിഷയത്തില്‍ മുഖ്യ പ്രഭാഷണം നടത്തി സംസാരിക്കുകയായിരുന്നു അവര്‍. സമകാലീന സ്ത്രീയുടെ അവകാശങ്ങളും സ്വാതന്ത്ര്യവും ചിന്താശേഷിയും അടിച്ചമര്‍ത്തുന്ന പ്രവണത ഇല്ലായ്മ ചെയ്യണം. ഭാരതത്തിലെ ഇതിഹാസങ്ങള്‍ ഉയര്‍ത്തിക്കാട്ടുന്ന സ്ത്രീയുടെ സ്വതന്ത്ര ചിന്താഗതികള്‍ പൂര്‍ണ്ണമായും അവഗണിച്ചാണ് സ്ത്രീ വിരുദ്ധതയുടെ അവലംബങ്ങള്‍ ഉയര്‍ത്തിക്കാട്ടുന്നത്.

ബാലവേലയ്‌ക്കെതിരെ ശക്തമായ നടപടികള്‍ സ്വീകരിക്കണമെന്നും ഹോട്ടലുകളിലെ പിന്നാമ്പുറങ്ങളിലും മറ്റും ബാലവേല ചെയ്യുന്ന കുട്ടികളുടെ പുനരധിവാസം  കാര്യക്ഷമമാക്കണമെന്നും തിരുവഞ്ചൂര്‍ രാധാകൃഷ്ണന്‍ എം എല്‍ എ. മാനസിക ബുദ്ധിമുട്ടുകള്‍ നേരിടുന്ന കുട്ടികളുടെ പ്രായമനുസരിച്ച് എല്ലാവിധ സഹായങ്ങളും ഉറപ്പാക്കാന്‍  തദ്ദേശ സ്വയംഭരണ സ്ഥാപനങ്ങള്‍ ശ്രമിക്കണമെന്നും അദ്ദേഹം പറഞ്ഞു.

സംസ്ഥാന സര്‍ക്കാരിന്റെ 1000 ദിനാഘോഷത്തോടനുബന്ധിച്ച് നാഗമ്പടം മൈതാനിയില്‍  ഇന്ന് ( ഫെബ്രുവരി 22) രാവിലെ 10ന് ജലജന്യരോഗങ്ങളും ജലസംരക്ഷണവും എന്ന വിഷയത്തില്‍ ആരോഗ്യ വകുപ്പും  ഉച്ചയക്ക് 2ന് കേരളത്തിന്റെ കായിക ശക്തി എന്ന വിഷയത്തില്‍ ജില്ലാ സ്പോര്‍ട്സ് കൗണ്‍സിലും സെമിനാര്‍ നടത്തും

(കെ.ഐ.ഒ.പി.ആര്‍-340/19) 

സംസ്ഥാന സര്‍ക്കാരിന്റെ 1000 ദിനാഘോഷത്തിന്റെ ഭാഗമായി മൃഗസംരക്ഷണ വകുപ്പിന്റെ നേതൃത്വത്തില്‍ നാളെ( ഫെബ്രുവരി 23) രാവിലെ 10 മണിയ്ക്ക്  മൃഗസംരക്ഷണം വരുമാനത്തിന്റെ പുതുവഴികള്‍ എന്ന വിഷയത്തില്‍ സെമിനാര്‍ സംഘടിപ്പിക്കും. നാഗമ്പടം മൈതാനിയില്‍ നടക്കുന്ന ഉത്പന്ന പ്രദര്‍ശന വിപണനമേളയോടനുബന്ധിച്ചാണ് സെമിനാര്‍ സംഘടിപ്പിക്കുന്നത്. സെമിനാര്‍ അഡ്വ.കെ സുരേഷ് കുറുപ്പ് എം.എല്‍.എ ഉദ്ഘാടനം ചെയ്യും. മൃഗസംരക്ഷണ വകുപ്പ് അസി.ഡയറക്ടര്‍ ഡോ. ഡി.ഷൈന്‍കുമാര്‍ സെമിനാര്‍ നയിക്കും. 

 (കെ.ഐ.ഒ.പി.ആര്‍-339/19)