പൊതു വിദ്യാഭ്യാസ വകുപ്പിലെ സർക്കാർ ഹൈസ്‌ക്കൂൾ അധ്യാപകർ, പ്രൈമറി  വിഭാഗം പ്രാധാനാധ്യാപകർ/പ്രൈമറി അധ്യാപകർ എന്നിവരിൽ നിന്നും 2019-20 അധ്യയനവർഷത്തേയ്ക്ക് റവന്യൂ ജില്ലാതലത്തിലെ ഓൺലൈൻ പൊതുസ്ഥലം മാറ്റത്തിനുള്ള അപേക്ഷ ക്ഷണിച്ചു. അപേക്ഷ മാർച്ച് ഒന്ന് മുതൽ 12 വൈകുന്നേരം അഞ്ച് മണിവരെ സമർപ്പിക്കാം. വിശദാംശങ്ങൾ www.transferandpostings.in  എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 692/19

കേരള സംസ്ഥാന സാംസ്‌കാരിക പ്രവർത്തക ക്ഷേമനിധി ബോർഡ് പെൻഷൻ വാങ്ങുന്ന കലാകാര•ാർ തുടർന്ന് പെൻഷൻ ലഭിക്കുന്നതിന് ഗസറ്റഡ് ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ് മാർച്ച് 31 ന് മുൻപ് ഹാജരാക്കണമെന്ന് ക്ഷേമനിധി ബോർഡ് സെക്രട്ടറി അറിയിച്ചു. യഥാസമയം ലൈഫ് സർട്ടിഫിക്കറ്റ് ഹാജരാക്കാത്തവരുടെ പെൻഷൻ മറ്റൊരു അറിയിപ്പ് കൂടാതെ തന്നെ തടഞ്ഞുവയ്ക്കും. ഇതുവരെ ആധാർ കോപ്പി നൽകാത്തവർ ആധാറിന്റെ പകർപ്പും ഹാജരാക്കണം. സർട്ടിഫിക്കറ്റിന്റെ മാതൃകwww.cwb.kerala.gov.in  എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 691/19

വടക്കേ മലബാറിന്റെ അനുഷ്ഠാനകലാരൂപമായ തെയ്യത്തെക്കുറിച്ച് കൂടുതൽ പഠിക്കുന്നതിനും പരിപോഷിപ്പിക്കുന്നതിനുമായി കണ്ണൂരിലെ കല്യാശ്ശേരി നിയോജകമണ്ഡലത്തിലെ ചന്തപ്പുരയിൽ മ്യൂസിയം സ്ഥാപിക്കുന്നു. സംസ്ഥാന സർക്കാരിന്റെ 1000 ദിനാഘോഷങ്ങളുടെ ഭാഗമായി മ്യൂസിയത്തിന്റെ ശിലാസ്ഥാപനം ഈ മാസം 28ന് തുറമുഖം, മ്യൂസിയം, പുരാരേഖ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി നിർവഹിക്കും. ടി.വി.രാജേഷ് എം.എൽ.എ അധ്യക്ഷത വഹിക്കും. പി.കരുണാകരൻ എം.പി മുഖ്യാതിഥിയാവും. കവിയും ഗാനരചയിതാവുമായ കൈതപ്രം ദാമോദരൻ നമ്പൂതിരി മുഖ്യപ്രഭാഷണം നടത്തും. തുടർന്ന് നാടൻപാട്ട്, നാടകം തുടങ്ങിയ കലാരൂപങ്ങളും ഉണ്ടാവും.

വട്ടിയൂർക്കാവ് സെൻട്രൽ പോളിടെക്‌നിക് കോളേജിലെ അധ്യാപക രക്ഷാകർതൃ സമിതിയുടെ വാർഷിക ജനറൽബോഡി യോഗം ഈ മാസം 27 ന് രാവിലെ 11 ന് കോളേജ് ആഡിറ്റോറിയത്തിൽ നടത്തുമെന്ന് പ്രിൻസിപ്പാൾ അറിയിച്ചു.

പി.എൻ.എക്സ്. 689/19

കേരള സംസ്ഥാന ഭവന നിർമ്മാണ ബോർഡിൽ ഡെപ്യൂട്ടേഷൻ/കരാർ അടിസ്ഥാനത്തിൽ ചീഫ് എഞ്ചിനീയറെ നിയമിക്കുന്നതിന് പുതുക്കിയ മാനദണ്ഡങ്ങൾ ചേർത്ത് അപേക്ഷ ക്ഷണിച്ചു. വിശദ വിവരങ്ങൾക്ക് ബോർഡിന്റെ  www.kshb.kerala.gov.in  എന്ന വെബ്‌സൈറ്റ് സന്ദർശിക്കണം.

പി.എൻ.എക്സ്. 688/19

കേരള സർക്കാരിന്റെ ഉപഭോക്തൃകാര്യവകുപ്പിനു വേണ്ടി 45 സെക്കന്റ് ദൈർഘ്യമുള്ള പരസ്യ ചിത്രം നിർമ്മിച്ചു നൽകുന്നതിന് അപേക്ഷ ക്ഷണിച്ചു.

വകുപ്പിൽ സമർപ്പിക്കുന്ന സ്റ്റോറി ബോർഡും ബഡ്ജറ്റും വിദഗ്ധ സമിതി പരിശോധിച്ച ശേഷം ആശയത്തിന്റെ ഗുണനിലവാരത്തിന്റെയും നിർമ്മാണ ചിലവിന്റെയും അടിസ്ഥാനത്തിൽ നിർമ്മാണത്തിന് അനുമതി നൽകും. 'ഉപഭോക്തൃ ശാക്തികരണം' എന്ന വിഷയത്തിലൂന്നിയുള്ള ആശയങ്ങളാണ് തീയറ്റർ പ്രദർശനത്തിനുതകുന്ന റെസല്യൂഷനിൽ പരസ്യ ചിത്രങ്ങളായി സമർപ്പിക്കേണ്ടത്.

* മൂന്നുദിവസത്തെ നാഷണൽ സ്റ്റുഡൻറ്‌സ് പാർലമെൻറിന് തുടക്കമായി

ജനാധിപത്യ സംവിധാനത്തിൽ നിന്ന് മാറിനിൽക്കുകയല്ല, അതിൽ പോരായ്മകൾ ഉണ്ടെങ്കിൽ പരിഹരിക്കാനാണ് യുവാക്കൾ ശ്രമിക്കേണ്ടതെന്ന് ഗവർണർ പി. സദാശിവം പറഞ്ഞു. കേരള നിയമസഭയുടെ വജ്രജൂബിലി ആഘോഷ പരിപാടികളുടെ ഭാഗമായ 'ഫെസ്റ്റിവൽ ഓൺ ഡെമോക്രസി'യിലെ രണ്ടാമത്തെ പരിപാടിയായ 'നാഷണൽ സ്റ്റുഡൻറ്‌സ് പാർലമെൻറ്-കേരള 2019' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

** സ്ത്രീകള്‍ക്ക് സ്വയരക്ഷ അഭ്യാസമുറകള്‍ പരിശീലിക്കാം
** ദിവസേന ഡോഗ് ഷോ
സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ഭാഗമായി സെന്‍ട്രല്‍ സ്റ്റേഡിയത്തില്‍ സജ്ജീകരിച്ചിരിക്കുന്ന പോലീസ് വകുപ്പിന്റെ സ്റ്റാള്‍ വ്യത്യസ്തമാവുകയാണ്. പോലീസിന്റെ ഭാഗമായിരുന്ന പഴയ കാല ആയുധങ്ങളും ഉപകരണങ്ങളും ഒപ്പം അത്യാധുനിക സംവിധാനങ്ങളും ഇവിടെത്തുന്നവര്‍ക്ക് കാണാനാകും. പഴയതും പുതിയതുമായ തോക്കുകള്‍, വെടിയുണ്ടകള്‍, ടിയര്‍ഗ്യാസ്, ടിയര്‍ സ്‌മോക്ക് ഉപകരണങ്ങള്‍ എന്നിവ അടുത്തുകാണാനും അറിയാനും ഇവിടെ അവസരമുണ്ട്.

തലസ്ഥാന ജില്ലയിലെ വ്യവസായ മേഖലയില്‍ വന്‍ വികസനക്കുതിപ്പ്. സര്‍ക്കാര്‍ അധികാരത്തിലെത്തി 1000 ദിവസങ്ങള്‍ക്കിടെ 4283 വ്യവസായ യൂണിറ്റുകള്‍ ജില്ലയില്‍ പുതുതായി തുടങ്ങി. സൂക്ഷ്മ - ചെറുകിട - ഇടത്തരം വ്യവസായ മേഖലയില്‍ തുടങ്ങിയ ഈ യൂണിറ്റുകള്‍വഴി 246 കോടി രൂപയുടെ നിക്ഷേപമാണുണ്ടായത്.