കുവൈറ്റിലേക്ക് ഗാർഹികതൊഴിലാളി, കെയർടേക്കർ, ടെയിലർ ജോലികൾക്ക് മുപ്പതിനും നാല്പ്പതിനും മധ്യേ പ്രായമുളള വനിതകളെ നോർക്ക റൂട്ട്‌സ് മുഖേന തെരഞ്ഞെടുക്കുന്നു. ശമ്പളം 120-170 കെ.ഡി (ഏകദേശം 28,000-40,000 രൂപ). തെരഞ്ഞെടുക്കപ്പെടുന്നവർക്ക് വിസ, വിമാന ടിക്കറ്റ്, താമസം, ഭക്ഷണം എന്നിവ ഉൾപ്പെടെ റിക്രൂട്ടമെന്റ് സൗജന്യമാണ്. താൽപര്യമുളളവർ norkadsw@gmail.com ലേക്ക് വിശദമായ ബയോഡേറ്റ, ഫുൾ സൈസ് ഫോട്ടോ എന്നിവ ഫെബ്രുവരി 28ന് മുമ്പ് അയക്കണം. കൂടുതൽ വിവരങ്ങൾക്ക് 1800-425-3939

പി.എൻ.എക്സ്. 704/19

കേരള കർഷകത്തൊഴിലാളിക്ഷേമനിധി ബോർഡ് അംശാദായം അടക്കുന്നതിൽ 24 മാസത്തിൽ കൂടുതൽ കുടിശ്ശിക വരുത്തി അംഗത്വം നഷ്ടപ്പെട്ട തൊഴിലാളികൾക്ക് കാലപരിധിയില്ലാതെ അംശാദായ കുടിശ്ശിക പിഴ സഹിതം അടച്ച് ഫെബ്രുവരി 28 വരെ അംഗത്വം പുന:സ്ഥാപിക്കാം. കുടിശ്ശിക വരുത്തിയ ഓരോ വർഷത്തിനും പത്തുരൂപ നിരക്കിൽ പിഴ ഈടാക്കും. 60 വയസ്സ് പൂർത്തിയാക്കിയ അംഗത്തിന് കുടിശ്ശിക അടക്കുന്നതിനും അംഗത്വം പുന:സ്ഥാപിക്കുന്നതിനും അവസരം ലഭിക്കില്ലെന്ന്. വെൽഫയർ ഫണ്ട് ഓഫീസർ അറിയിച്ചു.

പി.എൻ.എക്സ്. 703/19

പട്ടികവർഗ വികസന വകുപ്പിന്റെ കീഴിൽ തിരുവനന്തപുരം ഇലഞ്ചിയം ഞാറനീലിയിൽ പ്രവർത്തിക്കുന്ന ഡോ. അംബേദ്കർ വിദ്യാനികേതൻ സി.ബി.എസ്.ഇ സ്‌കൂളിൽ കരാറടിസ്ഥാനത്തിൽ ട്രെയിൻഡ് പോസ്റ്റ് ഗ്രാജുവേറ്റ് ടീച്ചേഴ്‌സ്, ട്രെയിൻഡ് ഗ്രാജുവേറ്റ് ടീച്ചേഴ്‌സ് തസ്തികകളിലും കുറ്റിച്ചലിലെ ജി. കാർത്തികേയൻ മെമ്മോറിയൽ സി.ബി.എസ്.ഇ സ്‌കൂളിൽ രണ്ട് ഗ്രാജുവേറ്റ് ടീച്ചേഴ്‌സ് തസ്തികകളിലും നിയമിക്കുന്നതിനു സി.ബി.എസ്.ഇ സിലബസ് പ്രകാരം പ്രവർത്തിക്കുന്ന സ്‌കൂളിൽ അധ്യാപന പരിചയമുള്ളവരിൽ നിന്ന് അപേക്ഷ ക്ഷണിച്ചു.

അങ്കണവാടി ക്ഷേമനിധി ബോർഡിൽ നിന്ന് പെൻഷൻ വാങ്ങുന്ന ഗുണഭോക്താക്കൾ ലൈഫ് സർട്ടിഫിക്കറ്റുകൾ ബന്ധപ്പെട്ട ശിശുവികസന പദ്ധതി ഓഫീസിൽ നൽകണം.  ജില്ലാ സാമൂഹ്യനീതി ഓഫീസർ ഇത് ക്രോഡീകരിച്ച് മാർച്ച് 15നകം ചീഫ് എക്‌സിക്യൂട്ടീവ് ഓഫീസർ, അങ്കണവാടി ക്ഷേമനിധി ബോർഡ,് പൂജപ്പുര എന്ന വിലാസത്തിൽ അയക്കണമെന്ന് ചീഫ് എക്‌സിക്യൂട്ടീവ് ഓഫീസർ അറിയിച്ചു.

പി.എൻ.എക്സ്. 701/19

കാക്കനാട്:  ബ്രഹ്മപുരത്ത് അടിക്കടിയുണ്ടാകുന്ന തീപിടുത്തം സംബന്ധിച്ച് സമഗ്രമായ പോലീസന്വേഷണം വേണമെന്ന് കളക്ടറേറ്റില്‍ ചേര്‍ന്ന ജില്ലാ വികസനസമിതിയോഗം ആവശ്യപ്പെട്ടു. ബ്രഹ്മപുരം ഉള്‍ക്കൊളളുന്ന കുന്നത്തുനാട് മണ്ഡലത്തിലെ എംഎല്‍എ വി.പി സജീന്ദ്രനാണ് വിഷയം സമിതിയുടെ ശ്രദ്ധയില്‍ പെടുത്തിയത്

*കേരളമുടനീളം സ്‌പെഷ്യൽ ക്യാമ്പുകൾ മാർച്ച് രണ്ടിനും മൂന്നിനും

അന്തിമവോട്ടർപട്ടികയിൽ പേരുണ്ടോ എന്ന് ഉറപ്പാക്കാനും ഇല്ലെങ്കിൽ പേര് ചേർക്കാനും അവസരമൊരുക്കി തിരഞ്ഞെടുപ്പ് കമ്മീഷൻ സ്‌പെഷ്യൽ ക്യാമ്പുകൾ സംഘടിപ്പിക്കുന്നു. കേന്ദ്ര തിരഞ്ഞെടുപ്പ് കമ്മീഷൻ തീരുമാനമനുസരിച്ച് എല്ലാ ജില്ലകളിലും പോളിംഗ് ലൊക്കേഷനുകളിൽ മാർച്ച് രണ്ടിനും മൂന്നിനും ക്യാമ്പുകൾ നടത്താൻ മുഖ്യ തിരഞ്ഞെടുപ്പ് ഓഫീസർ ടീക്കാറാം മീണ നിർദേശം നൽകി. 

കേന്ദ്രാവിഷ്‌കൃത പദ്ധതിയായ പ്രധാനമന്ത്രി മാതൃവന്ദന യോജന (പി.എം.എം.വി.വൈ) പദ്ധതിയിൽ 2019 ജനുവരി 21 വരെ വിതരണം ചെയ്തത് 75.90 കോടി രൂപ.  2,27,110 ഗുണഭോക്താക്കൾക്ക് ഇതിന്റെ പ്രയോജനം ലഭിച്ചു.  2018 ജനുവരി മുതലാണ് അപേക്ഷകൾ സ്വീകരിച്ചത്.  സ്ത്രീകളുടെ ആദ്യ ഗർഭധാരണം, ആദ്യ പ്രസവം എന്നിവയാണ് ആനുകൂല്യത്തിന് പരിഗണിക്കുന്നത്.  ആധാർ അധിഷ്ഠിത ബാങ്ക് അക്കൗണ്ട് ഗുണഭോക്താവിനുണ്ടാവണം.  ഈ അക്കൗണ്ടിലേക്കാണ് തുക നൽകുന്നത്.  5000 രൂപയാണ് ആനുകൂല്യം.  ഇതു സംബന്ധിച്ച മാർഗനിർദ്ദേശം  wcd.nic.in ൽ ലഭ്യമാണ്.

പി.എൻ.എക്സ്. 697/19

സി-ഡാക്കിന് കീഴിലുള്ള ഇ.ആർ ആന്റ് ഡി.സി.ഐ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ കമ്പ്യൂട്ടർ സയൻസ് പഠിപ്പിക്കുന്നതിന് ഗസ്റ്റ് അധ്യാപകനെ കരാറടിസ്ഥാനത്തിൽ നിയമിക്കുന്നതിന് 27ന് രാവിലെ 9.30 മുതൽ വാക്ക്-ഇൻ-ഇന്റർവ്യൂ നടത്തും.  അംഗീകൃത സർവകലാശാലയിൽ നിന്ന് കമ്പ്യൂട്ടർ സയൻസിൽ എം.ഇ/എം.ടെക് ഉള്ളവർക്ക് അപേക്ഷിക്കാം.  മണിക്കൂറിന് 350 രൂപയാണ് ഓണറേറിയം.  വയസ്, യോഗ്യത എന്നിവ തെളിയിക്കുന്ന രേഖകൾക്കൊപ്പം ബയോഡേറ്റയുമായി വെള്ളയമ്പലത്തെ സി-ഡാക്ക് ഓഫീസിലെത്തണം.  രണ്ട് ഫോട്ടോ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ്, പ്രവൃത്തിപരിചയ സർട്ടിഫിക്കറ്റ്, തിരിച്ചറിയൽ രേഖ എന്നിവയും ഹാജരാകണം.