2019 മാർച്ചിലെ എസ്.എസ്.എൽ.സി പരീക്ഷയുടെ ഉത്തരക്കടലാസുകൾ മൂല്യനിർണ്ണയം ചെയ്യുന്നതിന് എച്ച്.എസ്.എ.മാരിൽ നിന്നും അപേക്ഷ ക്ഷണിച്ചു. യോഗ്യരായ അദ്ധ്യാപകർ നിശ്ചിത ഫോർമാറ്റിലുളള അപേക്ഷകൾ 26ന് മുമ്പ് പ്രഥമാദ്ധ്യാപകർക്ക് നൽകണം. 27 മുതൽ പ്രഥമാദ്ധ്യാപകർക്ക് ഐഎക്‌സാമസിൽ എച്ച്.എം.ലോഗിൻ വഴി അപേക്ഷകളുടെ വിവരങ്ങൾ ഓൺലൈനായി സമർപ്പിക്കാം. സമർപ്പിച്ചശേഷം കൺഫേം ബട്ടൺ ക്ലിക്ക് ചെയ്ത് സമർപ്പണം പൂർത്തീകരിക്കണം. അവസാന തീയതി മാർച്ച് അഞ്ച്. മാർച്ച് ആറ് മുതൽ നിയമന ഉത്തരവ് ഡൗൺലോഡ് ചെയ്യാം.

പി.എൻ.എക്സ്. 695/19

മികവിന്റെ കേന്ദ്രങ്ങളായി മാറിയ ജില്ലയിലെ സ്‌കൂളുകളുടെ പ്രവര്‍ത്തനങ്ങള്‍ നേരിട്ട് അറിയണോ...? എങ്കില്‍ സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് ശബരിമല ഇടത്താവളത്തില്‍ സംഘടിപ്പിച്ചിരിക്കുന്ന മേളയിലേക്ക് പോന്നോളു...സംസ്ഥാന സര്‍ക്കാരിന്റെ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രങ്ങളായി മാറിയ ജില്ലയിലെ സ്‌കൂളുകളിലെ പ്രവര്‍ത്തനങ്ങളുടെ നേര്‍സാക്ഷ്യമാണ് പൊതുവിദ്യാഭ്യാസ വകുപ്പിന്റെ സ്റ്റാള്‍. വിദ്യാര്‍ത്ഥികള്‍ക്ക് വേണ്ടി സര്‍ക്കാര്‍ ഒരുക്കിയിരിക്കുന്ന എല്ലാ പദ്ധതികളും സന്ദര്‍ശകര്‍ക്ക് പരിചയപ്പെടുത്തുന്ന വിധത്തിലാണ് സ്റ്റാള്‍ ക്രമീകരിച്ചിരിക്കുന്നത്.  

അന്തരീക്ഷ താപം ക്രമാതീതമായി ഉയര്‍ന്ന സാഹചര്യത്തില്‍ സൂര്യാഘാതം, ശരീര താപ ശോഷണം, സൂര്യാതപത്തിലുള്ള പൊള്ളല്‍ തുടങ്ങിയ ആരോഗ്യപ്രശ്‌നങ്ങള്‍ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ അറിയിച്ചു. 

ആറന്‍മുള മണ്‍ശില്പങ്ങള്‍ ചരിത്രത്തിന്റെ ഉത്‌ഘോഷമാണെന്ന് മന്ത്രി കെ കൃഷ്ണന്‍കുട്ടി പറഞ്ഞു. പമ്പാ നദീതട പഠന ഗവേഷണ സമിതി, സംസ്ഥാന ആര്‍ക്കിയോളജി, സാംസ്‌ക്കാരിക വകുപ്പ് എന്നിവയുടെ സംയുക്താഭിമുഖ്യത്തില്‍ നടന്ന ദേശീയ സെമിനാര്‍ ഉത്ഘാടനം ചെയ്തു സംസാരിക്കുകയായിരുന്നു മന്ത്രി.

കോട്ടാങ്ങല്‍ പഞ്ചായത്തിലെ കുടിവെള്ള പദ്ധതി സംസ്ഥാനത്തിന് മാതൃകയെന്ന് ജലവിഭവവകുപ്പ് മന്ത്രി കെ.കൃഷ്ണന്‍കുട്ടി. കോട്ടാങ്ങല്‍ ഗ്രാമപഞ്ചായത്തിലെ പതിനൊന്നാം വാര്‍ഡ് നെടുംപാല കുടിവെളള പദ്ധതി നെടുംപാലത്തടം കുടിവെളള ടാങ്കിന് സമീപം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോട്ടാങ്ങല്‍ നിവാസികളുടെ കൂട്ടായ്മയുടെ ഫലമായാണ് ഇത്തരമൊരു പദ്ധതി വേഗത്തില്‍ നടപ്പിലായതെന്നും,  ജലക്ഷാമം പരിഹരിക്കാന്‍ കഴിയുകെയന്നത് വലിയൊരു ഉദ്യമമാണെന്നും അദ്ദേഹം പറഞ്ഞു. മനുഷ്യന് ഏറ്റവും വലുത് വായുവും ജലവുമാണെന്നും ജലമില്ലാതിരിക്കുമ്പോഴാണ് അതിന്റെ ബുദ്ധിമുട്ട് മനസിലാകുന്നതെന്നും മന്ത്രി പറഞ്ഞു. 

സാമ്പത്തിക ബുദ്ധിമുട്ട് അനുഭവിക്കുന്ന വിധവകളായ വനിതകളുടെ പ്രൊഫഷണല്‍ കോഴ്‌സുകള്‍ക്ക് പഠിക്കുന്ന കുട്ടികള്‍ക്ക് വിദ്യാഭ്യാസ ധനസഹായം നല്‍കുന്ന പടവുകള്‍ പദ്ധതിയിലേക്ക് ലഭിച്ച അപേക്ഷ പരിശോധിക്കുതിന് 27ന് ഉച്ചയ്ക്ക് രണ്ടിന് കളക്ടറേറ്റില്‍ യോഗം ചേരും.                     (പിഎന്‍പി 671/19)