പട്ടികവര്‍ഗ്ഗ സുസ്ഥിരവികസന പരിപാടിയുടെ ഭാഗമായി നിലമ്പൂര്‍ പട്ടികവര്‍ഗ്ഗ പ്രത്യേക പദ്ധതിക്കു കീഴില്‍കുടുംബശ്രീജില്ലാമിഷന്റെആഭിമുഖ്യത്തില്‍ നടക്കുന്ന ദേശീയസെമിനാര്‍ നങ്ക മോടക്ക്തുടക്കമായി. നിലമ്പൂര്‍ ഒ.സി.കെഓഡിറ്റോറിയത്തില്‍ നടന്ന ചടങ്ങില്‍ വ്യവസായ വകുപ്പ് മന്ത്രി ഇ.പി. ജയരാജന്‍ പരിപാടി ഉദ്ഘാടനം ചെയ്തു. ചടങ്ങില്‍  പി.വി.അന്‍വര്‍ എം.എല്‍.എ അധ്യക്ഷനായിരുന്നു. പി.വി.അബ്ദുല്‍വഹാബ് എം.പി  മുഖ്യാതിഥിയായിരുന്നു.

ജില്ലയിലെ വഖഫ് വക ഭൂമികള്‍ സര്‍വ്വെ റിക്കാര്‍ഡ്  തയ്യാറാക്കുന്നതിന് ജില്ലാ സര്‍വ്വെ സൂപ്രണ്ടിന്റെ നേതൃത്വത്തില്‍ സര്‍വ്വെയര്‍മാരെ നിയമിച്ചിട്ടുണ്ട്. അതിനാല്‍ കൊണ്ടോട്ടി താലൂക്കിലെ വഖഫ് സ്ഥലങ്ങള്‍ സര്‍വെ ചെയ്യുന്നതിന് മുന്നോടിയായി ബന്ധപ്പെട്ടവരെ ഉള്‍പ്പെടുത്തി ഫെബ്രുവരി 20ന് വൈകീട്ട് മൂന്നിന് കൊണ്ടോട്ടി താലൂക്ക് ഓഫീസില്‍ യോഗം ചേരും. യോഗത്തില്‍ താലൂക്ക് പരിധിയില്‍പ്പെട്ട മുത്തവല്ലിമാരും പള്ളികമ്മിറ്റി ഭാരവാഹികളും പങ്കെടുക്കണമെന്ന് ജില്ലാസര്‍വ്വെ സൂപ്രണ്ട് അറിയിച്ചു.

എടരിക്കോട്  110 കെ.വി സബ് സ്റ്റേഷനില്‍ വാര്‍ഷിക അറ്റകുറ്റപണികള്‍ നടക്കുന്നതിനാല്‍  ഫെബ്രുവരി 19 രാവിലെ എട്ടു മുതല്‍ വൈകിട്ട്  അഞ്ചു  വരെ എടരിക്കോട്, കൂരിയാട്, ഒതുക്കുങ്ങല്‍, കല്‍പകഞ്ചേരി  സബ് സ്റ്റേഷനുകളില്‍നിന്നുള്ള എല്ലാ ഫീഡറുകളിലും വൈദ്യുതി വിതരണം  തടസപ്പെടും.

ജില്ലയില്‍ സൈക്കോ സോഷ്യല്‍ പദ്ധതിയുടെ ഭാഗമായി സ്‌കൂളുകളില്‍ കൗണ്‍സിലര്‍മാരെ നിയമിക്കുന്നതിനായി അപേക്ഷിച്ചവരുടെ കൂടിക്കാഴ്ച ഫെബ്രുവരി 21, 22 തീയ്യതികളില്‍ ജില്ലാ പഞ്ചായത്തില്‍ നടക്കും.  കൂടികാഴ്ചക്കുള്ള അറിയിപ്പ് ലഭിക്കാത്ത അപേക്ഷകര്‍ മലപ്പുറം ജില്ലാ സാമൂഹ്യനീതി ഓഫീസുമായി ബന്ധപ്പെടണം. ഫോണ്‍: 0483-2735324