വാഹനലേലം

തൃപ്പൂണിത്തുറ: പദ്ധതികള്‍ സമയബന്ധിതമായി തീര്‍ക്കുന്ന ഇച്ഛാശക്തിയുള്ള സര്‍ക്കാരാണ് കേരളത്തിലേതെന്ന് ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടി അമ്മ പറഞ്ഞു. കുമ്പളംനെട്ടൂര്‍ പാലത്തിന്റെ ഉദ്ഘാടനം നിര്‍വ്വഹിക്കുകയായിരുന്നു മന്ത്രി. ഭൂമി ഏറ്റെടുക്കല്‍ പോലും പൂര്‍ത്തിയാക്കാതെ ഉദ്ഘാടനം ചെയ്തിരുന്ന രീതികാരണമാണ് സംസ്ഥാനത്തെ പല പദ്ധതികളും സമയ ബന്ധിതമായി പൂര്‍ത്തീകരിക്കാന്‍ സാധിക്കാതിരുന്നത്. 2012 ല്‍ ഭരണാനുമതി ലഭിച്ച് 2016 ഫെബ്രുവരിയില്‍ നിര്‍മ്മാണം ആരംഭിച്ച കുമ്പളം നെട്ടൂര്‍ പാലത്തിന്റെ അപ്രോച്ച് റോഡിന് സ്ഥലം ലഭ്യമാകാതെ പ്രതിസന്ധിയിലായ കാര്യം മന്ത്രി ചൂണ്ടിക്കാട്ടി.

കാക്കനാട്:  ബ്രഹ്മപുരത്ത് അടിക്കടിയുണ്ടാകുന്ന തീപിടുത്തം സംബന്ധിച്ച് സമഗ്രമായ പോലീസന്വേഷണം വേണമെന്ന് കളക്ടറേറ്റില്‍ ചേര്‍ന്ന ജില്ലാ വികസനസമിതിയോഗം ആവശ്യപ്പെട്ടു.  പ്രദേശത്തോടുചേര്‍ന്ന് 25 കിലോമീറ്റര്‍ ചുറ്റളവുവരെ പുകയും ദുര്‍ഗന്ധവും പരക്കുന്നുണ്ട്.  മാലിന്യത്തില്‍നിന്നും പാചകവാതകമുണ്ടാക്കാനുള്ള ബൃഹദ് പദ്ധതിയ്ക്ക് മുഖ്യമന്ത്രി തറക്കല്ലിട്ടിരുന്നു.  വികസന നടപടികള്‍ മുന്നേറുന്നതിനിടെയുള്ള ദുരന്തം ആസൂത്രിതമാണോയെന്ന കാര്യം ആലോചിക്കണമെന്നും യോഗം ആവശ്യപ്പെട്ടു.

ഓമല്ലൂര്‍ വയല്‍വാണിഭം മാര്‍ച്ച് 15ന് തുടങ്ങും. വയല്‍വാണിഭവുമായി ബന്ധപ്പെട്ട് ഗ്രാമപഞ്ചായത്ത് പ്രസിഡന്റ് ഗീതാ വിജയന്‍ ചെയര്‍മാനായും റ്റി.പി.ഹരിദാസന്‍ നായര്‍ കണ്‍വീനറായും ജനറല്‍ കമ്മിറ്റിയും സബ് കമ്മിറ്റികളായ പ്രോഗ്രാം കമ്മിറ്റി, ഫിനാന്‍സ് കമ്മിറ്റി, ഫുഡ് കമ്മിറ്റി, റിസപ്ഷന്‍ കമ്മിറ്റി എന്നിവയും രൂപീകരിച്ചു. 

          (പിഎന്‍പി 669/19)

കളക്ടറേറ്റില്‍ പൂര്‍ണമായും ഗ്രീന്‍ പ്രോട്ടോക്കോള്‍ നടപ്പാക്കുന്നതിന്റെ ഭാഗമായി  28ന് ഉച്ചയ്ക്ക് ശേഷം 3.30ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. 

          (പിഎന്‍പി 668/19)

ജില്ലാ പ്രവാസി പരാതിപരിഹാര കമ്മിറ്റിയോഗം 26ന് രാവിലെ 11ന് കളക്ടറേറ്റില്‍ ചേരും.                               (പിഎന്‍പി 667/19)

ജില്ലയില്‍ വിവിധ വകുപ്പുകളില്‍ ആയ (എന്‍സിഎ-മുസ്ലിം) (കാറ്റഗറി നമ്പര്‍ 71/18) തസ്തികയിലേക്കുള്ള ഉദേ്യാഗാര്‍ഥികളുടെ ഒറ്റത്തവണ പ്രമാണ പരിശോധന 25ന് രാവിലെ 10.30ന് ജില്ലാ പി.എസ്.സി ഓഫീസില്‍ നടക്കും. ഉദേ്യാഗാര്‍ഥികള്‍ നേരിട്ട് ഹാജരായി ഒറ്റത്തവണ പ്രമാണ പരിശോധന പൂര്‍ത്തിയാക്കണമെന്ന് ജില്ലാ പി.എസ്.സി ഓഫീസര്‍ അറിയിച്ചു. ഫോണ്‍: 0468 2222665.                     (പിഎന്‍പി 665/19)

ഐക്യരാഷ്ട്രസഭയുടെ ഇന്ത്യയിലെ പ്രസിഡന്റ് കോ-ഓര്‍ഡിനേറ്റര്‍ യാസ്മിന്‍അലിഹഖ് പ്രളയബാധിത പ്രദേശങ്ങള്‍ സന്ദര്‍ശിച്ചു. ഇതിന്റെ ഭാഗമായി തിരുവല്ലയിലെ കുടുംബശ്രീ കണ്‍സ്ട്രക്ഷന്‍ യൂണിറ്റ് അംഗങ്ങളെ നേരില്‍കണ്ട് സംസാരിച്ചു.യുഎന്‍ഡിപി   പ്രതിനിധികള്‍ ഉള്‍പ്പെടുന്ന സംഘമാണ് സന്ദര്‍ശനം നടത്തിയത്. 

പ്രളയദുരിതത്തിന്റെ സ്ഥിതിഗതികള്‍ നേരില്‍ കണ്ട് അറിയാന്‍ എത്തിയതാണ് സംഘം. പ്രളയം കൊണ്ട് ഉണ്ടായ നഷ്ടങ്ങളുടെ കണക്ക് കുടുംബശ്രീജില്ലാമിഷന്‍ എൗിഎംസി സലീന പ്രാരംഭ യോഗത്തില്‍ വിശദീകരിച്ചു. ജില്ലാമിഷന്‍ കോ-ഓര്‍ഡിനേറ്റര്‍ വിധു സംഘത്തോടൊപ്പം സന്ദര്‍ശിച്ച് സ്ഥിതിഗതികള്‍ വിശദീകരിച്ചു.

കഴിഞ്ഞ പ്രളയത്തില്‍ റാന്നി വനം ഡിവിഷനില്‍ ഗൂഡ്രിക്കല്‍ റെയിഞ്ചിന്റെ പരിധിയില്‍ പമ്പാ നദിയില്‍ അടിഞ്ഞുകൂടിയതും പ്ലാപ്പള്ളി ഫോറസ്റ്റ് സ്റ്റേഷനിലെ പമ്പ ഹില്‍ടോപ്പ്, ചക്കുപാലം-1 എന്നീ സ്ഥലങ്ങളില്‍ വാരിക്കൂട്ടിയിട്ടിരിക്കുന്നതുമായ മണല്‍ എം.എസ്.റ്റി.സി മുഖാന്തരം മാര്‍ച്ച് ഏഴിന് ഇ-ലേലം ചെയ്യും. കൂടുതല്‍ വിവരം www.mstcecommerce.com എന്ന വെബ്‌സൈറ്റിലും ഗൂഡ്രിക്കല്‍ റെയിഞ്ച് ഫോറസ്റ്റ് ഓഫീസിലും ലഭിക്കും. ഫോണ്‍: 04735 279063, 8547600890.                                                                                  (പിഎന്‍പി 663/19)