കേരള ഇൻസ്റ്റിറ്റ്യൂട്ട് ഓഫ് ലേബർ ആൻറ് എംപ്ലോയ്‌മെൻറിന്റെ (കിലെ) 40ാം വാർഷികത്തിന്റെ സമാപന സമ്മേളനം ഫെബ്രുവരി 26 മുതൽ 28 വരെ കോഴിക്കോട് നടക്കും. സമാപന സമ്മേളനത്തിന്റെ ഉദ്ഘാടനം ഗവർണർ പി. സദാശിവം 26ന് ഉച്ചക്ക് 2.30ന് കോഴിക്കോട് സ്വപ്‌നനഗരിയിലെ കാലിക്കറ്റ് ട്രേഡ് സെൻററിൽ നിർവഹിക്കും. ചടങ്ങിൽ തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണൻ അധ്യക്ഷത വഹിക്കും. എളമരം കരീം എം.പി, എ.പ്രദീപ്കുമാർ എം.എൽ.എ, കിലെ ചെയർമാൻ വി. ശിവൻകുട്ടി, എക്‌സിക്യൂട്ടീവ് കൗൺസിൽ അംഗം പി.കെ. അനിൽകുമാർ, എക്‌സിക്യൂട്ടീവ് ഡയറക്ടർ എം.ഷജീന തുടങ്ങിയവർ സംബന്ധിക്കും. 

നവേത്ഥാന സങ്കല്‍പ്പങ്ങളെ യാഥാര്‍ത്ഥ്യമാക്കിയത്‌ രാഷ്‌ട്രീയ ഇച്ഛാശക്തിയാണെന്നും അതിനുദാഹരണമാണ്‌ ഭൂപരിഷ്‌ക്കരണവും സാര്‍വ്വത്രിക വിദ്യാഭ്യാസവും നടപ്പിലാക്കിയ ആദ്യ കേരള മന്ത്രിസഭയെന്നും പൊതുവിദ്യാഭ്യാസ മന്ത്രി പ്രൊഫ. സി രവീന്ദ്രനാഥ്‌ പറഞ്ഞു. മാനവികത എന്ന ആശയമാണ്‌ കേരളത്തില്‍ നടപ്പാക്കിയതെന്നും അദ്ദേഹം സൂചിപ്പിച്ചു. സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി തേക്കിന്‍കാട്‌ മൈതാനത്ത്‌ നവോത്ഥാനം, മാനവികത-ചരിത്രം, വര്‍ത്തമാനം എന്ന വിഷയത്തില്‍ സംഘടിപ്പിച്ച സെമിനാര്‍ ഉദ്‌ഘാടനം ചെയ്‌ത്‌ സംസാരിക്കുകയായിരുന്നു അദ്ദേഹം.

ഫാർമസിസ്റ്റ് ഗ്രേഡ് 2; ഇന്റർവ്യൂ

ജില്ലയിൽ ഭാരതീയ ചികിത്സാ വകുപ്പിൽ ഫാർമസിസ്റ്റ് ഗ്രേഡ് 2 (ആയുർവേദം -എൻസിഎ-എൽസി) തസ്തികയുടെ തെരഞ്ഞെടുപ്പിനായി അപേക്ഷ സമർപ്പിച്ച ഉദ്യേഗാർഥികൾക്ക്  മാർച്ച് ഒന്നിന് പി എസ് സി കണ്ണൂർ ജില്ലാ ഓഫീസിൽ ഇന്റർവ്യൂ നടത്തും.  ഇന്റർവ്യൂ മെമ്മോ ഒ ടി ആർ പ്രൊഫൈലിൽ നിന്നും ഡൗൺലോഡ് ചെയ്‌തെടുത്ത് വൺ ടൈം വെരിഫിക്കേഷൻ സർട്ടിഫിക്കറ്റും അസ്സൽ പ്രമാണങ്ങളും സഹിതം ഹാജരാകണം.

വിവിപാറ്റ്, ഇ വി എം പരിശീലനം

ലാലൂരിലെ മാലിന്യ നിക്ഷേപ പ്രദേശം ചീഫ്‌ സെക്രട്ടറി ടോം ജോസ്‌ സന്ദര്‍ശിച്ചു. ലാലൂരില്‍ അന്താരാഷ്‌ട്ര നിലവാരത്തിലുള്ള ആധുനിക മാലിന്യ പ്ലാന്‍്‌റ്‌ നിര്‍മ്മിക്കുന്നതുമായി ബന്ധപ്പെട്ടാണ്‌ ചീഫ്‌ സെക്രട്ടറിയുടെ സന്ദര്‍ശനം. പ്രദേശവാസികളുമായും പരിസ്ഥിതി പ്രവര്‍ത്തകരുമായും ചര്‍ച്ച നടത്തിയ അദ്ദേഹം പ്ലാന്റിന്റെ കാര്യക്ഷമതയെ സംബന്ധിച്ച്‌ വിശദീകരിച്ചു. ജില്ലാ കളക്ടര്‍ ടി.വി. അനുപമ, ജില്ലാ പോലീസ്‌ മേധാവി യതീഷ്‌ ചന്ദ്ര, കോര്‍പ്പറേഷന്‍ സെക്രട്ടറി വിനു സി കുഞ്ഞപ്പന്‍ തുടങ്ങിയവരും സംബന്ധിച്ചു.

നഗരത്തിന്‍െ്‌റ പശ്ചാത്തല വികസനത്തില്‍ വന്‍മാറ്റങ്ങള്‍ ലക്ഷ്യമിട്ട്‌ 2019-20 വര്‍ഷത്തെ കോര്‍പ്പറേഷന്‍ ബജറ്റ്‌ അവതരിപ്പിച്ചു. കോര്‍പ്പറേഷന്‍ കൗണ്‍സില്‍ ഹാളില്‍ മേയര്‍ അജിത വിജയന്‍െ്‌റ അധ്യക്ഷതയില്‍ ഡെപ്യൂട്ടി മേയര്‍ റാഫി ജോസ്‌ പി ആണ്‌ ബജറ്റ്‌ അവതരിപ്പിച്ചത്‌്‌. 710,56,90,916 രൂപ വരവും 676,20,99,943 രൂപ ചെലവും 34, 35, 90, 973 രൂപയുടെ നീക്കിയിരിപ്പുമാണ്‌ ബജറ്റില്‍ പ്രതീക്ഷിക്കുന്നത്‌. നഗരവികസനം, മാതൃകാ നഗര വ്യാപനം എന്നീ ലക്ഷ്യത്തിലൂന്നി പശ്ചാത്തല മേഖലയുടെ വികസനത്തിന്‌ 200 കോടി രൂപയാണ്‌ നീക്കിവിച്ചിരിക്കുന്നത്‌. 

കടന്നുപോയ സാമ്പത്തിക പ്രതിസന്ധിയിലും തളരാതെ വികസന പ്രതീക്ഷയുമായി സര്‍ക്കാര്‍ എന്നും ജനങ്ങള്‍ക്കൊപ്പമെന്ന്‌ പൊതു വിദ്യാഭ്യാസ വകുപ്പ്‌ മന്ത്രി പ്രൊഫ സി രവീന്ദ്ര നാഥ്‌.ചരിത്രത്തില്‍ ഏറ്റവും കൂടുതല്‍ ദുരന്തങ്ങള്‍ നേരിടേണ്ടിവന്ന ഈ സര്‍ക്കാരിന്‌ സാമ്പത്തികമായി നാടിന്റെ വികസന സ്വപ്‌നത്തിലേക്ക്‌ നടന്നടുക്കുവാന്‍ നേരിടേണ്ടിവന്ന കടമ്പകള്‍ വളരെ വലുതാണ്‌ എന്നും അദ്ദേഹം കൂട്ടിച്ചേര്‍ത്തു. ഇരിങ്ങാലക്കുട റൂറല്‍ ജില്ലാ ട്രഷറിയുടെയും മുകുന്ദപുരം സബ്‌ ട്രഷറിയുടെയും പുതിയ മന്ദിരങ്ങളുടെ പ്രവര്‍ത്തനോദ്‌ഘാടനം നിര്‍വഹച്ചു സംസാരിക്കുകയായിരുന്നു അദ്ദേഹം.

ടൂറിസം മേഖലയിൽ തദ്ദേശീയരുടെ വികസന സാധ്യതകൾ അവലോകനം ചെയ്ത് ഉത്തരവാദിത്ത ടൂറിസം ശില്പശാല .ഉത്തരവാദിത്ത ടുറിസം മിഷൻ, ടൂറിസം വകുപ്പ് എന്നിവയുടെ സംയുക്താഭിമുഖ്യത്തിൽ ധർമ്മടം മണ്ഡലത്തിൽ നടപ്പിലാക്കുന്ന ഉത്തരവാദിത്ത ടൂറിസം പദ്ധതിയുടെ ഉദ്ഘാടനവും ഏകദിന അവബോധ ശിൽപശാലയും ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം ചെയ്തു. കഴിഞ്ഞ കാലങ്ങളിൽ നടന്നത് ചർച്ചകളാണെങ്കിൽ ഈ സർക്കാർ അധികാരത്തിലെത്തിയ ശേഷം വിനോദസഞ്ചാരവുമായി ബന്ധപ്പെട്ട വിവിധ പദ്ധതികളാണ് നടപ്പിലാക്കിയതെന്ന് കെ വി സുമേഷ് പറഞ്ഞു. 

കൊടുങ്ങല്ലൂര്‍ നഗരസഭയില്‍ ഭിന്നശേഷിക്കാര്‍ക്കായി ഇലക്ട്രോണിക്ക്‌ വീല്‍ചെയര്‍ വിതരണം ചെയ്‌തു. 90,000 രൂപ വിലയുളള ഇലക്ട്രോണിക്‌ വീല്‍ ചെയറുകളാണ്‌ വിതരണം ചെയ്‌തത്‌. നഗരസഭ ഓഫീസ്‌ പരിസരത്ത്‌ ചേര്‍ന്ന യോഗത്തില്‍ നഗരസഭ ചെയര്‍മാന്‍ കെ. ആര്‍. ജൈത്രന്‍ വിതരാണോദ്‌ഘാടനം നിര്‍വ്വഹിച്ചു. സ്റ്റാന്റിങ്‌ കമ്മിറ്റി ചെയര്‍പേഴ്‌സണ്‍ ശോഭ ജോഷി അദ്ധ്യക്ഷത വഹിച്ചു. വൈസ്‌ ചെയര്‍പേഴ്‌സണ്‍ ഹണി പീതാംബരന്‍, കൗണ്‌സിലര്‍മാരായ കെ. എസ്‌. കൈസാബ്‌, സി.കെ.രാമനാഥന്‍, പി. എന്‍.

സംസ്ഥാന സർക്കാരിന്റെ ആയിരം ദിനാഘോഷങ്ങളുടെ ഭാഗമായി ഫിബ്രവരി 27ന് മാരത്തോൺ സംഘടിപ്പിക്കുന്നു. കണ്ണൂർ നഗരത്തിൽ രാവിലെ ആറ് മണിക്കാണ് മാരത്തോൺ നടക്കുക. സ്ത്രീകൾ, പുരുഷൻമാർ, എന്നീ രണ്ട് വിഭാഗങ്ങളിലായിട്ടാണ് മാരത്തോൺ മത്സരം. എല്ലാ വിഭാഗമാളുകളും അണിനിരക്കുന്ന ഫൺ റൺ മാരത്തോണും നടക്കും. മത്സര വിഭാഗത്തിൽ ഒന്നും രണ്ടും മൂന്നും സ്ഥാനം നേടുന്നവർക്ക് യഥാക്രമം 10,000, 5000, 3000 രൂപ വീതം കാഷ് പ്രൈസ് നൽകും. പങ്കെടുക്കുന്നവർക്ക് 25 വരെ ജില്ലാ ഇൻഫർമേഷൻ ഓഫീസിലും ജില്ലാ സ്പോട്സ് കൗൺസിലിലും രജിസ്റ്റർ ചെയ്യാം. വീ ആർ കണ്ണൂർ പേജ് വഴി ഓൺലൈനായും രജിസ്റ്റർ ചെയ്യാം.

നിരക്ഷരെ സാക്ഷരരാക്കുന്നതിനുളള പദ്ധതികളുടെ സംസ്ഥാന തല ഉദ്‌ഘാടനം ഫെബ്രുവരി 26 വൈകീട്ട്‌ 3 ന്‌ കൊടകര ബ്ലോക്ക്‌ ഹാളില്‍ വിദ്യാഭ്യാസ വകുപ്പ്‌ മന്ത്രി പ്രൊഫ. സി രവീന്ദ്രനാഥ്‌ നിര്‍വഹിക്കും. ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌ അദ്ധ്യക്ഷത വഹിക്കും. സംസ്ഥാന സാക്ഷരതാമിഷന്‍ ഡയറക്‌ടര്‍ ഡോ.പി.എസ്‌ ശ്രീകല, കൊടകര ബ്ലോക്ക്‌പഞ്ചായത്ത്‌ അമ്പിളി സോമന്‍, ജില്ലാ പഞ്ചായത്ത്‌ വൈസ്‌ പ്രസിഡണ്ട്‌ എന്‍.കെ ഉദയപ്രകാശ്‌, വിദ്യാഭ്യാസ സ്റ്റാന്‍ഡിങ്ങ്‌ കമ്മിറ്റി ചെയര്‍പേഴ്‌സണ്‍ മഞ്‌ജുളാരുണന്‍ തുടങ്ങിയവര്‍ പങ്കെടുക്കും.