പൈനാവ് ഗവ. യു.പി സ്‌കൂളിന്റെ സുവര്‍ണ്ണ ജൂബിലി ആഘോഷവും പൂര്‍വ്വ അധ്യാപക- വിദ്യാര്‍ത്ഥി രക്ഷകര്‍തൃ സംഗമവും യാത്രയയപ്പ് സമ്മേളനവും ഇന്ന് രാവിലെ എട്ട് മണിക്ക് വൈദ്യുത വകുപ്പ് മന്ത്രി എം.എം മണി ഉദ്ഘാടനം ചെയ്യും. റോഷി അഗസ്റ്റിന്‍ എം.എല്‍.എ അധ്യക്ഷനായിരിക്കും. അഡ്വ. ജോയ്‌സ് ജോര്‍ജ്ജ് എം.പി മുഖ്യപ്രഭാഷണം നടത്തും. ഇടുക്കി ജില്ലാപഞ്ചായത്ത് പ്രസിഡന്റ് കൊച്ചുത്രേസ്യ പൗലോസ് ജൂബിലി സന്ദേശവും  ജില്ലാ പഞ്ചായത്ത് മെമ്പര്‍ ലിസമ്മ സാജന്‍ സ്‌കൂള്‍ മാഗസിന്‍ പ്രകാശനവും നിര്‍വഹിക്കും.

സര്‍ക്കാരിന്റെ 1000 ദിനാഘോഷങ്ങളുടെ ഭാഗമായി നടക്കുന്ന നിറവ് 2019 പ്രദര്‍ശന വിപണനമേളയില്‍ കലാസന്ധ്യയില്‍ ഇന്ന് (ശനിയാഴ്ച) വൈകിട്ട് 5.30ന് പാലക്കാട് ആലത്തൂര്‍ ആഷ്ബിന്‍ നൃത്തവിദ്യാലയം അവതരിപ്പിക്കുന്ന നൃത്തോത്സവം അരങ്ങേറും.

പൊതുവിദ്യാഭ്യാസ സംരക്ഷണയഞ്ജം : സെമിനാര്‍ ഇന്ന് (23)

കാര്‍ഷിക രംഗത്തെ പ്രതിസന്ധി പരിഹരിക്കാന്‍ എല്ലാവരും ഒറ്റക്കെട്ടായി പ്രവര്‍ത്തിക്കണമെന്ന് റവന്യു ഭവന നിര്‍മാണ വകുപ്പ് മന്ത്രി ഇ. ചന്ദ്രശേഖരന്‍ പറഞ്ഞു. പരപ്പ ബ്ലോക്ക് പഞ്ചായത്തിനായി കിനാനൂര്‍ കരിന്തളം ഗ്രാമ പഞ്ചായത്തില്‍ ചായ്യോത്ത് ഷോപ്പിംഗ് 

കോംപ്ലക്‌സിന് സമീപം  സംസ്ഥാന കൃഷി വകുപ്പ് അനുവദിച്ച കാര്‍ഷിക സേവന കേന്ദ്രം ഉദ്ഘാടനം ചെയ്ത് സംസാരിക്കുകയായിരുന്നു അദേഹം. പ്രധാനമന്ത്രി കിസാന്‍ സമ്മാന പദ്ധതിയുടെ ബ്ലോക്ക്തല ഉദ്ഘാടനവും മന്ത്രി നിര്‍വഹിച്ചു. പരപ്പ ബ്ലോക്ക് പഞ്ചായത്ത് പ്രസിഡന്റ് പി.രാജന്‍ അധ്യക്ഷത വഹിച്ചു.

പ്രകൃതി മൂലധനത്തിന്റെ സംരക്ഷണം ഉറപ്പാക്കുന്ന വികസനമാണ് യഥാര്‍ഥ വികസനമെന്നും ഇതിനു ജനങ്ങളുടെ സഹകരണം ഉണ്ടാവണമെന്നും കൃഷി വകുപ്പ് മന്ത്രി വി.എസ് സുനില്‍കുമാര്‍. സര്‍ക്കാരിന്റെ 1000 ദിനാഘോഷത്തിന്റെ ഭാഗമായി പെരുവണ്ണാമൂഴി ഡാം റിസര്‍വോയര്‍ വൃഷ്ടിപ്രദേശ സംരക്ഷണ പദ്ധതി ചക്കിട്ടപ്പാറയില്‍ ഉദ്ഘാടനം ചെയ്യുകയായിരുന്നു മന്ത്രി. 

സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി  ഇന്‍ഫര്‍മേഷന്‍ ആന്റ്  പബ്ലിക്ക് റിലേഷന്‍ വകുപ്പിന്റെ ആഭിമുഖ്യത്തില്‍ സംഘടിപ്പിക്കുന്ന അതിജീവനം ഡോക്യൂഫെസ്റ്റിന് ഇന്ന്(25) തുടക്കം. ഇന്ന് വൈകീട്ട് നാലിന്  തൃക്കരിപ്പൂര്‍ ടൗണ്‍ഹാളില്‍ ജില്ലാ കളക്ടര്‍ ഡോ.ഡി സജിത്ത് ബാബു ഡോക്യൂഫെസ്റ്റ് ഉദ്ഘാടനം ചെയ്യും. തൃക്കരിപ്പൂര്‍ ഗ്രാമപഞ്ചായത്ത് പ്രസിഡണ്ട് വി പി ഫൗസിയ  അധ്യക്ഷത വഹിക്കും.സിനി ഡോക്യൂമെന്ററി സംവിധായകന്‍ ഫാറൂക്ക് അബ്ദുള്‍ റഹ്മാന്‍ മുഖ്യപ്രഭാഷണം നടത്തും.