കെൽട്രോൺ ഐ.ടി.ബിസിനസ്സ് ഗ്രൂപ്പിന്റെ അടിസ്ഥാന സൗകര്യങ്ങൾ വിപുലീകരിക്കുന്നതിനായി തിരുവനന്തപുരം വെള്ളയമ്പലം കെൽട്രോൺ ക്യാമ്പസ്സിൽ പുതിയ ഐ.ടി.ഹബ്ബ് 27 ന് ഉച്ചയ്ക്ക് 12 ന് വ്യവസായ മന്ത്രി ഇ.പി.ജയരാജൻ ഉദ്ഘാടനം ചെയ്യും.

ക്ലൗഡ് കമ്പ്യൂട്ടിംഗ്, സൈബർ സെക്യൂരിറ്റി, ആർട്ടിഫിഷ്യൽ ഇന്റലിജൻസ് തുടങ്ങിയ നവീന സാങ്കേതികവിദ്യ ഉപയോഗിച്ചുള്ള ഐ.ടി. പദ്ധതികൾക്കായുള്ള മികച്ച സജ്ജീകരണങ്ങളാണ് ഐ.ടി.ഹബ്ബിൽ ഒരുക്കിയിരിക്കുന്നത്. അറുപതോളം പ്രൊഫഷണലുകൾക്ക് ജോലി ചെയ്യുന്നതിനുള്ള ക്യാബിനുകൾ, കോൺഫറൻസ് ഹാൾ എന്നിവ ഉൾപ്പെടെയുള്ള സൗകര്യങ്ങൾ ഇവിടെയുണ്ട്.

സൗദി അറേബ്യ ആരോഗ്യമന്ത്രാലയത്തിന്റെ കീഴിലുള്ള വിവിധ ആശുപത്രികളിലേക്ക് നിയമനത്തിന് കൺസൾട്ടന്റ്‌സ്, സ്‌പെഷ്യലിസ്റ്റ് ഡോക്ടർമാരിൽനിന്ന് അപേക്ഷ ക്ഷണിച്ചു. രണ്ട് വർഷം പ്രവൃത്തി പരിചയം ഉള്ളവരാകണം അപേക്ഷകർ. 2019 മാർച്ച് മാസം 4, 5, 6 തിയതികളിൽ ഡൽഹിയിലും 7, 8, 9 തിയതികളിൽ ബാംഗ്ലൂരിലുമാണ് ഇന്റർവ്യു. അപേക്ഷകൾ മാർച്ച് രണ്ടിന് മുമ്പ്  gcc@odepc.in എന്ന മെയിലിൽ അയയ്ക്കണം. കൂടുതൽ വിശദ വിവരങ്ങൾക്ക്  www.odepc.kerala.gov.in ഫോൺ: +91-471-2329440/41/42/43/45. 

പി.എൻ.എക്സ്. 716/19

മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്ന വിഭാഗങ്ങൾക്ക് സർക്കാർ ഉദ്യോഗങ്ങളിലും വിദ്യാഭ്യാസ സ്ഥാപനങ്ങളിലെ പ്രവേശനത്തിലും നിശ്ചിത ശതമാനം സംവരണം ഉൾപ്പെടെയുള്ള ആനുകൂല്യങ്ങൾ ലഭ്യമാക്കണമെന്ന ശുപാർശകളും നിർദ്ദേശങ്ങളുമടങ്ങിയ റിപ്പോർട്ട് സംസ്ഥാന മുന്നാക്ക കമ്മീഷൻ മുഖ്യമന്ത്രി പിണറായി വിജയന് സമർപ്പിച്ചു.

ജസ്റ്റിസ് എ.വി.രാമകൃഷ്ണപിള്ള ചെയർമാനും ഡോ.വി.എം.ഗോപാലമേനോൻ മെമ്പർ സെക്രട്ടറിയും ഡോ.കുര്യാസ് കുമ്പളക്കുഴി അംഗവുമായ കമ്മീഷനാണ് റിപ്പോർട്ട് നൽകിയത്. കമ്മീഷന്റെ കാലാവധി ഫെബ്രുവരി 24 ന് അവസാനിച്ചു.

പി.എൻ.എക്സ്. 715/19

ട്രഷറി ഡയറക്‌ട്രേറ്റിന്റെ ശിലാസ്ഥാപനം ഇന്ന് (ഫെബ്രുവരി 26) വൈകിട്ട് 3 ന് പട്ടം വില്ലേജ് ഓഫീസിന് സമീപം ധനമന്ത്രി ഡോ.ടി.എം.തോമസ് ഐസക്ക് നിർവ്വഹിക്കും. കെ.മുരളീധരൻ എം.എൽ.എ. അധ്യക്ഷത വഹിക്കും. ഡോ.ശശി തരൂർ എം.പി., മേയർ വി.കെ.പ്രശാന്ത്, അഡീഷണൽ ചീഫ് സെക്രട്ടറി മനോജ് ജോഷി, ധനകാര്യ പ്രിൻസിപ്പൽ സെക്രട്ടറി സഞ്ജീവ് കൗശിക്, വാർഡ് കൗൺസിലർ രമ്യാ രമേശ്, ട്രഷറി ഡയറക്ടർ എ.എം.ജാഫർ എന്നിവർ പങ്കെടുക്കും.

പി.എൻ.എക്സ്. 714/19

* മുഖ്യമന്ത്രി ഉദ്ഘാടനം നിർവഹിക്കും

കെയർ ഹോം പദ്ധതി പ്രകാരം നിർമ്മാണം പൂർത്തിയായ വീടുകളുടെ താക്കോൽദാനചടങ്ങിന്റെ സംസ്ഥാനതല ഉദ്ഘാടനം ഇന്ന് (ഫെബ്രുവരി 26) മുഖ്യമന്ത്രി പിണറായി വിജയൻ നിർവഹിക്കും. ഉച്ചയ്ക്ക് 2.45ന് തിരുവനന്തപുരം ജവഹർ സഹകരണ ഭവൻ ഓഡിറ്റോറിയത്തിൽ നടക്കുന്ന ചടങ്ങിൽ സഹകരണം ദേവസ്വം ടൂറിസം വകുപ്പ് മന്ത്രി കടകംപളളി സുരേന്ദ്രൻ അധ്യക്ഷനായിരിക്കും. ചടങ്ങ് തത്സമയസംപ്രഷണം വഴി എല്ലാ ജില്ലകളിലും പ്രത്യേകം തയ്യാറാക്കിയ വേദികളിൽ ദൃശ്യമാക്കി, ജില്ലാതല ഉദ്ഘാടനവും ആദ്യഘട്ടത്തിൽ പൂർത്തിയാക്കിയ വീടുകളുടെ താക്കോൽദാനവും ഒരേസമയം നടത്തും.

*സ്പെഷ്യാലിറ്റി ബ്ലോക്ക് മുഖ്യമന്ത്രി ഉദ്ഘാടനം ചെയ്യും

തിരുവനന്തപുരം റീജിയണൽ ഇൻസ്റ്റിറ്റ്യൂട്ട് ഓഫ് ഒഫ്താൽമോളജിയുടെ (ആർ.ഐ.ഒ.) പുതിയ സ്പെഷ്യാലിറ്റി ബ്ലോക്കിന്റെ പ്രവർത്തനോദ്ഘാടനം 27ന് രാവിലെ 11 ന് മുഖ്യമന്ത്രി പിണറായി വിജയൻ നിർവഹിക്കും. ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചർ അധ്യക്ഷത വഹിക്കുന്ന ചടങ്ങിൽ പൊതുമരാമത്ത് വകുപ്പ് മന്ത്രി ജി. സുധാകരൻ മുഖ്യാതിഥിയായിരിക്കും. 

 സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് ഇടുക്കി ഐഡിഎ ഗ്രൗണ്ടില്‍ സംഘടിപ്പിച്ച നിറവ് പ്രദര്‍ശന വിപണനമേളയില്‍ ഫയര്‍ ആന്റ് റസ്‌ക്യുഇടുക്കി ജില്ല തയ്യാറാക്കിയ പ്രദര്‍ശന സ്റ്റാള്‍ ജനശ്രദ്ധയാകര്‍ഷിക്കുന്നു.

സംസ്ഥാന സര്‍ക്കാരിന്റെ 1ീീീ ദിനാഘോഷങ്ങളുടെ ഭാഗമായി ഇടുക്കി ഐ ഡി എ ഗ്രൗണ്ടില്‍ നടക്കുന്ന പ്രര്‍ശന വിപണനമേളയില്‍ ഇന്ന് വൈകിട്ട് 5.30ന് കാലടി ഗുരുകൃപാ നൃത്തവിദ്യാലയം അവതരിപ്പിക്കുന്ന നൃത്തനൃത്യങ്ങള്‍ അരങ്ങേറും