തിരുവനന്തപുരം ആൽത്തറ സപ്ലൈകോ പെട്രോൾ ബങ്കിൽ 25 മുതൽ മൾട്ടി നൈട്രജൻ ഇൻഫ്‌ളേറ്റർ സ്ഥാപിച്ചതായി അസിസ്റ്റന്റ് റീജ്യണൽ മാനേജർ അറിയിച്ചു.

പി.എൻ.എക്സ്. 725/19

 സംസ്ഥാനത്തെ വിനോദ സഞ്ചാര മേഖലയ്ക്ക് ആവശ്യമായ ടൂറിസ്റ്റ് ഗൈഡുകളുടെ പരിശീലനത്തിന്റെ ഭാഗമായി 150 പ്രാദേശികതല ഗൈഡുകൾക്കും, 50 സംസ്ഥാനതല ഗൈഡുകൾക്കും പരിശീലനം നടപ്പിലാക്കുന്നു. 

പരിശീലനത്തിന്റെ സംസ്ഥാന ഉദ്ഘാടനം നാളെ (ഫെബ്രുവരി 27) രാവിലെ 10ന് കിറ്റ്‌സിലെ ഇന്റർനാഷണൽ ട്രെയിനിംഗ് സെന്ററിൽ ടൂറിസം, സഹകരണം, ദേവസ്വം മന്ത്രി കടകംപള്ളി സുരേന്ദ്രൻ നിർവഹിക്കും. സംസ്ഥാനതല ടൂറിസ്റ്റ് ഗൈഡുകൾക്കുള്ള പരിശീലനം തിരുവനന്തപുരം കിറ്റ്‌സിൽ വച്ചും പ്രാദേശികതല ഗൈഡുകൾക്കുള്ള പരിശീലനം കിറ്റ്‌സിന്റെ തിരുവനന്തപുരം, എറണാകുളം, തൃശ്ശൂർ, തലശ്ശേരി എന്നീ സെന്ററുകളിലുമാണ് നടത്തുക.

പി.എൻ.എക്സ്. 724/19

 ചാക്ക ഐ.ടി.ഐ. യിൽ 2014-2016 കാലയളവിൽ അഡ്മിഷൻ നേടിയ ട്രെയിനികളുടെ കോഷൻമണി/സെക്യൂരിറ്റി ഡിപ്പോസിറ്റ് വിതരണത്തിന് തയ്യാറായി. തുക കൈപ്പറ്റേണ്ടവർ മാർച്ച് 15 നകം അസൽ തിരിച്ചറിയൽ കാർഡുമായി ഓഫീസിൽ ഹാജരായി തുക കൈപ്പറ്റണം.

പി.എൻ.എക്സ്. 723/19

നോർക്ക റൂട്ട്‌സിന്റെ കീഴിൽ നോർക്ക ബിസിനസ്സ് ഫെസിലിറ്റേഷൻ സെന്ററിന്റെ ഔപചാരിക ഉദ്ഘാടനം മുഖ്യമന്ത്രി പിണറായി വിജയൻ ഫെബ്രുവരി 27 ന് വൈകിട്ട് മൂന്ന് മണിക്ക് നോർക്ക റൂട്ട്‌സ് ആസ്ഥാനത്ത് നിർവ്വഹിക്കും.

കൊച്ചി : ശാസ്ത്രീയ സംരക്ഷണ പ്രവർത്തികൾ പൂർത്തിയാക്കിയ പള്ളിപ്പുറം കോട്ട മന്ത്രി രാമചന്ദ്രൻ കടന്നപ്പള്ളി നാടിന് സമർപ്പിച്ചു. നിരവധി പോരാട്ടങ്ങളുടെ  കേന്ദ്രങ്ങളിലൊന്നായിരുന്ന ഈ കോട്ട കേരളത്തിന്റെ രാഷ്ട്രീയ സാമ്പത്തിക ബന്ധങ്ങളെ നിർണ്ണായകമായി സ്വാധീനിച്ച ചരിത്ര സ്മാരകമാണ്. നമ്മുടെ സംസ്ക്കാരവും പൈതൃകവും പുതിയ തലമുറയിലേക്ക് കൈമാറ്റം ചെയ്യപ്പെടണമെന്ന് അദ്ദേഹം പറഞ്ഞു. 

കൊച്ചി: സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ്  നടത്തിവന്ന  ഡോക്യുമെന്ററി ഫെസ്റ്റ് 'അതിജീവനം 2019'  സമാപിച്ചു. വജ്രകേരളം പദ്ധതിപ്രകാരം നിര്‍മിച്ച 14 പ്രൊഫൈല്‍ ഡോക്യുമെന്ററികളടക്കം 16 ഡോക്യുമെന്ററികളാണ് പ്രദര്‍ശനത്തില്‍ ഉള്‍പ്പെടുത്തിയിരുന്നത്.  

എറണാകുളം പബ്ലിക് ലൈബ്രറി, ജില്ലാ ടൂറിസം പ്രൊമോഷന്‍ കൗണ്‍സില്‍,  ജില്ലാ ലൈബ്രറി കൗണ്‍സില്‍, കൊച്ചിന്‍ ഫിലിം സൊസൈറ്റി, മെട്രോ ഫിലിം സൊസൈറ്റി എന്നിവയുടെ സഹകരണത്തോടെയാണ് ഫെസ്റ്റ് സംഘടിപ്പിച്ചത്. 

 നഗരസഭ വൈസ് ചെയര്‍ പേഴ്‌സണ്‍ ചന്ദ്രിക ദേവിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ നഗരസഭ വൈസ് ചെയര്‍മാന്‍ ഒ.വി സലീം, എംപ്ലോയ്‌മെന്റ് ഡയറക്ടര്‍ എസ്. ചന്ദ്രശേഖരന്‍, ജോയിന്റ് ഡയറക്ടര്‍ എം.എ ജോര്‍ജ്ജ് ഫ്രാന്‍സിസ്,  തൃപ്പൂണിത്തുറ നഗരസഭ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ഇ. കെ കൃഷ്ണന്‍കുട്ടി എന്നിവര്‍ പങ്കെടുത്തു.

*തൃപ്പൂണിത്തുറ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചിന്റെയും കരിയര്‍ ഡെവലപ്‌മെന്റ് സെന്ററിന്റെയും ശിലാസ്ഥാപനം 

കൊച്ചി: ഉന്നത വിദ്യാഭ്യാസ രംഗത്തേക്കും തൊഴില്‍ രംഗത്തേക്കുമുള്ള പ്രവേശനത്തില്‍ ശാസ്ത്രീയ സമീപനം കൈ വന്നിട്ടില്ലെന്ന് എം. സ്വരാജ് എംഎല്‍എ. സര്‍ക്കാരിന്റെ ആയിരം ദിനാഘോഷപരിപാടികളുടെ ഭാഗമായി ചൂരക്കാട് മുനിസിപ്പല്‍ ഷോപ്പിംഗ് കോംപ്ലക്‌സ് അങ്കണത്തില്‍ തൃപ്പൂണിത്തുറ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചിന്റെയും കരിയര്‍ ഡെവലെപ്‌മെന്റ് സെന്ററിന്റെയും ശിലാസ്ഥാപനം നിര്‍വഹിക്കുകയായിരുന്നു അദ്ദേഹം.