തദ്ദേശഭരണ സ്ഥാപനങ്ങളുടെ 2018-19 വാര്‍ഷിക പദ്ധതി ഭേദഗതികള്‍ക്ക് അംഗീകാരം നല്‍കുന്നതിനായി ജില്ലാ ആസൂത്രണ സമിതി യോഗം ഫെബ്രുവരി 28 ന് ഉച്ചയ്ക്ക് രണ്ട് മണിക്ക് ജില്ലാ ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേരും.

പുതിയ റേഷന്‍കാര്‍ഡിനായി പഞ്ചായത്ത് തലത്തില്‍ ക്യാമ്പ് നടത്തി വാങ്ങിയ അപേക്ഷകളില്‍ അപാകതകളില്ലാത്ത എല്ലാ അപേക്ഷകള്‍ക്കും പഞ്ചായത്ത് അടിസ്ഥാനത്തില്‍ കാര്‍ഡുകള്‍ നല്‍കി കഴിഞ്ഞു.  ഇങ്ങനെയുള്ള അപേക്ഷകളില്‍ വിതരണതീയ്യതികളില്‍ വാങ്ങിക്കാന്‍ കഴിയാത്ത കാര്‍ഡുകള്‍ പ്രവൃത്തി ദിവസങ്ങളായ ശനിയാഴ്ചകളില്‍ വിതരണം ചെയ്യുന്നതാണെന്ന് കൊയിലാണ്ടി താലൂക്ക് സപ്ലൈ ഓഫീസര്‍ അറിയിച്ചു. 

കേരള മോട്ടോര്‍ തൊഴിലാളി ക്ഷേമനിധി ബോര്‍ഡ് കോഴിക്കോട് ജില്ലാ ഓഫീസില്‍ നിന്നും പെന്‍ഷന്‍ കൈപ്പറ്റുന്ന മോട്ടോര്‍ തൊഴിലാളികള്‍ ഫെബ്രുവരി 28 നകം ലൈഫ് സര്‍ട്ടിഫിക്കറ്റ് നല്‍കണം. ഈ വര്‍ഷം സര്‍ട്ടിഫിക്കറ്റ് ഹാജരാക്കിയവര്‍ വീണ്ടും നല്‍കേണ്ടതില്ല. 

സ്‌കൂളുകളിലെ പരിസ്ഥിതി ശുചിത്വ പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ താമരശേരി ഉപജില്ലയില്‍ ഗ്രീന്‍ അംബാസിഡര്‍മാര്‍ സജ്ജരായി. ഹരിത കേരളം പദ്ധതിയുടെ ഭാഗമായി ജില്ലാഭരണകൂടത്തിന്റെ സീറോ വേസ്റ്റ് കോഴിക്കോട് പദ്ധതി സ്‌കൂളുകളില്‍ നടപ്പാക്കാന്‍ സേവിന്റെ നേതൃത്വത്തില്‍ രൂപീകരിക്കപ്പെട്ട    ഉപജില്ലയിലെ ഗ്രീന്‍ അംബാസിഡര്‍ മാര്‍ക്കുള്ള ശില്പശാല താമരശേരി ജിവിഎച്ച്എസ്എസില്‍ നടന്നു. 

 നരിപ്പറ്റ, മരുതോങ്കര, എന്നീ  പഞ്ചായത്തുകളിലെ പുതിയ റേഷന്‍ കാര്‍ഡുകളുടെ ഇന്നത്തെ (ഫെബ്രുവരി 26) വിതരണം മാറ്റി. പുതുക്കിയ തീയ്യതി പിന്നീട് അറിയിക്കുന്നതാണെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.

കോഴിക്കോട് വെസ്റ്റ്ഹില്‍ എക്സിബിഷന്‍ റോഡിലെ  എന്‍.സി.സി കോംപ്ലക്സില്‍ റൈഫിള്‍ ഷോര്‍ട്ട് റെഞ്ച് നിര്‍മ്മിക്കുന്നതിന്  പി.ഡബ്ല്യൂ.ഡി മുറിച്ച് മാറ്റിയ തേക്ക് മരങ്ങള്‍ കോഴിക്കോട് സോഷ്യല്‍ ഫോറസ്റ്റി വിഭാഗം ഫെബ്രുവരി 27 ന് ഉച്ചയ്ക്ക് 2.30 മണിക്ക് ലേലം ചെയ്യും. ഫോണ്‍ - 0495 2382321. 

നാഗമ്പടം മൈതാനിയില്‍ ഇന്ന് (ഫെബ്രുവരി 26 ന് ) നീര്‍ത്തടാധിഷ്ഠിത മണ്ണ് ജല സംരക്ഷണവും നൂതന സങ്കേതങ്ങളും എന്ന വിഷയത്തില്‍ സെമിനാര്‍ 10 മണിക്കും വിദ്യാഭ്യാസവും കേരള നവോത്ഥാനവും എന്ന വിഷയത്തില്‍ സെമിനാര്‍ 2 മണിക്കും നടക്കും. വിദ്യാര്‍ത്ഥികളും മാതാപിതാക്കളും അവതരിപ്പിക്കുന്ന കലാമേള 4.30 നും വൈക്കം വിജയ ലക്ഷ്മി അവതരിപ്പിക്കുന്ന ഗാനമേള 6.30 നും നടക്കും. നാളെ (ഫെബ്രുവരി 26) 10 ന് ക്ഷീരമേഖല നേരിടുന്ന വെല്ലുവിളികള്‍ എന്ന വിഷയത്തില്‍ സെമിനാര്‍ നടക്കും. ക്ഷീര വികസന ഡെപ്യൂട്ടി ഡയറക്ടര്‍ ടി.കെ അനികുമാരി സെമിനാര്‍ നയിക്കും

സംസ്ഥാന സര്‍ക്കാരിന്റെ 1000 ദിനാഘോഷങ്ങളോടനുബന്ധിച്ച് നാഗമ്പടത്ത് നടക്കുന്ന പ്രദര്‍ശന മേളയില്‍ കാണികളുടെ ശ്രദ്ധ പിടിച്ചുപറ്റി പോലീസ് നായകളുടെ അഭ്യാസ പ്രകടനം. ജില്ലാ ഡോഗ് സ്‌ക്വാഡിലെ ജില്‍, ബെയ്‌ലി, റീന, ഡോണ്‍ എന്നീ നായ്ക്കളാണ് വേദിയില്‍ പ്രകടനം കാഴ്ച വെച്ചത്. സദസിനെ അഭിസംബോധന ചെയ്ത് പുല്‍വാമ ജവാന്മാര്‍ക്ക് ആദരാഞ്ജലി അര്‍പ്പിച്ചു കൊണ്ടാണ് നായ്ക്കള്‍ പ്രകടനം  ആരംഭിച്ചത്. പരിശീലകര്‍ നല്‍കുന്ന ശബ്ദം, ആംഗ്യം, എന്നിവ ശ്രദ്ധിച്ച് അവര്‍ മികച്ച പ്രകടനം അവതരിപ്പിച്ച് സദസിന്റെ കൈയടി നേടി. 

അഞ്ചു കസേരകളില്‍ ഒന്നിനടിയില്‍ വെച്ച ബോംബ് കൃത്യമായി കണ്ടെത്തിയും

സംസ്ഥാന സര്‍ക്കാരിന്റെ 1000 ദിനാഘോഷങ്ങളുടെ ഭാഗമായി സര്‍ഗസന്ധ്യ സംഘടിപ്പിച്ചു. പോലീസ് വകുപ്പിന്റെ ആഭിമുഖ്യത്തില്‍ സംഘടിപ്പിച്ച  സര്‍ഗസന്ധ്യ സിനിമാ താരം ടിനി ടോം ഉദ്ഘാടനം ചെയ്തു. ലഹരി വിരുദ്ധ, ട്രാഫിക് ബോധവത്കരണ ചിത്രരചന മത്സര വിജയികള്‍ക്കുള്ള സമ്മാനദാനവും മുഖ്യ പ്രഭാഷണവും  ജില്ലാ പോലീസ് മേധാവി ഹരിശങ്കര്‍ നിര്‍വഹിച്ചു. ചടങ്ങില്‍ അഡീഷണല്‍ സൂപ്രണ്ട് ഓഫ് പോലീസ് നസീം എ അധ്യക്ഷത വഹിച്ചു. നാര്‍ക്കോട്ടിക് സെല്‍ ഡെപ്യൂട്ടി പോലീസ് സൂപ്രണ്ട് വിനോദ് പിള്ള സ്വാഗതവും സബ് ഇന്‍സ്‌പെക്ടര്‍ വേണുഗോപാല്‍ കെ.പി നന്ദിയും പറഞ്ഞു.