ആങ്ങമൂഴി കുട്ടവഞ്ചി സവാരി കേന്ദ്രത്തില്‍ കുടുംബശ്രീ കഫേയ്ക്ക് സീതത്തോട് പഞ്ചായത്ത് പ്രസിഡന്റ് ലേഖ സുരേഷ് തറക്കല്ലിട്ടു. കൊടുമണ്‍ ആങ്ങമൂഴി കൊച്ചുപമ്പ വിനോദസഞ്ചാര പദ്ധതിയുടെ ഭാഗമാണ് ആങ്ങമൂഴി കുട്ടവഞ്ചി സവാരികേന്ദ്രം. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ കെ. വിധു, എ.ഡി.എം.സി. വി.എസ്.സീമ,  വാര്‍ഡ് മെമ്പര്‍മാരായ ബീനമോഹന്‍, ശ്രീന ഷിബു തുടങ്ങിയവര്‍ പങ്കെടുത്തു. 

(പിഎന്‍പി 708/10)

ജീവന്‍രക്ഷാ ഉപകരണങ്ങളെ പരിചയപ്പെടുത്തി അഗ്‌നിരക്ഷാസേന. സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് പത്തനംതിട്ട ശബരിമല ഇടത്താവളത്തില്‍ നടക്കുന്ന പ്രദര്‍ശന വിപണനമേളയിലാണ് അഗ്‌നിരക്ഷാസേനയുടെ ഡെമോ അരങ്ങേറുന്നത്. പെട്ടെന്നൊരു അപകടമുണ്ടാകുമ്പോള്‍ ഒരു നിമിഷം പകച്ച് പോകുന്നവര്‍ക്ക് ഏറെ ഉപകാരപ്രദമായ രീതി പരിചയപ്പെടുത്തുകയാണ് അഗ്‌നിരക്ഷാവകുപ്പ്.