* 'നാഷണൽ സ്റ്റുഡൻറ്സ് പാർലമെൻറി'ന് സമാപനമായി

ജനാധിപത്യമൂല്യങ്ങൾ നഷ്ടപ്പെടാതിരിക്കാൻ ജാഗ്രത പുലർത്തേണ്ടത് യുവതലമുറയുടെ കടമയാണെന്ന് മുഖ്യമന്ത്രി പിണറായി വിജയൻ പറഞ്ഞു. കേരള നിയമസഭയുടെ വജ്രജൂബിലി ആഘോഷ പരിപാടികളുടെ ഭാഗമായ 'ഫെസ്റ്റിവൽ ഓൺ ഡെമോക്രസി'യിലെ രണ്ടാമത്തെ പരിപാടിയായ 'നാഷണൽ സ്റ്റുഡൻറ്സ് പാർലമെൻറ്-കേരള 2019' സമാപനസമ്മേളനത്തിൽ മുഖ്യപ്രഭാഷണം നടത്തി സംസാരിക്കുകയായിരുന്നു അദ്ദേഹം.

സംസ്ഥാന മനുഷ്യാവകാശ കമ്മീഷന്‍ അംഗം കെ.മോഹന്‍കുമാര്‍ മാര്‍ച്ച് 22ന് പത്തനംതിട്ട ഗവണ്‍മെന്റ് ഗസ്റ്റ് ഹൗസില്‍ ക്യാമ്പ് സിറ്റിംഗ് നടത്തും.              (പിഎന്‍പി 700/19)

സംസ്ഥാനത്ത് മാര്‍ച്ച് ഒന്നു മുതല്‍ 30 വരെ മൃഗസംരക്ഷണ വകുപ്പിന്റെ ആഭിമുഖ്യത്തില്‍ കന്നുകാലി സെന്‍സസ് നടക്കും. ലൈവ് സ്റ്റോക്ക് ഇന്‍സ്പക്ടര്‍ന്മാര്‍ക്കാണ് സെന്‍സസിന്റെ ചുമതല. ഇതിനായി ജില്ലയില്‍ 155 എന്യൂമറേറ്റര്‍മാരെ നിയോഗിച്ചിട്ടുണ്ട്. 

എന്യൂമറേറ്റര്‍  വീടുകളിലും സ്ഥാപനങ്ങളിലും നേരിട്ടെത്തിയാണ് വിവരങ്ങള്‍ ശേഖരിക്കുക. പക്ഷിമൃഗാദികളുടെ വിവരങ്ങള്‍ക്കൊപ്പം മത്സുകൃഷിയുടേയും മത്സ്യ ബന്ധനത്തിന്റെ വിവരങ്ങളും ശേഖരിക്കുന്നുണ്ട്. എന്യൂമറേഷന്‍ പ്രവര്‍ത്തനത്തിനൊപ്പം മൃഗസംരക്ഷണത്തിന്റെ 'ഭൂമിക' ആപ്ലിക്കേഷനിലൂടെ വീടുകളുടെ അക്ഷാംശ രേഖാംശ വിവരങ്ങളും ജിയോടാഗ് ചെയ്യുന്നുണ്ട്.

അലങ്കാര മത്സ്യങ്ങളും വളര്‍ത്തു മത്സ്യങ്ങളുമായി ഫിഷറീസ് വകുപ്പിന്റെ സ്റ്റാള്‍ മേളയില്‍ ശ്രദ്ധയാകര്‍ഷിക്കുന്നു. സംസ്ഥാന സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് ശബരിമല ഇടത്താവളത്തില്‍ നടക്കുന്ന മേളയിലാണ് സ്റ്റാള്‍ കൗതുകമാകുന്നത്. കാര്‍പ്പ്, കട്‌ല, ഗപ്പി, പാരറ്റ് സിച്ചില്‍സ്, വൈറ്റ് ഷാര്‍ക്ക്, ആസാം വാള, കലാപ്പിയ, കരിമീന്‍, എയ്ഞ്ചല്‍ ഫിഷ്, മൃഗാള്‍, ഓസ്‌ക്കര്‍ തുടങ്ങിയ അലങ്കാര- വളര്‍ത്തു മത്സ്യങ്ങളുടെ പ്രദര്‍ശനമാണ് ഇവിടുത്തെ മുഖ്യ ആകര്‍ഷണം. അസിസ്റ്റന്റ് ഫിഷറീസ് ഡയറക്ടര്‍ എസ്.പ്രിന്‍സാണ് സ്റ്റാളിന്റെ പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്.

സമൂഹത്തെ കാര്‍ന്നു തിന്നുന്ന ലഹരിക്കെതിരെ ഓട്ടന്‍തുള്ളലിലൂടെ ബോധവത്കരണവുമായി സിവില്‍ എക്‌സൈസ് ഓഫീസറായ വി ജയരാജ്.  സംസ്ഥാന സര്‍ക്കാരിന്റെ ആയിരം ദിനാഘോഷത്തിന്റെ ഭാഗമായി ശബരിമല ഇടത്താവള ത്തിലൊരുക്കിയ പ്രദര്‍ശന വിപണന മേളയിലാണ് വേറിട്ട വിരുന്നുമായി ജയരാജ് എത്തിയത്. സംസ്ഥാന സര്‍ക്കാരിന്റെ വിമുക്തി മിഷന്റെ ഭാഗമായി ജീവിതം തന്നെ  ലഹരിയെന്ന സന്ദേശമാണ്  അദ്ദേഹം സമൂഹത്തിന് മുന്നില്‍ നൃത്തരൂപത്തിലൂടെ കാണിച്ചു കൊടുക്കുന്നത്. 

എറണാകുളം റേഞ്ച് ഓഫീസറായ ഈ നാല്‍പ്പത്തിനാലുകാരന്‍ കലയുടെ യാതൊരു പാരമ്പര്യവുമില്ലാതെയാണ് ഒരു വര്‍ഷം മുന്‍പ് കലാരംഗത്ത് ചുവടുറപ്പിച്ചത്. 

സംസ്ഥാന സര്‍ക്കാരിന്റെ കഴിഞ്ഞ ആയിരം ദിവസത്തെ ഭരണമികവിന്റെ നേര്‍സാക്ഷ്യം ജനങ്ങളില്‍ എത്തിക്കുന്നതിനായി പത്തനംതിട്ട നഗരസഭയുടെ ഇടത്താവള മൈതാനത്ത് നടത്തുന്ന ആഘോഷപരിപാടികളോടനുബന്ധിച്ച് ഇന്ന് (26) നടക്കുന്ന പരിപാടികള്‍ ചുവടെ. 

ഉച്ചയ്ക്ക് രണ്ട് മുതല്‍ ഉത്തരവാദിത്ത ടൂറിസം സാധ്യതകള്‍  എന്ന വിഷയത്തില്‍ ടൂറിസം വകുപ്പിന്റെ സെമിനാര്‍.

വൈകിട്ട് ആറ് മുതല്‍ മലപ്പുറം സംസ്‌കൃതിയുടെ പാവനാടകം. 

മാങ്ങ, ലിച്ചി, റംബൂട്ടാന്‍, മാങ്കോസ്റ്റിന്‍, ഇഞ്ചി, പൈനാപ്പിള്‍ തുടങ്ങി വിവിധ ഇനങ്ങളുടെ സ്‌ക്വാഷുകള്‍  മിതമായ നിരക്കില്‍ കല്‍പ്പറ്റ എസ്‌കെഎംജെ സ്‌കൂള്‍ ഗ്രൗണ്ടില്‍ ലഭിക്കും. സംസ്ഥാന സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി നടക്കുന്ന പ്രദര്‍ശനമേളയില്‍ അമ്പലവയല്‍ കാര്‍ഷിക ഗവേഷണ കേന്ദ്രമാണ് സ്‌ക്വാഷുകളുടെ സ്റ്റാള്‍ ഒരുക്കിയത്. വിവിധ തരം സ്‌ക്വാഷുകള്‍ ഇവിടെ ലഭ്യമാണ്. അമ്പലവയല്‍ കാര്‍ഷിക ഗവേഷണ കേന്ദ്രത്തില്‍ നിര്‍മിച്ചവയാണ് അവയെല്ലാം. കൂടാതെ വിവിധയിനം അച്ചാറുകള്‍, ചിപ്‌സ്, വിവിധയിനം പൊടികള്‍ തുടങ്ങിയ ഉല്‍പന്നങ്ങളും ഇവിടെയുണ്ട്.