പൊഴുതന ഗ്രാമപ്പഞ്ചായത്ത് പരിധിയിലെ ജലസ്രോതസ്സുകളില്‍ നിന്നുള്ള ശുദ്ധജലം കൃഷി ആവശ്യത്തിന് ഉപയോഗിച്ചാല്‍ കര്‍ശന നടപടിയുണ്ടാവുമെന്നു സെക്രട്ടറി അറിയിച്ചു. രൂക്ഷമായ കുടിവെള്ള ക്ഷാമം ഉണ്ടാവാനിടയുള്ളതിനാല്‍ കൃഷി ആവശ്യത്തിന്  ജലസ്രോതസ്സുകളില്‍ നിന്നു വെള്ളമെടുക്കുന്നത് ഒഴിവാക്കണം.

    പ്രളയബാധിത മത്സ്യകര്‍ഷകര്‍ക്ക് ഫിഷറീസ് വകുപ്പിന്റെ ധനസഹായം കല്‍പ്പറ്റ ടൗണ്‍ഹാളില്‍ നടന്ന ചടങ്ങില്‍ സി.കെ. ശശീന്ദ്രന്‍ എം.എല്‍.എ. വിതരണം ചെയ്തു.

     സംസ്ഥാനത്തെ സ്‌കൂൾ കുട്ടികൾക്ക് സൈബർ സുരക്ഷ ഉറപ്പാക്കുന്നതിനുള്ള മാർഗനിർദ്ദേശങ്ങൾ ഉൾപ്പെടുന്ന സൈബർ സേഫ്റ്റി പ്രോട്ടോക്കോൾ പ്രസിദ്ധീകരിച്ചു. പതിമൂന്നാം കേരള നിയമസഭയുടെ സ്ത്രീകളുടേയും കുട്ടികളുടേയും വികലാംഗരുടേയും ക്ഷേമം സംബന്ധിച്ച സമിതിയുടെ ആറാമത് റിപ്പോർട്ടിലെ ശുപാർശ പ്രകാരമാണ് കേരള ഇൻഫ്രാ സ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) സൈബർ സേഫ്റ്റി പ്രോട്ടോക്കോൾ പുറപ്പെടുവിച്ചത്. രേഖയിൽ സ്ഥാപനമേധാവികൾക്കും, അധ്യാപകർക്കും, രക്ഷിതാക്കൾക്കും, കുട്ടികൾക്കും  ആവശ്യമായ മാർഗനിർദ്ദേശങ്ങളുണ്ട്.

തിരുവനന്തപുരം - എറണാകുളം റൂട്ടിലും തിരുവനന്തപുരം, എറണാകുളം നഗരപ്രാന്തങ്ങളിലും കെ.എസ്.ആർ.ടി.സിയുടെ ഇലക്ട്രിക് ബസ് സർവീസുകൾ ഫെബ്രുവരി 25 മുതൽ ആരംഭിക്കും. 

രാവിലെ നാല്, നാലര, അഞ്ച്, അഞ്ചര, ആറ് മണി, വൈകുന്നേരം അഞ്ച്, ആറ്, ഏഴ്, എട്ട്, ഒൻപത് എന്നീ സമയങ്ങളിൽ എറണാകുളത്ത് നിന്ന് തിരുവനന്തപുരത്തേക്കും, തിരുവനന്തപുരത്ത് നിന്ന് എറണാകുളത്തേക്കും ആലപ്പുഴ വഴി സർവീസ് നടത്തും. ഈ ബസുകൾക്ക്www.online.ksrtc.com വഴി ഓൺലൈൻ ടിക്കറ്റ് റിസർവേഷൻ സൗകര്യമുണ്ട്.