പിന്നോക്ക വിഭാഗവികസന വകുപ്പ് നടപ്പാക്കുന്ന ഒബിസി പ്രീമെട്രിക് സ്‌കോളര്‍ഷിപ് പദ്ധതിയുമായി ബന്ധപ്പെട്ട് 2015-16, 2016-17, 2017-18 വര്‍ഷങ്ങളില്‍ സ്‌കോളര്‍ഷിപ് ലഭിക്കാത്ത വിദ്യാര്‍ത്ഥികളുടെ ബാങ്ക് അക്കൗണ്ട് വിവരങ്ങള്‍ സ്‌കൂള്‍ പ്രധാനാധ്യാപകര്‍ മുഖേന പിന്നാക്ക വിഭാഗ വികസന വകുപ്പിന്റെ എറണാകുളം മേഖലാ ഓഫിസില്‍ ലഭ്യമാക്കണമെന്ന് എല്ലാ ജില്ലാ വിദ്യാഭ്യാസ ആഫീസര്‍മാര്‍ക്കും പിന്നോക്ക വിഭാഗ വികസന വകുപ്പ് എറണാകുളം മേഖലാ ഡെപ്യൂട്ടി ഡയറക്ടര്‍ നിര്‍ദേശം നല്കി.

കൊച്ചി: പിന്നാക്ക വിഭാഗ വികസന വകുപ്പ് നടപ്പിലാക്കി വരുന്ന മത്സര പരീക്ഷാ പരിശീലന ധനസഹായ പദ്ധതിയായ എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാം 2018-19 ബാങ്കിങ്/ഗേറ്റ്/മാറ്റ്/യു.ജി.സി/സിവില്‍ സര്‍വീസ് എന്നീ വിഭാഗത്തിലെ ഗുണഭോക്താക്കളുടെ കരട് പട്ടിക www.bcdd.kerala.gov.in വെബ്‌സൈറ്റില്‍ പ്രസിദ്ധീകരിച്ചു. കരട് പട്ടിക സംബന്ധിച്ച് ആക്ഷേപമുളളവര്‍ അസല്‍ രേഖകള്‍ സഹിതം ഫെബ്രുവരി 26-ന് വൈകിട്ട് അഞ്ചിനു മുമ്പ് ഓഫീസുമായി ബന്ധപ്പെടണം. കൂടുതല്‍ വിവരങ്ങള്‍ക്ക് ഫോണ്‍ 0484-2429130.

കൊച്ചി: കേരള സര്‍വ്വകലാശാലയുടെയും, എ.ഐ.സി.റ്റി.ഇയുടെയും അംഗീകാരത്തോടെ പുന്നപ്ര അക്ഷര നഗരികേപ്പ് കാമ്പസില്‍ പ്രവര്‍ത്തിക്കുന്ന ഗവണ്‍മെന്റ് അംഗീകൃത സ്ഥാപനമായ ഇന്‍സ്റ്റിറ്റിയൂട്ട് ഓഫ് മാനേജ്‌മെന്റ് ആന്റ് ടെക്‌നോളജി (ഐ.എം.റ്റി) പുന്നപ്ര യില്‍ 2019 - 2021  ബാച്ചിലേയ്ക്കുള്ള ദ്വിവത്സര ഫുള്‍ടൈം എം. ബി.

കൊച്ചി: സംസ്ഥാന സര്‍ക്കാരിന്റെ  1000 ദിനാഘോഷങ്ങളുടെ ഭാഗമായി എറണാകുളത്തപ്പന്‍ ഗ്രൗണ്ടില്‍ നടക്കുന്ന പ്രദര്‍ശനത്തോടനുബന്ധിച്ച് ഫെബ്രുവരി 26-ന് വൈകിട്ട് അഞ്ചു മുതല്‍ 06.30 വരെ കൊച്ചി സിറ്റി പോലീസിന്റെ ഡോഗ് ഷോ ഉണ്ടായിരിക്കും. വിദഗ്ധ പരിശീലനം നേടിയ എക്‌സ്‌പ്ലോസീവ് സ്‌നിഫര്‍, ട്രാക്കിംഗ് ഡോഗ്, നര്‍ക്കോട്ടിക് ഡിറ്റക്ഷന്‍, അര്‍ബന്‍ പട്രോള്‍ തുടങ്ങിയ വിഭാഗങ്ങളിലെ ഡോഗുകള്‍ ഷോയില്‍ പങ്കെടുക്കും.

പെരിയ നവോദയ വിദ്യാലയത്തില്‍ എച്ച് വണ്‍ എന്‍ വണ്‍ സ്ഥിരീകരിച്ച സാഹചര്യത്തില്‍ സ്ഥിതിഗതികള്‍ നിയന്ത്രണ വിധേയമാണെന്ന് റവന്യൂ വകുപ്പ് മന്ത്രി ഇ. ചന്ദ്രശേഖരന്‍ പറഞ്ഞു.  കാഞ്ഞങ്ങാട് മിനി സിവില്‍ സ്റ്റേഷന്‍  കോണ്‍ഫറന്‍സ് ഹാളില്‍  നവോദയ വിദ്യാലയത്തിലെ വിദ്യാര്‍ത്ഥികളുടെ രക്ഷിതാക്കള്‍ക്കും അധ്യാപകര്‍ക്കുമായി സംഘടിപ്പിച്ച പ്രത്യേക അവലോകന യോഗത്തില്‍ സംസാരിക്കുകയായിരുന്നു അദ്ദേഹം. ആരോഗ്യ വകുപ്പ് പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കിയിട്ടുണ്ടെന്നും കൂടുതല്‍ വിദഗ്ധ ചികിത്സ ആവശ്യമാണെന്നു തോന്നിയാല്‍ പ്രത്യേക മെഡിക്കല്‍ സംഘത്തെ അയക്കുമെന്നു മുഖ്യമന്ത്രിയും ആരോഗ്യമന്ത്രിയും അറിയിച്ചിട്ടുണ്ട്. 

സര്‍ക്കാരിന്റെ ആയിരം ദിനാഘോഷത്തോടനുബന്ധിച്ച് പട്ടികജാതി പട്ടികവര്‍ഗ്ഗ വികസന വകുപ്പുകള്‍ മുഖേന നടപ്പാക്കുന്ന വിവിധ പദ്ധതികളുടെ ഉദ്ഘാടനം ഇന്ന്  (ഫെബ്രുവരി 26ന)് രാവിലെ 10ന് എറണാകുളത്തപ്പന്‍ ഗ്രൗണ്ടില്‍ ജോണ്‍ ഫെര്‍ണാണ്ടസ് എംഎല്‍എ നിര്‍വഹിക്കും. പട്ടികവര്‍ഗ്ഗ വികസനവകുപ്പ് ഡയറക്ടര്‍ ഡോക്ടര്‍ പി പുഗഴേന്തി അധ്യക്ഷത വഹിക്കും. പരിശീലന പദ്ധതികളുടെ സര്‍ട്ടിഫിക്കറ്റ് വിതരണവും ഇതോടൊപ്പം ഉണ്ടാകും. സംസ്ഥാന ഉപദേശകസമിതി അംഗം എംകെ ശിവരാജന്‍ സര്‍ട്ടിഫിക്കറ്റുകള്‍ വിതരണം ചെയ്യും.  

മൂവാറ്റുപുഴ:  ശാസ്ത്രീയമായ സൗകര്യങ്ങളും പരിശീലനങ്ങളും സംയോജിപ്പിച്ച് റോഡപകടങ്ങള്‍  കുറയ്ക്കലാണ് മോട്ടോര്‍ വാഹന വകുപ്പിന്റെ ലക്ഷ്യമെന്ന് ഗതാഗതമന്ത്രി ഏ.കെ.ശശീന്ദ്രന്‍ അഭിപ്രായപ്പെട്ടു. ജില്ലയിലെ ആദ്യ ഓട്ടോമേറ്റഡ് െ്രെഡവിങ്ങ് ടെസ്റ്റ് സെന്റര്‍, ഓട്ടോമേറ്റഡ് െ്രെഡവിങ്ങ് ഫിറ്റ്‌നസ് സ്‌റ്റേഷന്‍ എന്നിവയുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. സംസ്ഥാനത്ത് പ്രതിവര്‍ഷം 45000 വാഹന അപകടങ്ങള്‍ ഉണ്ടാകുന്നുണ്ടെന്നാണ് മോട്ടോര്‍ വാഹന വകുപ്പിന്റെ കണക്ക്. ഈ അപകടങ്ങളില്‍ പ്രതിവര്‍ഷം 4500 പേര്‍ മരിക്കുന്നുണ്ട്. ദിവസേന 13 പേര്‍ എന്ന ക്രമത്തിലാണത്.

അങ്കമാലി : കോക്കുന്നില്‍ പ്രവര്‍ത്തിക്കുന്ന മൂക്കന്നൂര്‍ ഗ്രാമപഞ്ചായത്ത്  പ്രാഥമികാരോഗ്യകേന്ദ്രത്തിന് വേണ്ടി ഗ്രാമപഞ്ചായത്ത് നിര്‍മ്മിച്ച പുതിയ ബ്ലോക്കിന്റെ ഉദ്ഘാടനം റോജി എം. ജോണ്‍ എം. എല്‍. എ നിര്‍വ്വഹിച്ചു.  പഞ്ചായത്ത് പ്രസിഡന്റ്ജയ രാധാകൃഷ്ണന്‍ അദ്ധ്യക്ഷത വഹിച്ചു.

അങ്കമാലി : ചെറുകിട നാമമാത്ര കര്‍ഷകര്‍ക്കായി കേന്ദ്ര സര്‍ക്കാര്‍ ഏര്‍പ്പെടുത്തിയ  പ്രധാനമന്ത്രി കിസ്സാന്‍ സമ്മാന്‍ നിധിയുടെ ജില്ലാതല ഉദ്ഘാടനം  റോജി എം. ജോണ്‍ എം. എല്‍. എ. നിര്‍വ്വഹിച്ചു. ബ്ലോക്ക് പഞ്ചായത്ത് ഓഡിറ്റോറിയത്തില്‍  നടന്ന ചടങ്ങില്‍ പ്രസിഡന്റ് പി. ടി. പോള്‍ അദ്ധ്യക്ഷത വഹിച്ചു.  രാജ്യത്തെ കാര്‍ഷിക മേഖലയുടെ  പുനരുദ്ധാരണത്തിന് സമഗ്രമായ പദ്ധതി നടപ്പിലാക്കാന്‍ കേന്ദ്ര സര്‍ക്കാര്‍ തയ്യാറകണമെന്ന്  എം. എല്‍. എ. ആവശ്യപ്പെട്ടു. 

കാക്കനാട് : അങ്കമാലി എക്‌സൈസ് റേഞ്ചിന്റെ പുതിയ ഓഫീസ് കെട്ടിടത്തിന്റെ ഉദ്ഘാടനവും എറണാകുളം ജില്ലാ എക്‌സൈസ് വയര്‍ലെസ് സംവിധാനത്തിന്റെ ഉദ്ഘാടനവും ഇന്ന് (ഫെബ്രുവരി 26) വൈകീട്ട് അഞ്ച് മണിക്ക് എക്‌സൈസ് വകുപ്പ് മന്ത്രി ടി. പി. രാമകൃഷ്ണന്‍ നിര്‍വ്വഹിക്കും.