ലോക്‌സഭാ തെരഞ്ഞെടുപ്പ് പോളിംഗ് ഡ്യൂട്ടിക്കുള്ള ഉത്തരവ് ലഭിച്ച് പരിശീലനത്തിന് ഹാജരാകാന്‍ സാധിക്കാത്ത ഉദ്യോഗസ്ഥര്‍ക്ക് ഏപ്രില്‍ 16ന് രാവിലെ 9.45ന് കലക്ടറേറ്റ് കോണ്‍ഫറന്‍സ് ഹാളില്‍ ഒരു ക്ലാസ് കൂടി നടത്തുന്നു. ഇതുവരെ പങ്കെടുക്കാത്തവര്‍ പ്രസ്തുത ക്ലാസില്‍ നിര്‍ബന്ധമായും ഹാജരാകണമെന്ന് ജില്ലാകലക്ടര്‍ അറിയിച്ചു. തെരഞ്ഞെടുപ്പ് മൈക്രോ ഒബ്‌സര്‍വര്‍മാര്‍ക്കുള്ള പരിശീലന ക്ലാസ് 16ന് 11 മണിക്ക് തൊടുപുഴ മുന്‍സിപ്പല്‍ ടൗണ്‍ഹാളില്‍ നടത്തുമെന്നും ജില്ലാകലക്ടര്‍ അറിയിച്ചു.

തൊടുപുഴ നിയോജകമണ്ഡലത്തിലെ ആലക്കോട്, ചിലവ്, കരിമണ്ണൂര്‍, നെയ്യശ്ശേരി, കലയന്താനി, തൊടുപുഴ, വെങ്ങല്ലൂര്‍, വെള്ളിയാമറ്റം, ഇളംദേശം എന്നിവിടങ്ങളില്‍ പൊതുസ്ഥലത്ത്   സ്ഥാപിച്ചിരുന്ന 249 പോസ്റ്ററുകള്‍, 3 ഫ്‌ളക്‌സുകള്‍, 3 കൊടികള്‍, സ്വകാര്യ സ്ഥലത്ത് സ്ഥാപിച്ചിരുന്ന 15 ഫ്‌ളക്‌സ്‌ബോര്‍ഡുകള്‍ എന്നിവ നീക്കം ചെയ്തു.

ലോക്‌സഭാ തെരഞ്ഞെടുപ്പ് ജോലിക്ക് നിയോഗിച്ചിട്ടും  ഹാജരാകുന്നതിന് വിമുഖത കാണിച്ച ഇടുക്കി ജില്ലാ എംപ്ലോയ്‌മെന്റ്  ഓഫീസിലെ ക്ലര്‍ക്കായ സുശീലനെ ജനപ്രാതിനിധ്യ നിയമം അനുസരിച്ച്  അറസ്റ്റ് ചെയ്തു. ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാകലക്ടര്‍ എച്ച്. ദിനേശന്റെ ഉത്തരവിന്റെ അടിസ്ഥാനത്തില്‍ ജോലിക്ക് ഹാജരാകുന്നതിന് വീഴ്ച വരുത്തിയ ഉദ്യോഗസ്ഥനെ ഉടന്‍ തന്നെ അറസ്റ്റ് ചെയ്ത് ജില്ലാകലക്ടര്‍ മുമ്പാകെ ഹാജരാക്കിയെന്ന് ജില്ലാ പോലീസ് സൂപ്രണ്ട് അറിയിച്ചു.

ഇടുക്കി നിയോജകമണ്ഡലത്തിലെ എട്ടു സ്ഥാനാര്‍ത്ഥികളുടെയും തെരഞ്ഞെടുപ്പ് വരവ്- ചെലവ് കണക്കുകളുടെ  അവലോകനം തെരഞ്ഞെടുപ്പ് ചെലവ് നിരീക്ഷകന്‍ ഡി.വി സിംഗിന്റെ നേതൃത്വത്തില്‍ ജില്ലാ പ്ലാനിംഗ് ഓഫീസില്‍ നടത്തി. ഇലക്ഷന്‍ നോഡല്‍ ഓഫീസര്‍ അജി ഫ്രാന്‍സിസ്, ഏഴു മണ്ഡലങ്ങളിലെ അസിസ്റ്റന്റ് എക്‌സ്‌പെന്‍ഡിച്ചര്‍ ഓഫീസര്‍മാര്‍, സ്ഥാനാര്‍ത്ഥികളെ പ്രതിനിധീകരിച്ച രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ പങ്കെടുത്തു.

ഇടുക്കിഎക്‌സൈസ്ഡിവിഷനിലെവിവിധ അബ്കാരികേസുകളില്‍ ഉള്‍പ്പെട്ട്‌സര്‍ക്കാരിലേക്ക്കണ്ടുകെട്ടിയതുമായഓട്ടോറിക്ഷ, സ്‌കൂട്ടര്‍,  മോട്ടോര്‍സൈക്കിള്‍, മാരുതികാര്‍, മാരുതിഇക്കോ വാന്‍ എന്നിവഇടുക്കിഡെപ്യൂട്ടിഎക്‌സൈസ് കമ്മീഷണര്‍ എക്‌സൈസ്ഡിവിഷനാഫീസില്‍(തൊടുപുഴ) ഏപ്രില്‍ 30ന് രാവിലെ 11 മണിക്ക് പരസ്യമായിലേലംചെയ്യും.  ലേല നിബന്ധനകളുംവ്യവസ്ഥകളുംഇടുക്കിഎക്‌സൈസ്ഡിവിഷനാഫീസില്‍ നിന്നുംജില്ലയിലെഎല്ലാഎക്‌സൈസ്ഓഫീസുകളില്‍ നിന്നുംഅറിയാം.